Ang pagbutang og Chinese nga mga ngalan sa hustong paagi ngadto sa Family Tree importante aron sa pagsiguro nga ang mga ngalan makita, mapangita, ug maprinta sa hustong paagi.
Gamita ang mosunod nga makatabang nga mga impormasyon [tips] sa pagbutang og Chinese nga mga ngalan ngadto sa Family Tree.
Diha sa mga Mahinungdanon [Vitals] nga seksiyon o sa unang katigulangan nga view, ibutang ang una o gipili nga ngalan
Mahimo nimong ibutang ang mga ngalan diha sa pahina sa tawo o gikan sa unang katigulangan nga pedigree.
- Diha sa pahina sa tawo, adto sa mga Mahinungdanon [Vitals]. Tupad sa ngalan, i-klik ang I-Edit nga Icon
. I-klik og usab ang I-Edit , dayon himoa ang mga kausaban ug i-klik ang Save. - Diha sa Unang Katigulangan nga view, i-klik ang ngalan sa tawo. Ang usa ka menu sa mga detalye mogawas diha sa tuo. Ubos sa Tinuod nga mga Kasayoran nga seksiyon, i-klik ang Modugang og Tinuod nga Kasayoran. I-klik ang Laing Nailhan nga Ngalan, Ngalan sa Klan, o Ngalan sa Grupo sa Sosyal nga Kahimtang [Caste].
Kon magbutang ka og ngalan sa tawo sa Hanzi nga sulatanan, ibutang ang apelyido ug ngalan nga gihatag sa pagkatawo. Alang sa kababayen-an, ibutang ang apelyido sa pagkadalaga.
Gamita ang template sa Chinese nga pinulongan
Ang template sa Chinese nga pinulongan adunay 2 ka matang sa mga sulatanan. Ang usa ka matang kay para sa apelyido ug ngalan. Ang gilain nga matang kay para sa Hansi ug Roman.
Ang mga template alang sa pinulongan makita diha sa drop-down nga menu ibabaw sa mga sulatanan sa Ngalan. Usba kini gikan sa unsa man ang kasamtangang makita ngadto sa Chinese.
I-type ang mga karakter sa Chinese alang sa apelyido ug ngalan. Ang sistema awtomatik nga modugang sa Mandarin Pinyin nga spelling sa ngalan diha sa pang-Romano nga sulatanan. Kon gusto ka nga mogamit og laing spelling, mahimo nimong ilisan ang Mandarin Pinyin nga spelling sa unsay spelling nga imong pilion.
Diha sa seksiyon sa Ubang Impormasyon, Ibutang ang laing nailhan nga mga ngalan.
Ang pagrekord sa tanang bersyon sa ngalan sa tawo adunay pipila ka benepisyo:
- Mapreserbar nimo ang importante nga tinuod nga mga kasayoran mahitungod sa kinabuhi sa tawo.
- Mas sayon pangitaon ang tawo diha sa Family Tree. Ang system naglakip sa laing nailhan nga mga ngalan diha sa pagpangita.
- Ang mga tigsiksik makapangita ug makaila sa tawo diha sa mga rekord sa kasaysayan, bisan kon ang mga rekord naggamit og lahi nga mga bersyon sa ngalan sa tawo.
Mga matang sa laing nailhan nga mga ngalan
Kon ikaw naggamit og Family Tree sa Iningles, kining 4 ka matang sa laing nailhan nga mga ngalan anaa:
- Nailhan Usab Isip. Ang mga sanglitanan naglakip sa ubang mga ngalan nga gigamit sa tawo, sama sa mga kausaban sa ngalan nga may kalabotan sa pagbalhin ngadto sa bag-ong nasod.
- Ngalan sa Pagkatawo. Gamita kini nga opsiyon sa pagrekord sa ngalan nga gigamit sa usa ka tawo sa wala pa sagopa ngadto sa laing klan.
- Ngalan sa Pagkaminyo. Gamita kini nga opsiyon sa pagrekord sa ngalan nga gigamit sa usa ka tawo human sa kaminyoon kon ang tawo naggamit og laing ngalan.
- Angga. Gamita kini nga opsiyon sa pagrekord sa mga angga sa tawo nga gigamit sa mga ginikanan o suod nga mga sakop sa pamilya.
Kon pilion nimo ang template sa Chinese nga pinulognan, magamit usab nimo ang mosunod nga mga opsiyon:
- Tinahod nga Ngalan (字). Gamita kini nga opsiyon sa pagrekord sa ngalan nga gihatag ngadto sa tawo sa pag-abot niya sa pagkahamtong. Ang tinahod nga ngalan gihatag sa ginikanan sa tawo o sa usa ka pribado nga magtutudlo sa unang adlaw sa pag-eskuwela. Human sa kaminyoon, ang ubang mga babaye migamit og tinahod nga ngalan imbis sa ilang ngalan. Human mahatag, ang tinahod nga ngalan mopuli sa ngalan sa tawo.
- Ngalan diha sa Art (號). Gamita kini nga opsiyon sa pagrekord sa propesyonal nga ngalan sa tawo, takoban nga ngalan [pseudonym], o dagangalan [pen name]. Kini nga mga ngalan gigamit sa mga edukado, mga artista, magbabalak, ug mga magsusulat.
- Ginadili [Taboo] nga Ngalan (諱). Gamita kini nga opsiyon sa pagrekord sa Ginadili [Taboo] nga Ngalan sa indibidwal. Sa Chinese nga kultura, ang ginadili [taboo] nga ngalan gamiton puli sa ngalan kon maghisgot ug magsulat mahitungod sa tinahod nga mga tawo.
- Ngalan Human Mamatay (諡). Kini usa ka ngalan sa tawo nga kanhi unang gihatag ngadto sa mga harianon ug mga halangdon. Sa bag-ong mga siglo, ang kasarangan nga mga tawo nakadawat usab og mga ngalan human mamatay. Ang mga ngalan human mamatay sagad mao ang kanunay gigamit kaysa uban nga ngalan sa tawo o opisyal nga titulo nga gigamit sa tawo panahon sa iyang kinabuhi.
May kalabotan nga mga artikulo
Unsaon nako pagdugang og mga angga ngadto sa Family Tree?
Unsaon nako pagbutang og mga ngalan diha sa Family Tree?
Unsaon nako pagbutang og ngalan gikan sa lahi nga pinulongan ngadto sa Family Tree?
Unsaon nako pagbutang og mga petsa gikan sa karaang mga teksto nga Chinese ngadto sa Family Tree?
Unsaon nako pagbutang og Chinese nga mga ngalan ngadto sa Family Tree?