នៅពេលមែកធាងគ្រួសាររកឃើញទិន្នន័យដែលមិនអាចមាន ឬមិនទំនងសម្រាប់បុគ្គលម្នាក់ វាបង្ហាញរូបតំណាងបញ្ហាទិន្នន័យ ជារាងការ៉េពណ៌ក្រហមដែលមានសញ្ញាឧទានពណ៌ស ។
ឧទាហរណ៍ រូបតំណាងនេះនឹងបង្ហាញឡើង ប្រសិនបើព័ត៌មានលម្អិតបង្ហាញថា កូនម្នាក់បានកើតមុនឪពុក ឬម្ដាយ ឬប្រសិនបើព័ត៌មានលម្អិតបង្ហាញថា បុគ្គលម្នាក់បានរស់នៅជាង ១២០ ឆ្នាំ ។កន្លែងដែលមែកធាងគ្រួសារបង្ហាញបញ្ហាទិន្នន័យ
រូបតំណាងបញ្ហាទិន្នន័យនឹងបង្ហាញឡើងនៅក្នុងមែកធាងគ្រួសារនៅលើគេហទំព័រ FamilySearch.org មាននៅក្នុងកន្លែងដូចតទៅនេះ ៖
- នៅលើទិដ្ឋភាពផ្ដេក បញ្ឈរ ឬកូនចៅជំនាន់ក្រោយ ។ អ្នកអាចជ្រើសរើសថាតើរូបតំណាងទាំងនេះគួរបង្ហាញឡើងឬទេ ។ សូមចុចលើម៉ឺនុយ ជម្រើស ហើយចុចលើ បញ្ហាទិន្នន័យ ដើម្បីលាក់ ឬបង្ហាញវា ។
- នៅលើ តារាងទម្រង់ជាផ្លិត អ្នកអាចបង្ហាញកំណត់ត្រាដោយមានជំនួយស្រាវជ្រាវ ។ មនុស្សដែលមានកំណត់ត្រាមានបញ្ហាទិន្នន័យត្រូវបានគូស ចំណាំដោយពណ៌ក្រហម ។
- នៅលើប្រអប់ ជំនួយស្រាវជ្រាវ នៅលើទំព័រ បុគ្គល ។
កម្មវិធីទូរសព្ទមែកធាងគ្រួសារ ឬ មែកធាងគ្រួសារមិនពេញលេញ មិនបង្ហាញពីបញ្ហាទិន្នន័យឡើយ ។ជំហានដើម្បីដោះស្រាយបញ្ហាទិន្នន័យ
- សូមអង្កេតមើលបញ្ហាទិន្នន័យ ហើយសម្រេចថាតើកំណត់ត្រានេះមានកំហុសដែរឬទេ ។ ( គន្លឹះ ៖ ទំនាក់ទំនងឪពុក ឬម្ដាយ-កូនអាចមានឥទ្ធិពលលើបញ្ហាទិន្នន័យមួយចំនួន ។ ឧទាហរណ៍ ប្រសិនបើបញ្ហាទិន្នន័យបង្ហាញថា កូនកើតក្រោយពីម្ដាយស្លាប់ នោះប្រព័ន្ធបានប្រើកាលបរិចេ្ឆទនៃការស្លាប់របស់ម្ដាយបង្កើតហើយ ) ។
- ប្រសិនបើកំណត់ត្រានោះមានកំហុសមួយ សូមកែតម្រូវវា ។ មែកធាងគ្រួសារនឹងដករូបតំណាងបញ្ហាទិន្នន័យចេញ នៅពេលវាលែងមានបញ្ហានេះ ។ ប្រសិនបើកំណត់ត្រាមិនមានកំហុសទេនោះ អ្នកអាចបោះបង់ ចោលបញ្ហាទិន្នន័យនោះបាន ។
អត្ថបទដែលទាក់ទង
តើមានបញ្ហាទិន្នន័យអ្វីខ្លះដែលអាចកើតមាននៅក្នុងមែកធាងគ្រួសារ ?
តើខ្ញុំបោះបង់ ចោលបញ្ហាទិន្នន័យមួយចេញពីបុគ្គលម្នាក់នៅក្នុងមែកធាងគ្រួសារដោយរបៀបណា ?
តើខ្ញុំផ្លាស់ប្ដូរព័ត៌មានសំខាន់នៅក្នុងមែកធាងគ្រួសារដោយរបៀបណា ?
តើខ្ញុំដោះស្រាយបញ្ហាពង្សាវលីរាងរង្វង់នៅក្នុងមែកធាងគ្រួសារដោយរបៀបណា ?
តើខ្ញុំដោះស្រាយបញ្ហាទិន្នន័យ « ស្លាប់នៅក្នុងផ្ទៃម្ដាយ » នៅក្នុងមែកធាងគ្រួសារដោយរបៀបណា ?