មែកធាងគ្រួសារការពារឯកជនភាព ដោយការដាក់កម្រិតកំណត់ថា តើនរណាអាចមើលឃើញកំណត់ត្រារបស់បុគ្គលនៅរស់ និងបុគ្គលសម្ងាត់បាន ។ មានតែអ្នកប្រើប្រាស់ដែលវាយបញ្ចូលព័ត៌មានអំពីបុគ្គលនៅរស់ ឬបុគ្គលសម្ងាត់នៅក្នុងមែកធាងគ្រួសារប៉ុណ្ណោះ ទើបអាចមើលឃើញ ឬផ្លាស់ប្ដូរវាបាន ។
សូមយកចិត្តទុកដាក់នូវករណីលើកលែងចំនួនពីរដែលអាចកើតមាន ៖
- រាល់អនុស្សាវរីយដែលភ្ជាប់ទៅនឹងបុគ្គលនៅរស់ និងបុគ្គលសម្ងាត់ គឺមនុស្សគ្រប់រូបអាចមើលឃើញបាន ។ ពួកយើងសូមផ្ដល់អនុសាសន៍ឲ្យអ្នកដាក់អនុស្សាវរីយទាំងឡាយសម្រាប់បុគ្គលនៅរស់ ឬបុគ្គលសម្ងាត់ទៅជាឯកជន ។
- បើបុគ្គលនៅរស់ ឬបុគ្គលសម្ងាត់ បានភ្ជាប់ទៅនឹងសមាជិកគ្រួសារដែលបានស្លាប់ នោះអ្នកប្រើប្រាស់ដទៃទៀត អាចមើលឃើញ ផ្លាស់ប្ដូរ ឬលុបព័ត៌មានអំពីទំនាក់ទំនងបាន ។
បុគ្គលនៅរស់
នៅក្នុងមែកធាងគ្រួសារ បុគ្គលម្នាក់ៗត្រូវបានគូសចំណាំថាជាអ្នកនៅរស់ ឬអ្នកស្លាប់ ។ អ្នកអាចមើលឃើញព័ត៌មាននេះនៅក្នុងផ្នែកអំពីជីវិតនៃព័ត៌មានលម្អិតរបស់បុគ្គល ។
បុគ្គលសម្ងាត់
ម្ដងម្កាល នៅក្នុងកម្មវិធីមែកធាងគ្រួសារអ្នកគ្រប់គ្រងទិន្នន័យដាក់កំណត់ត្រារបស់មរណជនម្នាក់ទៅជាការសម្ងាត់ ។ បន្ទាប់មក កំណត់ត្រានោះដាក់ឲ្យតែអ្នកប្រើប្រាស់ដែលបានបន្ថែមព័ត៌មាននោះប៉ុណ្ណោះដែលអាចមើលឃើញបាន ។ នៅក្នុងមែកធាងគ្រួសារ អ្នកអាចស្គាល់នរណាជាបុគ្គលសម្ងាត់បាន ដោយសារតែស្លាកសញ្ញាពណ៌លឿងបង្ហាញឡើង ហើយផ្នែកអំពីជីវិត ចង្អុលបង្ហាញថា បុគ្គលនោះបានស្លាប់ ។
អ្នកគ្រប់គ្រងគូសចំណាំកំណត់ត្រាថាជាការសម្ងាត់ ប្រសិនបើព័ត៌មាននេះ ត្រូវសាធារណជនមើលឃើញអាចបង្កឲ្យអ្នកដែលចែកចាយព័ត៌មាននេះមានគ្រោះថ្នាក់ ។ យើងមិនទទួលយកសំណើរបស់អ្នកប្រើប្រាស់ដើម្បីគូសចំណាំកំណត់ត្រាថាជាការសម្ងាត់នោះទេ ។
អត្ថបទដែលទាក់ទង
តើនរណាអាចមើលឃើញសាច់ញាតិនៅរស់របស់ខ្ញុំនៅក្នុងមែកធាងគ្រួសារ ?
តើមែកធាងគ្រួសារកំណត់ថាតើបុគ្គលនោះនៅរស់ ឬស្លាប់ដោយរបៀបណា ?
តើមែកធាងគ្រួសារការពារឯកជនភាពរបស់បុគ្គលដែលនៅរស់ដោយរបៀបណា ?
តើបុគ្គលសម្ងាត់ក្នុងលំហឯកជននៅក្នុងមែកធាងគ្រួសាររបស់ខ្ញុំធ្លាប់ចេញជាសាធារណៈដែរឬទេ ?
តើខ្ញុំអាចមើលឃើញបញ្ជីឈ្មោះបុគ្គលនៅរស់ និងបុគ្គលសម្ងាត់ ដែលខ្ញុំបានបន្ថែមទៅក្នុងមែកធាងគ្រួសារដោយរបៀបណា ?
តើខ្ញុំធ្វើឲ្យអនុស្សាវរីយទៅជាឯកជនដោយរបៀបណា ?