How do I add a child to Family Tree [Unsaon nako sa pagdugang og usa ka anak ngadto sa Family Tree]?

Id sa Artikulo: 16642
2022 февраль 25

Usa sa labing direkta nga mga paagi sa pagdugang og usa ka anak ngadto sa Family Tree mao ang pag-link kanila ngadto sa ilang mga ginikanan.

Mga Lakang (website)

  1. Mo-sign in ngadto sa FamilySearch ug i-klik ang Family Tree.
  2. Inabigar ngadto sa pahina sa Tawo sa usa sa mga ginikanan.
  3. Kon dili nimo makita ang Mga Importante duol sa kinaibabwan sa pahina, i-klik ang Mga Detalye.
  4. I-scroll paubos ngadto sa Mga Sakop sa Pamilya nga seksiyon.
  5. Ubos sa Mga Kapikas ug mga Anak, i-klik ang Modugang og Anak. (Kon ang Modugang og Anak dili makita, i-klik ang arrow paubos tupad sa Mga Anak ubos sa kahon sa magtiayon.)
    • Kon ang usa sa mga ginikanan sa anak wala mailhi, i-klik ang Modugang og Anak sa Usa ka Wala Mailhi nga Inahan o Amahan. Modugang og mga detalye diha sa usa ka pahibalo o sa Life Sketch sa indibidwal.
  6. I-type ang impormasyon mahitungod sa anak, ug i-klik ang Sunod. (Kon nasayod ka sa ID sa anak, i-klik ang Pinaagi sa Numero sa ID.)
  7. Rebyoha ang mga resulta sa pagpangita. Kon imong makit-an ang husto nga anak, i-klik ang Modugang og Tawo.
  8. Kon dili nimo makita ang tawo diha sa mga resulta sa pagpangita, i-klik ang Maghimo og Bag-o.

Mga Lakang (mobile nga app)

  1. Diha sa Family Tree nga mobile app, inabigar ngadto sa pahina sa Tawo sa usa sa mga ginikanan.
  2. Tuploka ang Mga Kapikas nga tab.
  3. Kon makakita ka og labaw pa sa usa ka kapikas, tuploka ang arrow paubos sunod sa ngalan sa tukma nga kapikas.
    • Sa kasamtangan, ang mobile nga app walay opsiyon sa pagdugang og usa ka anak alang sa usa ka ginikanan nga walay usa ka kapikas. Bisitaha ang website alang niini nga opsiyon.
  4. Tuploka ang Magdugang og Anak.
  5. I-type ang impormasyon mahitungod sa anak, ug tuploka ang Padayon. (Kon nasayod ka sa ID sa anak, tuploka ang Modugang pinaagi sa ID o Mangita pinaagi sa ID.)
  6. Tinua kon ang indibidwal buhi ba o patay na, dayon tuploka ang Padayon.
  7. Rebyoha ang mga resulta sa pagpangita. Kon imong makit-an ang husto nga anak, tuploka ang Modugang og Katukma.
  8. Kon dili nimo makita ang tawo diha sa mga resulta sa pagpangita, tuploka ang Walay Katukma. 
  9. Rebyoha ang imong entry, ug tuploka ang Modugang o Modugang Niini nga Tawo.

Mga Lakang (Family Tree Lite)

  1. Samtang naka-sign in diha sa Family Tree Lite, inabigar ngadto sa pahina sa Tawo sa usa sa mga ginikanan.
  2. I-klik ang Motan-aw sa Pamilya.
  3. Ubos sa Mga Kapikas ug mga Anak, ubos sa tukma nga kapikas, i-klik ang Modugang og Anak.
    • Ang Family Tree Lite walay opsiyon sa pagdugang og usa ka igsoon nga walay mga ginikanan. Bisitaha ang tibuok website alang niini nga opsiyon.
  4. I-type ang impormasyon mahitungod sa anak, ug i-klik ang Sunod. (Kon nasayod ka sa ID sa anak, i-klik ang Pangitaa Pinaagi sa Numero sa ID.)
  5. Rebyoha ang mga resulta sa pagpangita. Kon imong makit-an ang husto nga anak, i-klik ang Modugang og Tawo.
  6. Kon dili nimo makita ang tawo diha sa mga resulta sa pagpangita, iklik ang Maghimo og Tawo.

Mga Kasayoran

Kaluha o dinaghan nga pagpanganak

  • Idugang ang matag usa isip usa ka lahi nga indibidwal. 
  • Ayaw pagdugang sa pulong nga “kaluha” diha sa ngalan. Hinoon, mahimo nimong pihoon kini diha sa Uban pa nga impormasyon, ang Life Sketch, o sa seksiyon nga Pahibalo diha sa Tawo nga pahina alang sa matag indibidwal.
  • Bisan kon gidugang diha sa partikular nga pagkahan-ay, ang mga anak mahimong makita nga wala mahan-ay. Kon ang duha ka tawo nagpakita og managsamang petsa sa adlawng natawhan, ang sistema molista niini sa alpabetikal nga paagi. Dili ka makausab sa han-ay. 
  • Kon ang kaluha namatay nga walay mga ngalan, i-type lang ang apilyedo uban sa natawhan ug ang mga petsa sa pagkamatay. Aron malikayan unya ang pag-merge sa klaro nga duplicate nga mga rekord, makahimo ka niini nga mga lakang:
    • I-type ang impormasyon diha sa Life Sketch sa matag usa aron mapasabot ang sitwasyon.
    • Paghimo og mubo nga sulat alang sa matag usa aron mapasabot ang sitwasyon.
    • Mosusi alang sa posible nga mga duplicate, ug markahi ang mga kaluha isip Dili Katukma inubanan sa klaro nga rason sa pamahayag. 

Mga anak sa gawas

  • Mahimo nimo silang i-link ngadto sa biyolohikal nga mga ginikanan sa indibidwal nga paagi, o isip usa ka magtiayon.
  • Dili modugang og bisan unsa nga impormasyon sa kaminyoon alang sa magtiayon. Pagbutang og may kalabotan nga impormasyon diha sa usa ka pahibalo o diha sa Life Sketch.
  • Bag-ohay lang, ang Family Tree naghatag og lima ka matang sa relasyon tali sa mga ginikanan ug mga anak: Gisagop, Biyolohikal, Nagbantay [Guardianship], Nag-amuma [Foster], ug Humabdos. Ang sistema moasumir sa usa ka biyolohikal nga relasyon. Mahimo ka nga mopiho og usa ka lahi nga matang sa relasyon alang sa dinaghan nga hugpong sa mga ginikanan.

May kalabotan nga mga artikulo

Unsaon nako sa pagdugang og ginikanan diha sa Family Tree?
How do I specify biological, step, adopted, and foster relationships in Family Tree [Unsaon nako sa pag-ila sa biyolohikal, humabdos, gisagop, ug giamuma nga mga relasyon diha sa Family Tree]?
How do I restore a deleted relationship in Family Tree [Unsaon nako sa pagpahiuli ang na-delete nga relasyon diha sa Family Tree]?

Nakatabang ba kini?