Kon wala ka masayod sa eksakto nga petsa, mahimo nimong kining butangan nianang adlawa o panahona sa tuig base sa uban nga impormasyon.
Dili kompleto nga mga petsa
Kon wala ka masayod sa eksakto nga petsa, mahimo nimong i-type ang dili kompleto nga mga petsa sama niini:
- 1988
- Agosto 1988
Kalkulado o gibanabana nga petsa
Kon wala ka masayod sa petsa, tingali mahimo nimong kalkulohon. Pananglitan, mahimo nimong ikalkulo ang petsa sa natawhan basi sa narekord nga edad sa tawo sa panahon sa usa ka panghitabo. Busa kon ang 1860 nga census naglista og usa ka tawo isip dos anyos, mahimo nimong kalkulohon ang natawhan isip 1858. Diha sa Family Tree, mahimong nimong i-type ang gikalkulo nga petsa sa usa niini nga mga paagi:
- 1858
- Gikalkulo 1858
Mga petsa sa pagkamatay
Mahimo usab nimong kalkulohon ang tuig sa usa ka panghitabo base sa uban nga impormasyon. Diha sa Family Tree, mahimo nimong i-type ang usa sa mosunod nga mga pulong uban sa gibanabana nga tuig:
- Sa wala pa
- Pagkahuman
- Mga
Ang mosunod mao ang mga sampol kon unsaon nimo sa pagbanabana sa usa ka petsa.
- Ikaw adunay impormasyon nga ang usa ka katigulangan namatay atol sa Unang Gubat sa Kalibotan. Ang petsa sa kamatayon gibanabana nga anaa sa Mga 1914 (ang petsa sa pagsugod sa gubat; mahimo usab ka nga molista og laing tuig sa gubat kon nasayod ka nga namatay ang tawo diha sa tunga-tunga o sa kataposan sa gubat).
- Ikaw adunay impormasyon nga ang usa ka katigulangan namatay sa wala pa nagsugod ang Unang Gubat sa Kalibotan. Ang petsa sa kamatayon mahimong banabanaon nga Sa wala pa ang 1914.
- Ikaw adunay usa ka petsa sa kaminyoon apan dili ang petsa sa natawhan. Makabanabana ka sa mga tuig nga natawhan gikan sa tuig sa kaminyoon. Sa kinatibuk-an nga pangagpas nga gigamit alang sa maong mga kahimtang mao nga ang usa ka lalaki maminyo sa pangedaron nga 25 ug ang usa ka babaye sa 21 ang pangedaron. Sa ingon, kon ikaw adunay usa ka petsa sa kaminyoon nga 1875, mahimo nimong ilista ang petsa nga natawhan sa bana nga Mga 1850 ug ang petsa sa natawhan sa asawa nga Mga 1854. (Kini ang kinatibuk-ang mga lagda ug adunay diyutay nga kalahian base sa kultura, panahon [time frame], o nasod.)
- Nasayod ka sa petsa sa kaminyoon apan wala masayod sa mga petsa sa natawhan sa mga anak sa magtiayon. Makagamit ka og banabana nga tuig alang sa natawhan niadto nga mga anak. Banabanaa ang natawhan sa unang anak isip usa ka tuig human sa kaminyoon sa mga ginikanan ug kanang nagsunod nga mga anak natawo sa matag duha ka tuig human niana. Pananglitan, kon ang usa ka magtiayon naminyo niadtong 1800 ug nakabaton og duha ka anak, ang banabana sa tuig sa natawhan sa unang anak anaa sa Mga 1801 ug ang banabana sa tuig nga natawhan sa ikaduha nga anak anaa sa mga 1803.
- Mahimo nimong gamiton ang nahibaloan sa pamilya o tradisyon isip mga tinubdan sa mga petsa. Pananglitan, kon ang tradisyon sa pamilya nag-ingon nga ang usa ka katigulangan 16 anyos sa dihang naminyo siya niadtong 1876, mahimo nimong banabanaon ang tuig nga natawhan isip anaa sa mga 1860.
Gintang sa mga Petsa
Nasayod ka nga ang usa ka kalihokan nahitabo sulod sa usa ka piho nga panahon. Niini nga kahimtang, i-type ang labing sayo nga petsa ug ang labing ulahi nga petsa, sama niining ehemplo: Gikan sa 1860 hangtod 1870.Walay petsa sa pagkamatay
Nasayod ka nga namatay na ang usa ka tawo apan wala masayod sa eksakto nga petsa sa pagkamatay. I-klik ang Patay na nga opsiyon ug mahimong blankohan ang luna sa petsa o i-type ang gibanabana nga tuig.
Kon makita ang usa ka petsa sa pagkamatay sa indibidwal ug imong sulayan sa pag-delete niini, mogawas ang error nga pakyas sa pag-save [save failed]. Gamita hinoon ang usa sa mga pormat alang sa gibanabana nga petsa.Ang gibanabana ug parsyal nga mga petsa makaapekto sa han-ay sa natawhan sa mga anak
- Ang gi-standardize nga mga petsa magtino sa han-ay sa mga anak o daghan nga kapikas diha sa Family Tree.
- Kon mogamit ka og usa ka pagbanabana o parsyal nga petsa alang sa usa ka anak o kapikas, kini mahimong makita nga wala mahan-ay. Tan-awa ang May Kalabotan nga mga Artikulo alang sa dugang nga impormasyon.
May kalabotan nga mga artikulo
Nganong ang mga igsoon sa akong katigulangan nalista nga wala mahan-ay?
Unsaon nako sa pagbutang sa mga petsa ug mga lugar ngadto sa Family Tree?
Unsaon nako sa pag-ayo ang mga problema sa datos [data problems] diha sa Family Tree?
Mga laktod alang sa pagbutang sa mga petsa ngadto sa Family Tree
Unsaon nako sa pagbutang og mga petsa gikan sa karaang mga teksto nga Chinese ngadto sa Family Tree?