នៅក្នុងមែកធាងគ្រួសារ ខ្សែត្រកូលបង្ហាញរបៀបដែលបុគ្គលដែលចង់រកមានទំនាក់ទំនងនឹងបុព្វការីជន ជំនាន់ទីមួយរបស់ពួកគាត់ ។ បុគ្គលដែលចង់រកគឺនៅខាងក្រោមតារាងពង្សាវលីនេះ ។ បុព្វការីជនជំនាន់ទីមួយគឺនៅខាងលើ ។ ខ្សែនេះទៅតាមចំបួរខាងឪពុកផ្ទាល់រវាងពួកគេ ។
ខ្សែរត់ចេញពីបុគ្គលដែលចង់រក នោះខ្សែត្រកូលទៅតាមខ្សែឪពុក ជីតា និងបុព្វការីជនបុរសផ្សេងទៀតដោយផ្ទាល់ ។ ដោយចាប់ផ្តើមពីបុព្វការីជនជំនាន់ ទីមួយ វារត់ចុះក្រោមតាមរយៈកូនប្រុស ចៅប្រុស និងកូនចៅប្រុសៗរបស់បុព្វការីជន ។
មានចំណុចសំខាន់ៗពីរបីដើម្បីដឹងអំពីខ្សែត្រកូលនេះ ៖
- ខ្សែត្រកូលគឺត្រូវបានប្រើនៅលើទិដ្ឋភាពបុព្វការីជនជំនាន់ទីមួយតែប៉ុណ្ណោះ ។ វាមិនប៉ះពាល់ទិដ្ឋភាពផ្តេក បញ្ឈរតារាងទម្រង់ជាផ្លិត ឬទិដ្ឋភាពកូនចៅជំនាន់ក្រោយឡើយ ។
- បុគ្គលដែលចង់រក អាចមានបុព្វការីជនជំនាន់ ទីមួយម្នាក់ ។
- ខ្សែត្រកូលគឺជាចំបួរខាងឪពុក ដែលមានន័យថា វារត់តាមខ្សែស្រឡាយបុរស ។ វាអាចមានស្រ្តីផងដែរ ប្រសិនបើនាងមាននាមត្រកូលដូចជាបុព្វការីជនជំនាន់ទីមួយរបស់នាងនោះ ។
- ពេលខ្លះខ្សែត្រកូលក៏មានកូនប្រុសសុំ ជំនួសឲ្យកូនប្រុសបង្កើតផងដែរ ។ ក្នុងករណីបែបនោះ អ្នកអាចកែតម្រូវខ្សែត្រកូលដើម្បីបង្ហាញការមកចិញ្ចឹម ។
ទិដ្ឋភាពបុព្វការីជនជំនាន់ទីមួយមិនមានន័យថាត្រូវប្រើជាតារាងកូនចៅជំនាន់ក្រោយទូទៅនោះទេ ។ វាត្រូវបានរចនាឡើងសម្រាប់វប្បធម៌ដែលគិតពីកុលសម្ព័ន្ធ ត្រកូល និងទំនាក់ទំនងគ្រួសារផ្សេងទៀត ដោយប្រើប្រភេទនៃទំនាក់ទំនងដោយផ្ទាល់ និងខាងឪពុកនេះ ។
អត្ថបទដែលទាក់ទង
តើខ្ញុំកែតម្រូវខ្សែត្រកូលនៅក្នុងមែកធាងគ្រួសារដោយរបៀបណា ?
មែកធាងគ្រួសារបង្ហាញសារនេះថា « ជំនាន់ទាំងនេះពុំមានទំនាក់ទំនងគ្នាទេ » ។