Unsaon nako paghimo og libre nga account sa FamilySearch?

Ang libre nga account sa FamilySearch naghatag og mas lapad nga pag-access sa mga kapanguhaan sa website sa FamilySearch.

Sa dili pa ka magsugod

• Kadtong kapin na sa 13 anyos ang edad pwdeng maghimo og account.
• Uban sa pagtugot sa ginikanan, ang mga bata nga nag-edad og 8–12 anyos pwedeng maghimo og mga account.
• Irekomendar namo nga mogamit og lahing email address o numero sa mobile phone ang kada tawo. Ang pagbuhat niini mas nakapasayon sa pag-recover sa username o pag-reset sa password.
• Samtang naghimo ka og account, posibleng naa nay naggamit sa imong pilion nga username. Kon mao, mohatag ang system og pipila ka kapilian nga mahimo nimong pilion. O maka-type ka og laing username.
• Irekomendar namo nga mogamit ka og lahi gawas sa imong email address isip imong username.
• Kon gamiton nimo imong email address nga username, palihog apili usab og numero sa mobile para sayon ra ma-recover ang account.

Mga Lakang (website)

1. Adto sa FamilySearch.org, ug i-klik ang Maghimo og Account.
2. I-type ang gikinahanglang impormasyon, ug i-klik ang Padayon.
3. I-type ang username ug password.
4. I-klik ang paubos nga arrow, ug pagpili og opsiyon sa pag-recover. Kon wala sa listahan sa lokasyon ang imong nasod, kinahanglan kang mogamit og email address sa pag-recover.
5. Para mouyon sa mga termino, i-check ang kahon. I-klik ang Maghimo og Account.
6. I-activate ang imong account. Pangitaa ang mensahe diha sa imong email account o mensahe sa text sa imong mobile phone.
   

Mga Lakang (mobile app)

1. I-open ang FamilySearch Family Tree o mga Handomanan nga app diha sa imong mobile device.
2. I-tap ang Maghimo og Libre nga Account.
3. Gamita ang mga instruksiyon sa website sa imong paghimo og account.

Mga Lakang (Family Tree Lite)

1. Adto sa Family Tree Lite.
2. I-klik ang Maghimo og Libre nga Account.
3. Gamita ang mga instruksiyon sa website sa imong paghimo og account.

Girekomendar nga sunod nga mga lakang

Rebyoha ang imong impormasyon sa pagkontak ug mga gusto sa pagpahibalo diha sa imong mga setting sa FamilySearch.

Pagpangayo og tabang

Kon makasugat ka og mga problema, kontaka ang Suporta sa FamilySearch.

Mga solusyon sa komon nga mga problema

Mao ni ang mga mensahe nga nagpasabot nga naa na tingali kay account:

• “Nagtuo mi nga naa na kini nga account.”
• “Gigamit na sa laing account ang numero sa mobile phone nga imong gi-type.”
• “Gigamit na sa laing account kini nga numero sa rekord sa Simbahan.”

Mga pahinumdom alang sa mga miyembro sa Ang Simbahan ni Jesukristo sa mga Santos sa Ulahing mga Adlaw

• Tingali naa na kay account sa Simbahan para sa website sa Simbahan o mga app sa Simbahan sama sa Tools. Wala ka magkinahanglan laing account para sa FamilySearch.org. Sa sign-in nga pahina, i-klik ang Mo-sign In gamit ang Account sa Simbahan.
• Para magamit ang mga mobile app sa Family Tree o Mga Handomanan, kinahanglang maghimo ka og account sa FamilySearch.
• Kon mopili ka sa paghimo og account sa FamilySearch, gamita ang mga lakang sa website.
  
  • Sa unang screen, i-klik ang kahon aron ipaila nga miyembro ka sa Simbahan.
  • I-type ang imong numero sa rekord sa Simbahan. Kon dili nimo ni makita, i-klik ang kahon, ug dayon i-klik ang Padayon.
• Aron idugang ang imong numero sa rekord sa Simbahan ngadto sa anaa na nga account, adto sa imong Mga Setting sa Account. Sa ubos nga bahin sa pahina, i-klik ang Idugang ang Numero sa Rekord sa Simbahan.

May kalabotan nga mga artikulo

Unsaon nako paghangyo sa FamilySearch nga padad-an ko og usab og verification email para sa akong Account?
Unsaon nako paghangyo nga ipadala pag-usab ang verification code aron ma-activate ang akong account sa FamilySearch?
Unsaon nako paghimo og libreng account para sa bata?
Unsay mga lagda para sa akong username ug password?
Makahimo ba ko og mga account gamit ang gipaambit nga email address?
Unsaon nako pagtabang ang laing tawo sa paghimo og account?