Kevaka e levu na nomu vakanananu ena app ni FamilySearch Memories veikauyaki, ena rawa ni vakayagataka na app e levu sara na vanua ena nomu misini lalai. Sa rawa mo maroroya na veitaba eso se tosoya na app ki na dua na kadi ni SD me wali kina na leqa ni kena maroroi.
ITaba ni akaivi
Kevaka o sa maroroya e vuqa na vakanananu, keitou vakatura mo maroroya ni oti na nomu vakabira ki na tamata ena Vunikau ni Matavuvale.
Akaivi mai na mataveilawa ni FamilySearch.org, sega ena app veikauyaki ni Memories.
Ni ko sa maroroya na vakanananu mai na mataveilawa, sa rawa mo lavetaka e muri mai na folder ni Akaivi ena app veikauyaki.
Tosoya na iyaya ki na dua na kadi ni SD
E rawa talega ni o tosoya ni yaya ki na dua na kadi ni SD kevaka e tokona na nomu misini. Kevaka o na tosoya na iyaya, mo kila tiko na veika oqo:
- E sega ni rawa ni o vakacuruma vakadodonu na app veikauyaki ki na dua na kadi ni SD. IMatai, vakadabera ki na nomu misini. Qai tosoya ki na kadi ni SD.
- E sega ni rawa ni o vakavouia na iyaya mai na dua na kadi ni SD. Ia, bokoca na app mai na nomu kadi ni SD, vakacuruma tale ena nomu misini lalai, ka qai tosoya lesu ki na nomu kadi ni SD. E vuqa na neitou vakavoui e tiko kina na vakavinakataki ni cala lalai, vakavo ga ke tiko na nomu leqa, sa rawa mo lako me vica na vula ka sega ni vakavoui. Keitou vakatura mo dau vakavouia na iyaya ena vei ya 6 na vula. Mo vakavouia totolo ena gauna ga o gadreva kina na vakavinakataki leqa vakatabakidua se na veika vovou.
Me baleta na idusidusi ni kena tosoi na apps ki na nomu kadi ni SD, raica na veivuke ni nomu misini lalai. E vuqa na mataveilawa era vakarautaka talega na idusidusi matailalai se vidio ena kena cakacakataki.