Unsaon nako pagdugang o pagtangtang og mga tag sa hilisgotan diha sa Mga Handomanan?

Makahimo ka og mga tag sa hilisgotan aron sa paghulagway sa mga litrato, mga istorya, ug mga file sa audio diha sa FamilySearch. Ang mga pananglitan mao ang: resipe, bayani sa gubat, bunyag. Ang mga tag makapasayon sa pagpangita sa mga handomanan.

• Mahimo nimong idugang ang sama nga tag ngadto sa daghang handomanan sa usa ka higayon.
• Si bisan kinsa nga tiggamit makadugang o makatangtang sa mga tag sa hilisgotan gikan sa usa ka handomanan.
• Ang usa ka handomanan mahimong adunay kutob sa 30 ka tag sa hilisgotan.
• Ang mga tag sa hilisgotan dili mahimong adunay mga emoji o sa mosunod nga mga karakter: ~!@#$%&*(){}[]<>?/|\:;_+=.
• Ang FamilySearch dili mohubad sa mga tag sa hilisgotan. Kon magdugang ka og tag sa hilisgotan nga “church” (sa Iningles), ang usa ka tiggamit nga mangita alang sa “iglesia” (ang Spanish nga pulong sa Church) dili makakita niini.
• Dili ka makahimo og doble nga mga tag sa hilisgotan. Ni makahimo ka og mga doble diin ang kalainan lamang mao ang kapang-ulohang titik [capitalization].
• Gilantaw sa FamilySearch ang nagkalainlaing porma sa usa ka pulong isip managlahi nga mga tag. Busa, makahimo ka sa parehong “resipe” ug “mga resipe.” Hinuon, kon mangita ka alang sa “resipe,” dili nimo makit-an ang mga handomanan nga gi-tag og “mga resipe.”
• Kon mangita ka sa mga handomaman, makalakip ka og kutob sa 5 ka tag sa hilisgotan. Ang sistema mangita alang sa mga handomanan uban sa tanang tag nga imong gilakip sa pagpangita.
• Kon magdugang ka og ngalan isip usa ka tag sa hilisgotan, ang sistema dili molakip sa handomanan ngadto sa usa ka tawo diha sa Family Tree.

Mga Lakang (sa website)

1. Pangitaa ug i-klik ang usa ka aytem sa handomanan.
2. Pangitaa ang seksiyon sa Mga Tag sa Handomanan.
3. Magdugang og tag:
   
   1. I-klik ang Magdugang og mga Tag sa Hilisgotan.
   2. Pagsugod sa pag-type sa tag nga imong gusto.
   3. Kon ang tag mopakita diha sa gisugyot nga lista sa nahaunang nahimo nga mga tag, i-klik kini.
   4. Kon dili kini mopakita diha sa lista, hum-na og type ang pulong o pulongan ug i-klik ang I-save.
4. Aron sa pagtangtang sa usa ka tag, i-klik ang X sa tuo sa tag.
   
   1. Kon tangtangon nimo ang usa ka tag sa hilisgotan, usa ka I-undo nga opsiyon ang mopakita sulod sa pipila ka segundo.
   2. Kon aksidente nimong natangtang ang tag sa hilisgotan, mahimo nimo kining idugang pag-usab.

Mga Lakang (sa mobile app)

1. Pangitaa ug pindota ang usa ka piho nga handomanan.
2. Diha sa ibabaw sa screen, pindota ang icon nga porma og tag o label.
3. Sa kinaubsan sa screen, pindota ang Magdugang og tag sa hilisgotan.
4. Pagsugod sa pag-type sa tag nga imong gusto.
5. Kon ang tag mopakita diha sa gisugyot nga lista, pindota kini.
6. Kon dili kini mopakita diha sa lista, hum-na og type ang pulong o pulongan, ug pindota ang I-save.
7. Aron sa pagtangtang og tag, pindota ang X sa tuo sa tag.

Mga Lakang (sa Family Tree Lite)

Ang Family Tree Lite wala nagsuporta sa Mga Handomanan.

May kalabotan nga mga artikulo

Unsaon nako sa pagpangita og mga litrato, mga istorya, mga dokumento, ug mga file sa audio diha sa Mga Handomanan?