របៀបផ្ទាល់ និងចំៗមួយដើម្បីបន្ថែមកូនម្នាក់ទៅក្នុងមែកធាងគ្រួសារ គឺត្រូវភ្ជាប់ពួកគេទៅនឹងឪពុកម្ដាយរបស់ពួកគេ ។
ជំហាន ( គេហទំព័រ )
- សូមចូលទៅក្នុង កម្មវិធីស្រាវជ្រាវក្រុមគ្រួសារ ហើយចុចលើ មែកធាងគ្រួសារ ។
- សូមរុករកទំព័រ បុគ្គលមួយ របស់ឪពុក ឬម្ដាយ ។
- ប្រសិនបើអ្នកមិនឃើញផ្នែក សំខាន់ដែល នៅក្បែរខាងលើទំព័រទេ សូមចុចលើ ព័ត៌មានលម្អិត ។
- សូមអូសចុះទៅផ្នែក សមាជិកគ្រួសារ ។
- នៅក្រោម ស្វាមីភរិយា និងកូន សូមចុចលើបន្ថែមកូន ។ ( ប្រសិនបើមិនឃើញ បន្ថែមកូន បង្ហាញឡើងទេ សូមចុចលើ ព្រួញទៅក្រោម នៅក្បែរ កូន នៅក្រោមប្រអប់ស្វាមីភរិយា ) ។
- ប្រសិនបើមិនស្គាល់ឪពុក ឬម្ដាយរបស់កូននោះទេ សូមចុចលើ បន្ថែមកូនតែមិនស្គាល់ម្តាយ ឬ ឪពុក ។ បន្ថែមសេចក្ដីលម្អិតនៅក្នុងកំណត់ចំណាំមួយ ឬនៅក្នុង គំនូសព្រាងជីវិត របស់បុគ្គលនោះ ។
- សូមវាយបញ្ចូលព័ត៌មានអំពីកូន រួចចុចលើ បន្ទាប់ ។ ( ប្រសិនបើអ្នកស្គាល់អត្តលេខរបស់កូននេះ សូមចុចលើ តាមលេខអត្តលេខ ) ។
- សូមពិនិត្យមើលលទ្ធផលស្រាវជ្រាវឡើងវិញ ។ ប្រសិនបើអ្នករកឃើញកូនដែលត្រឹមត្រូវ សូមចុចលើ បន្ថែមបុគ្គល ។
- ប្រសិនបើអ្នកមិនឃើញបុគ្គលនេះនៅក្នុងលទ្ធផលស្រាវជ្រាវទេ សូមចុចលើ បង្កើតថ្មី ។
ជំហាន ( កម្មវិធីឧបករណ៍ចល័ត )
- នៅក្នុងកម្មវិធីឧបករណ៍ចល័តមែកធាងគ្រួសារ សូមរុករកទំព័រ បុគ្គល មួយរបស់ឪពុក ឬម្ដាយ ។
- សូមចុចលើផ្ទាំង ស្វាមី ឬ ភរិយា ។
- ប្រសិនបើអ្នកឃើញស្វាមី ឬភរិយាលើសជាងម្នាក់ សូមចុចលើ ព្រួញទៅក្រោម ដែលនៅក្បែរឈ្មោះស្វាមី ឬភរិយាណាម្នាក់ដែលត្រឹមត្រូវ ។
- បច្ចុប្បន្ននេះ កម្មវិធីឧបករណ៍ចល័តមិនមានជម្រើសដើម្បីបន្ថែមកូនទៅឪពុក ឬម្ដាយ ដែលគ្មានស្វាមី ឬភរិយានោះទេ ។ សូមប្រើវិបសាយសម្រាប់ជម្រើសនេះ ។
- សូមចុចលើ បន្ថែមកូន ។
- សូមវាយបញ្ចូលព័ត៌មានអំពីកូន រួចចុចលើ បន្ត ។ ( ប្រសិនបើអ្នកស្គាល់អត្តលេខរបស់កូន សូមចុចលើ បន្ថែមតាមអត្តលេខ ឬ រកតាមអត្តលេខ ) ។
- សូមបង្ហាញថាតើបុគ្គលនេះនៅរស់ ឬស្លាប់ រួចហើយចុចលើ បន្ត ។
- សូមពិនិត្យមើលលទ្ធផលស្រាវជ្រាវឡើងវិញ ។ ប្រសិនបើអ្នករកឃើញកូនដែលត្រឹមត្រូវ សូមចុចលើ បន្ថែមបុគ្គលដែលត្រូវគ្នា ។
- ប្រសិនបើអ្នកមិនឃើញបុគ្គលនេះនៅក្នុងលទ្ធផលស្រាវជ្រាវទេ សូមចុចលើ ពុំត្រូវគ្នា ។
- សូមពិនិត្យមើលការវាយបញ្ចូលរបស់អ្នកឡើងវិញ ហើយចុចលើ បន្ថែម ឬ បន្ថែមបុគ្គលនេះ ។
ជំហាន ( មែកធាងគ្រួសារមិនពេញលេញ )
- ខណៈពេលកំពុងចូលនៅក្នុង មែកធាងគ្រួសារមិនពេញលេញ សូមរុករកទំព័រ បុគ្គល មួយរបស់ឪពុក ឬម្ដាយ ។
- សូមចុចលើ មើលគ្រួសារ ។
- នៅក្រោម ស្វាមីភរិយា និង កូន នៅក្រោមស្វាមី ឬភរិយាដែលត្រឹមត្រូវ សូមចុចលើ បន្ថែមកូន ។
- កម្មវិធីមែកធាងគ្រួសារមិនពេញលេញ មិនមានជម្រើសដើម្បីបន្ថែមបងប្អូនបង្កើតដោយពុំមានឪពុកម្ដាយនោះទេ ។ សូមប្រើវិបសាយពេញលេញសម្រាប់ជម្រើសនេះ ។
- សូមវាយបញ្ចូលព័ត៌មានអំពីកូន រួចចុចលើ បន្ទាប់ ។ ( ប្រសិនបើអ្នកស្គាល់អត្តលេខរបស់កូននេះ សូមចុចលើ រកតាមលេខអត្តលេខ ) ។
- សូមពិនិត្យមើលលទ្ធផលស្រាវជ្រាវឡើងវិញ ។ ប្រសិនបើអ្នករកឃើញកូនដែលត្រឹមត្រូវ សូមចុចលើ បន្ថែមបុគ្គល ។
- ប្រសិនបើអ្នកមិនឃើញបុគ្គលនេះនៅក្នុងលទ្ធផលស្រាវជ្រាវទេ សូមចុចលើ បង្កើតបុគ្គល ។
គន្លឹះជំនួយ
បងប្អូនភ្លោះមួយគូ ឬកំណើតកូនភ្លោះជាច្រើន
- សូមដាក់បន្ថែមកូនម្នាក់ៗជាបុគ្គលដាច់ដោយឡែកពីគ្នា ។
- សូមកុំបន្ថែមពាក្យ « ភ្លោះ » នៅក្នុងឈ្មោះឡើយ ។ ផ្ទុយទៅវិញ អ្នកអាចបញ្ជាក់លម្អិតអំពីការណ៍នេះនៅក្នុងផ្នែក ព័ត៌មានផ្សេងទៀត គំនូសព្រាងជីវិត ឬកំណត់ចំណាំនៃទំព័រ បុគ្គល សម្រាប់បុគ្គលម្នាក់ៗ ។
- ទោះបីជាបានបន្ថែមតាមលំដាប់ជាក់លាក់ក្ដី ក៏កូនៗអាចលេចឡើងខុសលំដាប់បានដែរ ។ ប្រសិនបើមនុស្សពីរនាក់បង្ហាញថ្ងៃខែឆ្នាំកំណើតដូចគ្នា នោះប្រព័ន្ធនឹងរាយបញ្ជីពួកគេរៀប តាមលំដាប់អក្សរ ។ អ្នកមិនអាចផ្លាស់ប្ដូរលំដាប់នេះបានទេ ។
- ប្រសិនបើកូនភ្លោះស្លាប់ដោយគ្មានឈ្មោះ សូមវាយបញ្ចូលតែត្រកូលជាមួយនឹងថ្ងៃខែឆ្នាំកំណើត និងថ្ងៃស្លាប់បានហើយ ។ ដើម្បីចៀសវាងការដាក់បញ្ចូលគ្នានៅពេលក្រោយនូវកំណត់ត្រាស្ទួនគ្នា អ្នកអាចធ្វើតាមជំហានទាំងនេះ ៖
- សូមវាយបញ្ចូលព័ត៌មាននៅក្នុង គំនូសព្រាងជីវិត អំពីបុគ្គលម្នាក់ៗដើម្បីពន្យល់អំពីស្ថានភាព ។
- សូមបង្កើតកំណត់ចំណាំមួយសម្រាប់បុគ្គលម្នាក់ៗដើម្បីពន្យល់អំពីស្ថានភាព ។
- សូមរកមើលព័ត៌មានស្ទួនគ្នាដែលអាចមាន ហើយគូសចំណាំកូនភ្លោះនេះថា ពុំត្រូវគ្នា ដោយមានប្រយោគហេតុផលច្បាស់លាស់មួយ ។
កូនឥតខាន់ស្លា
- អ្នកអាចភ្ជាប់ពួកគេទៅនឹងឪពុក ម្ដាយបង្កើតរៀងៗខ្លួន ឬទៅនឹងពួកគាត់ទាំងពីរតែម្ដង ។
- សូមកុំបន្ថែមព័ត៌មានអាពាហ៍ពិពាហ៍សម្រាប់ដៃគូស្នេហានេះឡើយ ។ សូមដាក់ព័ត៌មានដែលពាក់ព័ន្ធនៅក្នុងកំណត់ចំណាំមួយ ឬនៅក្នុងគំនូសព្រាងជីវិតមួយ ។
- បច្ចុប្បន្ន មែកធាងគ្រួសារ ផ្ដល់ទំនាក់ទំនងប្រាំប្រភេទរវាងឪពុកម្ដាយ និងកូនៗ ៖ កូនសុំមកចិញ្ចឹម កូនបង្កើត កូនក្រោមអាណាព្យាបាល កូនចិញ្ចឹម និងកូនចុង ។ ប្រព័ន្ធនេះសន្មតថាជាទំនាក់ទំនងកូនបង្កើត ។ អ្នកអាចបញ្ជាក់ថាជាទំនាក់ទំនងប្រភេទផ្សេងទៀតសម្រាប់ឪពុកម្ដាយច្រើនជាងមួយគូ ។
អត្ថបទដែលទាក់ទង
តើខ្ញុំបន្ថែមឪពុក ឬម្ដាយនៅក្នុងមែកធាងគ្រួសារដោយរបៀបណា ?
តើខ្ញុំអាចបញ្ជាក់ទំនាក់ទំនងកូនបង្កើត កូនចុង កូនសុំមកចិញ្ចឹម និងកូនចិញ្ចឹមនៅក្នុងមែកធាងគ្រួសារដោយរបៀបណា ?
តើខ្ញុំស្ដារឡើងវិញទំនាក់ទំនងដែលបានលុបចោលនៅក្នុងមែកធាងគ្រួសារដោយរបៀបណា ?