គោលបំណងទាំងមូលនៃមែកធាងគ្រួសារគឺ ដើម្បីជួយអ្នកឲ្យស្វែងរកគ្រួសាររបស់អ្នក ហើយជាលទ្ធផលរកឃើញរឿងខ្លះៗអំពីខ្លួនអ្នកវិញ ។
- មែកធាងគ្រួសារគឺខុសពីវិបសាយពង្សាវលីដែលស្រដៀងគ្នាផ្សេងទៀត ដោយសារវាមានមែកធាងតែមួយជាសាធារណៈ ដែលបានភ្ជាប់រួមគ្នាជាក្រុមគ្រួសារ ជាជាងវិបសាយមួយដែលអនុញ្ញាតឲ្យអ្នកប្រើប្រាស់បង្កើត និងគ្រប់គ្រងតែមែកធាងឯកជនរបស់ពួកគេផ្ទាល់ ។ ភាពខុសគ្នានេះមានន័យថា មនុស្សគ្រប់រូបធ្វើការរួមគ្នាលើទិន្នន័យតែមួយ ដោយអនុញ្ញាតឲ្យអ្នកដែលមានសក្ដានុពលភ្ជាប់គ្នាទៅនឹងសមាជិកគ្រប់រូបនៃគ្រួសារមនុស្សជាតិ ។
- មែកធាងគ្រួសារប្រៀបធៀបកំណត់ត្រា និងប្រភពដើមដើម្បីជួយអ្នកឲ្យដោះស្រាយកំហុស ឬភាពស្ទួនគ្នានៅក្នុងកំណត់ត្រា ។ វាក៏ផ្ដល់ឧបករណ៍ផ្ញើសារ និងសហប្រតិបត្តិការ រួមទាំងផ្នែកគាំទ្រតាមទូរសព្ទមកពីអ្នកជំនាញដោយឥតគិតថ្លៃផងដែរ ដើម្បីជួយអ្នកឲ្យដោះស្រាយកំហុសនានា ។
- មែកធាងគ្រួសារទាញទិន្នន័យពីមូលដ្ឋានទិន្នន័យដ៏ធំរបស់កម្មវិធីស្រាវជ្រាវក្រុមគ្រួសារ ដើម្បីផ្ដល់តម្រុយអំពីកំណត់ត្រា ។ ការណ៍នេះធ្វើឲ្យវាមានភាពងាយស្រួលដើម្បីភ្ជាប់អ្នក និងបុព្វការីជនរបស់អ្នកទៅនឹងជំនាន់មុនៗ ។
- ផ្នែកអនុស្សាវរីយ៍អាចជួយឲ្យទំនាក់ទំនងទៅបុព្វការីជនកាន់តែស៊ីជម្រៅថែមទៀត ។ វាផ្ដល់ជាកន្លែងមួយដែលអ្នកអាចបម្រុងទុក ហើយចែកចាយរូបថត និងប្រវត្តិនានា ។
- យើងចង់ឲ្យមនុស្សអាចចូលទៅប្រើមែកធាងគ្រួសារឲ្យបានច្រើនតាមដែលអាចធ្វើទៅបាន ។ អ្នកអាចមើលវាតាមរយៈមធ្យោបាយខុសៗគ្នា រួមទាំងនៅលើឧបករណ៍ចល័ត ជាមួយនឹងកម្មវិធីមែកធាងគ្រួសារ និងកម្មវិធីអនុស្សាវរីយ៍ ឬនៅក្នុងតំបន់ដែលមានអ៊ីនធឺណិតខ្សោយ ជាមួយនឹងវិបសាយមែកធាងគ្រួសារមិនពេញលេញ ។
យើងសង្ឃឹមថា តាមរយៈមែកធាងគ្រួសារ យើងអាចធ្វើការរួមគ្នាដើម្បីបង្កើតមែកធាងគ្រួសារពង្សាវលីជាសាធារណៈមួយ ដែលមានប្រភពដើមដ៏ល្អបំផុតនៅក្នុងពិភពលោកនេះ ហើយអនុញ្ញាតឲ្យសមាជិកគ្រួសារភ្ជាប់គ្នា ទាំងពីអតីតកាល ក៏ដូចជាបច្ចប្បន្នកាលផងដែរ ។
ដើម្បីរៀនបន្ថែមទៀតអំពីកម្មវិធីស្រាវជ្រាវក្រុមគ្រួសារ សូមចូលទៅកាន់គេហទំព័រ FamilySearch.org/about ។
អត្ថបទដែលទាក់ទង
តើខ្ញុំផ្ញើសារទៅនរណាម្នាក់ដែលបានរួមចំណែកដល់កម្មវិធីមែកធាងគ្រួសារ ឬកម្រងអនុស្សាវរីយ៍ដោយរបៀបណា ?
តើខ្ញុំប្រើកម្រងអនុស្សាវរីយ៍ក្នុងកម្មវិធីស្រាវជ្រាវក្រុមគ្រួសារដើម្បីរក្សាទុកដំណើររឿងនៃជីវិតរបស់បុព្វការីជនខ្ញុំបានដោយរបៀបណា ?