Համընկնումը բացահայտելը միշտ չէ, որ հեշտ է: Ահա մի քանի ուղեցույց փորձագետներից, որոնք կօգնեն ձեզ որոշել՝ արդյոք գրանցումը համապատասխանում է նախնիներին, թե ոչ.
- Հարցրեք ինքներդ ձեզ. «Որքանո՞վ է սկզբնաղբյուրը համընկնում տոհմածառում արդեն իսկ գտնվող կարևոր ամսաթվերին, վայրերին և կապերին»:
- Հարցրեք ինքներդ ձեզ. «Արդյո՞ք բավարար տեղեկատվություն կա եզրակացնելու, որ գրանցումը և տոհմածառը նկարագրում են նույն անձին»: Մկրտության որոշ գրառումներում, օրինակ, նշվում է մոր կամ հոր անունը, բայց չկան այլ կարևոր տեղեկություններ, ինչպիսիք են տարիքը կամ ծննդյան ամսաթիվը: Թեև անունը կարևոր է, սակայն ճիշտ չէ եզրակացնել, որ սկզբնաղբյուրը տոհմածառի որոշակի անձի մասին է՝ հիմնվելով միայն անվան վրա:
- Հարցրեք ինքներդ ձեզ. «Կա՞ն կարևոր անհամապատասխանություններ»: Օրինակ՝ նկատի առեք մի իրավիճակ, երբ արձանագրված մանրամասների մեծ մասը կարծես համընկնում է տոհմածառին, բացառությամբ ծննդյան տարեթվի, որը 15 տարով հետ է մնացել: Այդ դեպքում գրանցումն իրականում կարող է լինել զարմիկի համար:
- Հարցրեք ինքներդ ձեզ. «Որքանո՞վ է վստահելի գրառումը»: Ընդհանրապես, իրադարձությանը ամենամոտ պատմական գրանցումն ամենավստահելին է։ Օրինակ՝ ծննդյան գրանցումն ավելի վստահելի է ծննդյան տեղեկության համար, քան մահվան գրանցումը, որը կարող է ներառել նաև ծննդյան մասին տեղեկություն:
Ի վերջո հիշեք, որ որոշ տեսակի գրանցումներում սխալները կարող են ավելի տարածված լինել, քան մյուսներում: Օրինակ՝ մարդահամար անցկացնողը կարող էր անունները գրառել՝ առանց հարցնելու, թե ինչպես ճիշտ գրել դրանք: Կամ մարդու տարիքը կարող էր մոտավոր լինել:
Ծննդյան վկայականում, ընդհակառակը, դուք կարող եք ակնկալել, որ նման մանրամասները ավելի հուսալի կլինեն: