Ang Tig-link sa Tinubdan naggamit og usa ka tapol nga Pagtandi nga icon aron sa pagpahibalo nimo nga ang wala nga kolum (ang tinubdan) adunay impormasyon nga kulang sa tuo nga kolum (ang FamilyTree).
Kon modesisyon ka nga ang mga kolum naghulagway sa samang tawo, mahimo nimong mabalhin ang impormasyon gikan sa wala nga kolum ngadto sa tuo nga kolum aron nga kini makita sa duha ka kolum. Kini mao ang gitawag nato og pagsukip sa tinubdan ngadto sa Family Tree. Atong tan-awon og maayo kon giunsa kini.
- Sa abli nga Tig-link sa Tinubdan, iklik ang tapol nga Pagtandi nga icon. Kon dili nimo makit-an ang Pagtandi nga icon, ang tinubdan nasukip na, o kini walay sulod nga bisan unsang bag-o nga impormasyon.
- Paghuman nimo og klik sa Pagtandi, ang 2 ka kolum sa Tig-link sa Tinubdan modako aron makakita ka sa mga detalye diha sa rekord (sa wala nga kolum) ug itandi kini sa mga detalye nga nasulod na sa Family Tree (sa tuo nga kolum).
- Usa ka bag-o o kanhiay nga wala mahibaloi nga detalye mahimong maubanan pinaagi sa usa ka berde nga plus nga buton.
- Sa pagdugang sa detalye ngadto sa Family Tree, iklik ang berde nga plus nga buton.
- Ikonsiderar ang pag-type og usa ka pagpasabot diha sa field nga Rason. Sa minubo nga paagi ipasabot kon sa imong hunahuna ngano kaha ang rekord kasaligan nga katukma sa Tree sa tawo. Kini makatabang sa ubang tiggamit nga makasalig sa imong tampo.
Unsa ang gipasabot sa Lain nga tapol nga tag
Sa uban nga mga kahimtang, ang detalye diha sa rekord dili kinahanglan bag-o, apan kini lahi lang gyod gikan sa unsa ang imong makita sa Family Tree nga habig sa Tig-link sa Tinubdan. Sama pananglit, usa ka ngalan mahimong lahi pagka-espeling, o ang petsa alang sa importante sa panghitabo sa kinabuhi mahimong lahi.
Kon kini mahitabo, dili nimo makita ang berde nga plus nga buton. Hinoon, ang detalye mahimong maubanan pinaagi sa usa ka tapol nga tag uban sa Lahi nga pulong sa sulod niini ug usa ka gamay nga lapis nga icon alang sa pag-edit sa impormasyon diha sa Family Tree.
- Tungod lang kay nag-ingon kini nga Lahi wala nagpasabot nga gikinahanglan himoon ang kausaban.
- Kon nakadesisyon ka nga ang impormasyon sa wala nga kolum mas tukma o kompleto, iklik ang lapis nga icon, ug himoa ang imong pag-edit.
- Ang imong koreksiyon mohimo sa Tree nga mas tukma ug kasaligan alang sa ubang mga tiggamit.
