Unsaon nako paghimo og libreng account para sa bata?

Id sa Artikulo: 16706
2022 ноябрь 02

Kadtong 13 anyos o kapin pa pwedeng magrehistro para sa account sa FamilySearch nga walay pagtugot sa ginikanan.

Ang mga bata nga nag-edad og 8–12 anyos pwedeng magrehistro para sa account sa FamilySearch ubos sa pagtugot sa ginikanan. Kini nga account pwedeng himoon diha sa churchofjesuschrist.org o FamilySearch.org.

Ang mga bata nga naa nay account para sa Ang Simbahan ni Jesukristo sa mga Santos sa Ulahing mga Adlaw pwedeng mo-sign in sa FamilySearch.org gamit ang username ug password niana nga account pinaagi sa pagpili sa Mo-sign in Gamit ang Account sa Simbahan nga button diha sa website.

Mohatag og pagtugot diha sa churchofjesuschrist.org

Ang mga ginikanan ug legal nga mga tigbantay nga mga miyembro sa Ang Simbahan ni Jesukristo sa mga Santos sa Ulahing mga Adlaw pwedeng mohimo og mga account ug mohatag pagtugot diha sa churchofjesuschrist.org. Mahimo usab nga usbon sa mga ginikanan ang mga password sa ilang mga anak ug mo-delete sa mga account sa ilang mga anak.

Para sa mga instruksiyon, pag-sign in sa imong account sa churchofjesuschrist.org, ablihi ang mga setting sa imong account, ug i-klik ang Tabang.

Mohatag og pagtugot pinaagi sa FamilySearch.org

Pwede usab mohimo og account ang mga ginikanan ug mga anak diha sa FamilySearch.org. Wala kinahanglana ang pagkamiyembro sa Simbahan.

Atol niini nga proseso, pwedeng mopili og 1 sa 3 ka pamaagi ang ginikanan o legal nga tigbantay aron legal nga tugotan ang anak nga magparehistro alang sa FamilySearch.

  • Numero sa Rekord sa Simbahan (ilabina, alang sa mga Santos sa Ulahing mga Adlaw)
  • Email address
  • Numero alang sa text

Sa proseso sa paghimo og account, usa ka code alang sa pagtugot sa ginikanan ang ipadala sa email address o numero alang sa text sa ginikanan o tigbantay (kon wala maghimo og account gamit ang numero sa rekord sa Simbahan). Butangan usab nimo og pamaagi sa pag-recover sa account enkaso og malimot ang imong anak sa impormasyon sa pag-sign in. Alang sa mga account nga gi-set up gamit ang numero sa rekord sa Simbahan, kana nga sama nga numero ang gamiton sa pag-recover.

Ang nahibilin niini nga artikulo maghulagway kon unsaon sa paghimo sa account gikan sa FamilySearch.

Mga Lakang (FamilySearch.org)

Sa paghimo og account para usa ka bata nga nag-edad og 8 hangtod 12 anyos, sunda kini nga mga lakang.

  1. Adto sa usa ka produkto sa FamilySearch, ug gamita ang 1 niini nga mga opsiyon:
    • Adto sa FamilySearch.org nga site diha sa usa ka browser, ug i-klik ang Maghimo og Account.
    • Ablihi ang Family Tree o Mga Handomanan nga mobile app, ug i-tap ang Maghimo og Libreng Account.
  2. I-type ang impormasyon sa anak diha sa porma sa Paghimo og Account, ug i-klik ang Padayon.
  3. Ang dialog box nga Gikinahanglan ang Pagtugot sa Ginikanan o Tigbantay mopakita. Makapili ka sa paghatag og pagtugot pinaagi sa:
    • Numero sa Rekord sa Simbahan (tan-awa sa lakang 4)
    • Mensahe sa text (tan-awa sa lakang 5)
    • Email (tan-awa sa lakang 6)
  4. Aron mahatag ang pagtugot sa ginikanan pinaagi sa pag-type sa numero sa rekord sa Simbahan, sunda kini nga mga lakang.
    1. Pilia ang Gamita ang Numero sa Rekord sa Simbahan sa Ginikanan (mas gipalabi).
    2. I-type ang imong kaugalingong (ginikanan o legal nga tigbantay) numero sa rekord sa Simbahan. Dayon i-klik ang Padayon.
    3. Sunod i-type ang numero sa rekord sa Simbahan sa imong anak, ug i-klik ang Padayon.
    4. Tubaga ang nahibiling mga field sa porma, ug i-klik ang Maghimo og Account.
    5. Pag-sign in sa account sa FamilySearch aron makompleto ang pagparehistro. Kon malimot ang imong anak sa iyang impormasyon sa pag-sign in nga , ang numero sa rekord sa Simbahan gikinahanglan alang sa pag-recover.
  5. Aron mahatag ang pagtugot sa ginikanan pinaagi sa mensahe sa text, sunda kini nga mga lakang.
    1. Gamit ang mensahe sa text gikan sa drop-down nga menu, pilia ang Pangutan-a ang ginikanan, ug i-type ang numero alang sa text. I-klik ang Padayon.
    2. Tubaga ang nahibiling mga field sa porma, ug i-klik ang Maghimo og Account. Usa ka code sa pagtugot sa ginikanan ang i-text ngadto sa phone sa ginikanan.
    3. Ang sunod nga screen mangayo sa code sa pagtugot sa ginikanan nga gi-text ngadto sa phone sa ginikanan o tigbantay pinaagi sa mensahe sa text. I-type ang code, ug i-klik ang Isumiter.
    4. Sunod, i-type ang numero alang sa text o email address alang sa pag-recover sa account, enkaso og malimot ang imong anak sa iyang impormasyon sa pag-sign in.
    5. Kon pilion nimo ang pag-recover gamit ang numero alang sa text, i-type ang code nga gi-text ngadto sa phone, ug i-klik ang Isumiter.
    6. Kon pilion nimo ang email, i-open ang email, ug i-klik ang Kompletoha ang Pagparehistro.
    7. Pag-sign in sa account sa FamilySearch aron makompleto ang pagparehistro.
  6. Aron mahatag ang pagtugot sa ginikanan pinaagi sa email, sunda kini nga mga lakang.
    1. Gamit ang email gikan sa drop-down nga menu, pilia ang Pangutan-a ang ginikanan, ug i-type ang email address. I-klik ang Padayon.
    2. Nagpadayon ang paghimo sa account. Tubaga ang nahibiling mga field sa porma, ug i-klik ang Maghimo og Account. Usa ka mensahe nga adunay link sa pagtugot sa ginikanan ang ipadala ngadto sa email sa ginikanan.
    3. Ang sunod nga screen mangayo sa code sa pagtugot sa ginikanan nga gipadala ngadto sa email sa ginikanan o tigbantay. I-type ang code, ug i-klik ang Isumiter.
    4. I-type and numero alang sa text o email address sa pag-recover sa account, engkaso og malimot ang imong anak sa iyang impormasyon sa pag-sign in.
    5. Kon pilion nimo ang pag-recover gamit ang numero alang sa text, i-type ang code nga gi-text ngadto sa phone, ug i-klik ang Isumiter.
    6. Kon pilion nimo ang email, i-open ang email, ug i-klik ang Kompletoha ang Pagparehistro.
    7. Pag-sign in sa account sa FamilySearch aron makompleto ang pagparehistro.

Wala moabot ang email o text sa pag-verify

Kon wala dayon moabot ang pagtugot o pag-verify nga email o mensahe sa text, ang kalamboan sa imong account ma-save sulod sa 48 ka oras. Nianang panahona, pwede nimong himoon ang usa sa mosunod aron mahatag ang pagtugot:

  • Pag-sign in sa imong account sa churchofjesuschrist.org, ug ihatag ang pagtugot gikan sa imong mga setting sa account (alang sa mga Santos sa Ulahing mga Adlaw).
  • Susiha ang imong mga mensahe sa text o email sa tibuok adlaw. Kon walay moabot, balik sa FamilySearch.org, ug i-klik ang Sign In. I-type ang imong username ug password, ug ang FamilySearch motabang kanimo sa paghuman sa paghimo sa imong account.

Ang anak naa nay account

Kon makadawat ka og usa sa mga sayop nga mensahe sa ubos, lagmit naa nay account ang anak:

  • “Nagtuo mi nga naa na kini nga account.”
  • “Gigamit na sa laing account ang numero sa phone alang sa text nga imong gi-type.”
  • “Gigamit na sa laing account kini nga numero sa rekord sa simbahan.”

Niini nga sitwasyon, i-klik ang Mag-sign in. Dayon, kon malimot sa username o password ang bata, buhata ang usa o duha sa mosunod:

  • Sa pag-recover sa username, i-klik ang Nalimot sa Username.
  • Sa pag-reset sa password, i-klik ang Nalimot sa Password.
  • Kon naa kay mga problema, usahay makatabang ang paggamit og laing browser sa internet, sama sa Chrome, Edge, Firefox, o Safari.

May kalabotan nga mga artikulo

Unsaon nako paghangyo sa FamilySearch nga padad-an ko og usab og verification email para sa akong Account?
Unsaon nako paghangyo nga ipadala pag-usab ang verification code aron ma-activate ang akong account sa FamilySearch?
Unsaon nako sa paghimo og account sa Simbahan gamit ang churchofjesuschrist.org?

Nakatabang ba kini?