Unsaon nako sa pagkorehir ang linya sa clan diha sa Family Tree?

Pinaagi sa default, ang yellow nga linya sa clan nga makita diha sa Unang Katigulangan nagsubay sa direkta nga linya sa habig sa lalaki [patrilineal] tali sa unang katigulangan diha sa kinaibabwan ug sa tawo nga gipokusan diha sa kinaubsan. Mahimo nimong korihian ang linya sa clan kon gikinahanglan aron makita ang mga pagpanagop o ubang sitwasyon diin ang linya sa clan dili husto.

Kon ang linya sa clan dili husto, sunda ang yano nga proseso sa pagkorehir niini.

1. Idugang ang mga ginikanan nga kinahanglang mao ang anaa diha sa linya sa clan ngadto sa Family Tree.
2. Pagpili og mga ginikanan nga kinahanglang mao ang anaa diha sa linya sa clan isip gipili nga mga ginikanan.
3. Idugang ang unang katigulangan ngadto sa tawo nga kinahanglang mao ang anaa diha sa clan.
4. Balik ngadto sa orihinal nga tawo nga gipokusan.

Makatabang nga impormasyon: Sa dili pa buhaton kini nga mga lakang, susiha pag-usab kon ikaw kabahin ba niini nga clan sa katigulangan. Ang mga balaod sa linya sa clan mas piho kay sa ubang relasyon sa genealogy, mao nga bisan kon kamo paryente, basin dili gihapon sila mahimong makonekta.

(Opsiyonal) Kopyaha ang numero sa ID sa unang katigulangan.

Ang pagkopya sa numero sa ID sa unang katigulangan mas makapasayon niini nga bahin sa proseso sa pagkorehir:

1. Diha sa pedigree sa Unang Katigulangan, makita ang unang katigulangan.
2. Diha sa tile sa unang katigulangan, i-klik ang numero sa ID, nga makita ubos sa ngalan ug mga tuig.

Lakang 1. Idugang ang mga ginikanan ngadto sa Family Tree.

Siguroa nga ang Family Tree naglangkob sa mga ginikanan nga kinahanglang mao ang anaa diha sa linya sa clan. Kon ang usa ka tawo gisagop ngadto sa laing clan, mahimo nimong idugang ang biyolohikal ug nagsagop nga mga ginikanan.

1. Diha sa pedigree sa Unang Katigulangan, i-klik ang tile sa tawo nga kinahanglang mao ang anaa diha sa linya sa clan.
2. Diha sa tupad nga panel, i-klik ang Motan-aw og Tawo.
3. Diha sa pahina sa tawo, i-scroll paubos ngadto sa mga Sakop sa Pamilya.
4. Kon ang husto nga mga ginikanan wala malista, i-klik ang Modugang og Ginikanan, ug idugang kini.

Lakang 2. Pilia ang gipili nga mga ginikanan.

Ang Family Tree mogamit sa gipili nga mga ginikanan aron makita ang linya sa clan. Kon ang linya sa clan adto mosubay sa nagsagop nga mga ginikanan, pilia sila isip gipili nga mga ginikanan:

1. Diha sa pahina sa tawo, i-scroll og balik paubos ngadto sa seksiyon sa mga Sakop sa Pamilya kon gikinahanglan.
2. Pangitaa ang nagsagop nga mga ginikanan nga gisubay sa linya sa clan.
3. I-klik ang Gipili.

Pahibalo: Ang Gipili nga opsiyon makita kon ang tawo i-link ngadto sa sobra sa usa ka paresan sa mga ginikanan. Kon ang tawo adunay usa lamang ka paresan sa mga ginikanan, sila mao ang gipili nga mga ginikanan pinaagi sa default.

(Opsiyonal) Ibutang ang matang sa relasyon.

Diha sa Family Tree, ang matang sa relasyon mopaila kon nganong nahimong mga ginikanan ug mga anak ang ilang relasyon. Pinaagi sa default, ang Family Tree mobutang sa relasyon sa ginikanan ngadto sa anak ngadto sa biyolohikal. Mahimo nimo kining usbon ngadto sa nagsagop, nag-amuma, tigbantay, o ama-ama o ina-ina.

Kini nga lakang, bisan kon wala kinahanglana, girekomendar tungod kay nagtugot kini sa Family Tree sa pagpreserbar ug pagpresentar sa impormasyon sa mas tukma nga paagi.

1. Diha sa seksiyon sa mga Sakop sa Pamilya, pangitaa ang tawo diha sa ikaduha nga kolum, nga gilista isip anak uban sa mga ginikanan.
2. I-klik ang .
3. Sa ubos sa impormasyon sa amahan, i-klik ang Modugang og Matang sa Relasyon.
4. Usbon ang Biyolohikal ngadto sa husto nga matang.
5. Ibutang ang rason aron sa pagpasabot ngano nga ang impormasyon husto.
6. I-klik ang I-save.
7. Balika kini nga proseso alang sa asawa.

Lakang 3. Idugang ang unang katigulangan.

Idugang ang unang katigulangan ngadto sa tawo diin ang linya sa clan naputol.

1. Diha sa pahina sa tawo, i-scroll paibabaw, ug dayon i-klik ang Tan-awon ang Tree. Ibalik ka ngadto sa pedigree sa unang katigulangan.
2. Kon ang tawo nga kinahanglang mao ang anaa sa clan dili mao ang tawo nga gipokusan, ibalik siya niana nga posisyon:
   
   1. I-klik ang tile sa tawo nga kinahanglang mao ang anaa sa clan.
   2. Diha sa tupad nga panel, i-klik ang Tan-awon ang Tree.
3. Diha sa kahon sa mensahe, i-klik ang Idugang ang Unang Katigulangan.
4. I-klik ang Pinaagi sa numero sa ID.
5. I-paste diha sa numero sa ID sa unang katigulangan.
6. I-klik ang Sunod.
7. I-klik ang Magdugang og Katukma.
8. I-klik ang OK.

(Opsiyonal) Itarong ang bisan unsa nga mga problema sa datos diha sa linya sa clan.

Ang system mahimong dili makakita sa linya sa clan kon adunay mga problema sa datos sulod sa linya sa pamilya. Ang kasagaran nga mga problema sama sa nagdoble ang mga tawo, looping [mga tawo nga gimarkahan nga ilang kaugalingong katigulangan], ug mga sayop sa mga relasyon nga mahimong maoy hinungdan sa mga sayop. Tan-awa sa may Kalabotan nga mga Artikulo aron magkat-on kon unsaon.

Lakang 4. Balik ngadto sa orihinal nga tawo nga imong gipokusan.

Mahimo ka nga mobalik ngadto sa orihinal nga tawo nga imong gipokusan.

1. I-klik ang Mga Labing Bag-o.
2. I-klik ang ngalan sa tawo.

Ang yellow nga linya sa clan karon makita na sa hustong paagi.

May kalabotan nga mga artikulo

Unsaon nako sa pagdugang og ama-ama o ina-ina, nagsagop, ug nag-amuma nga mga ginikanan ngadto sa usa ka anak diha sa Family Tree?
Unsaon nako sa pagbutang og gipili nga kapikas o mga ginikanan diha sa Family Tree?
Unsaon nako sa pag-ila sa biyolohikal, humabdos, gisagop, ug giamuma nga mga relasyon diha sa Family Tree?
Unsaon nako sa pag-ayo ang mga problema sa datos diha sa Family Tree?