Na ivakatakilakila ni ulutaga sa ikoya na vosa se malanivosa e tutaki yani ka vakamacalataka na itaba, italanoa, kei na faile ni vakarorogo ena FamilySearch. Na ivakatakilakila ni ulutaga me vaka na “icakacaka,” “qaqa ni ivalu,” se “papitaiso” e vakarawarawataka me kunei na ivakananumi eso oqo.
Ni o cakacaka ena ivakatakilakila ni ulutaga, nanuma tiko na idusi eso oqo:
- E rawa ni o vakuria na ivakatakilakila vata ga ki na vuqa na ivakananumi ena dua vata ga na gauna. Me baleta na ivakamacala eso, raica na “Meu na vakuria vakacava na ivakatakilakila ni ulutaga vata ga ki na vuqa na veika me vakacurumi?” ena iwase ni iVolatukutuku tabaki veisemati e ra.
- Na ivakatakilakila ni ulutaga e rawa ni vakuri se vagalalataki mai na dua na ivakananumi mai vua edua ga e rawa, se veitalia o cei a tutaka yani.
- E dua na ivakananumi e rawa ni tiko kina e 30 na ivakatakilakila ni ulutaga.
- Na ivakatakilakila ni ulutaga e sega ni rawa ni tiko kina na emoji se na kerikita eso oqo: ~!@#$%&*(){}[]<>?/|\:;_+=.
- Era sega ni dau vakadewataki na ivakatakilakila ni ulutaga. Kevaka mo vakuria na ivakatakilakila ni ulutaga na “church” (ena vosa Vakavalagi) ki na dua na ivakananumi, e dua ka vakasaqara na vosa “iglesia” (na vosa vaka-Sipeni ni Lotu) ena sega ni kunea.
- E sega ni rawa ni o bulia na ivakatakilakila ni ulutaga e tokaruataki. O na sega talega ni bulia na itokarua ena kena veisautaki ga na itekitekivu ni imatai ni matanivola. Me ivakaraitaki, e sega ni rawa ni o bulia eso tale na ivakatakilakila ni “Lotu” (ka tekivu ena matanivola levu) kei na “lotu” (ena matanivola lailai).
- Na ituvaki ni vosa, me vakataka na vosa ka tukuna tiko na kena levu, sa okati me duidui. O koya gona, sa rawa mo bulia ruarua na “icakacaka” kei na “icakacaka eso.” Ia, kevaka, o vakasaqara tiko na “icakacaka,” o na sega ni kunea na ivakananumi ka vakatakilakilataki ena “icakacaka eso.”
- Ni o vakasaqara na ivakananumi, sa rawa mo okata me yacova yani e 5 na ivakatakilakila ni ulutaga. Me ivakaraitaki, e rawa ni o vakasaqara na ivakatakilakila ni ulutaga na “itaba ni matavuvale,” “Nebraska,” kei na “1921” me laurai kina na ivakananumi kece ka tiko vei ira na tolu na ivakatakilakila ni ulutaga oqori.
Ka bibi: Na kena vakacurumi e dua na ivakatakilakila ni ulutaga ena sega ni vakabi kina na ivakananumi ki na dua na tamata ena Vunikau ni Matavuvale.