Unsaon nako pag-dismiss ang problema sa datos gikan sa usa ka tawo sa Family Tree?

Kon makamatikod ang Family Tree sa imposible o dili komon nga isyu sa datos alang sa usa ka tawo, magpakita og timailhan sa problema sa datos ang sistema ( ). Ang mga pananglitan sa mga problema sa datos naglakip sa usa ka bata kansang petsa sa pagkahimugso nahitabo sa wala pa ang petsa sa pagkatawo sa usa ka ginikanan o usa ka tawo nga nabuhi kapin sa 120 ka tuig.

Kon sakto kini, pipila sa mga problema sa datos ma-dismiss. Ang ubang mga problema sa datos mawala ra human mahusto ang datos nga hinungdan sa problema.

Mga Lakang (website)

1. Diha sa kinaibabwan nga menu, i-klik ang Family Tree, ug dayon i-klik ang Tree.
2. Pangitaa ang tawo nga adunay problema sa datos.
3. I-klik ang ngalan sa tawo. Sa mga detalye nga mogawas, i-klik pag-usab ang ngalan sa tawo.
4. I-klik ang Mga Detalye nga tab.
5. Pangitaa ang seksiyon nga Tabang sa Pagpanukiduki diha sa tuo.
6. I-klik ang problema sa datos nga gusto nimong i-dismiss. Kon puwede ra nga i-dismiss ang problema sa datos, ang fly-out naay I-dismiss nga link.
7. I-klik ang I-dismiss.
8. Ibutang ang pahayag sa rason.
9. I-klik ang I-dismiss.

Mga Lakang (mobile nga app)

Dili makita sa Family Tree nga mobile app ang mga problema sa datos. Bisitaha ang website alang niini nga buluhaton.

Mga Lakang (Family Tree Lite)

Dili ipakita sa Family Tree Lite ang mga problema sa datos. Bisitaha ang tibuok website alang niini nga buluhaton.

May kalabotan nga mga artikulo

Unsaon nako sa pag-ayo ang mga problema sa datos [data problems] diha sa Family Tree?
Unsa man ang tanang posibleng mga problema sa datos diha sa Family Tree?