Na tamata taucoko e volayaca ena FamilySearch ena tiko na irairai ni nona akaude. Vakayaco veisau ena nomu tabana me vakataucokotaki kina na kemui itukutuku era na raica na dauvakayagataki FamilySearch tale eso, na cava me kilai vakararaba, kei koya me maroroi.
Na nomu tabana me oka kina na itukutuku oqo:
iYaloyalo: Na vakabiri ni kemu itaba ena nomu akaude ni FamilySearch ena rawa ni vukea na nomu vakadeitaki mai vei ira na itaukei ni akaude tale eso ka tautauvata na yacamuni. Nanuma ni rawa mo biuta e dua na itaba o taleitaka kevaka o sega ni yalo vakacegu mo biuta kina e dua na kemu itaba dina. Kevaka o sa sega ni biuta e dua na itaba, na itokatoka galala ni itaba ena vakaraitaka tu na imatai ni matanivola ni nomu ID ni veitaratara ni akaude ni FamilySearch.
Yaca: Oqo na yaca o kilai kina ena FamilySearch. Ena dau laurai mai vei ira na tani ka na rawa ni dua na yaca taucoko, yaca vakatikina ga, se yaca buli sara mada ga. Me yacova ni o sa vakataukenataka na vanua oqo, na nomu ID ni veitaratara ena dau vakayagataki ena itokatoka ni yaca. Na yaca o digitaka e SEGA ni gadrevi me vakatabakidua vei iko ka rawa ni dua e taqomaka na nomu kilai ia me ra na rawa ni kunei iko kina o ira era kilai iko.
ID ni Veitaratara: Na ID ni veitaratara e dau lesi ki na nomu akaude ena gauna o a saini kina me dua na nomu akaude. E rawa ni veisautaki ia me duatani tu ga, ka kena ibalebale ni na sega ni rawa ni na tautauvata na ID ni veitaratara ni 2 na tamata. Na ID oqo e dau salavata kei na cava ga o vakuria se vakayaco veisau kina ena FamilySearch. Yalovinaka kakua ni vakayagataka na matanivola vakaperitania ni koma se na digo (punctuation) ena nomu ID ni Veitaratara.
Vanua: Na kemu itukutuku e dau okati kina e dua na itokatoka ni nomu matanitu se iwasewase. Oqo e gadrevi me dau vakaleweni, ia e rawa ni caka me ka vuni. Na dolavi raraba ni vanua o tiko kina e dau vukea mo kilai kina mai vei ira tale eso na dauvakayagataki FamilySearch ni ra tovolea tiko na itokani se dauvakadidike tale eso me ra tarai iko rawa.
Akaude Vuni
E so na akaude era sa lesi vakai ira ga vaka akaude vuni.
Lailai mai na yabaki 18: Na akaude me baleti ira era sa bera ni yacova na yabaki 18 era dau biu vakavuni. Na itaukei ni akaude e rawa ni vakayaco veisau ki na nona itukutuku ia ena dau ka vuni tu ga. Kevaka o sa yabaki 18 se sivia ka sa makataki tu vaka “Private” na nomu akaude, vakadeitaka ni o sa vakalewena donu na nomu tikinisiga ni sucu ena setingi (settings) ni nomu akaude.
Vakatatabu Vaka‑Matanitu: Eso na matanitu se itovo vakavanua era dau yalana na levu ni itukutuku vakaitaukei e rawa ni sokumuni se wasei ena dua na mataveilawa. Kevaka o kila ni sa makataki cala tu vaka “Private” na nomu akaude, gole ki na FamilySearch Settings ka vakadeitaka ni sa vakacurumi donu na itukutuku ni Matanitu se iWasewase.