ប្រសិនបើបុគ្គលម្នាក់មានក្នុងមែកធាងគ្រួសាររួចហើយ អ្នកអាចបញ្ចូលព័ត៌មានបន្ថែមលើកំណត់ត្រារបស់គាត់បាន តាមរយៈការបន្ថែមក្នុងគំនូសព្រាងជីវិត ព័ត៌មានសំខាន់ និងព័ត៌មានផ្សេងៗបាន ។
- គំនូសព្រាងជីវិតគឺជាដំណើររឿងមួយអំពីជីវិតរបស់បុគ្គលម្នាក់ ។ វាអាចសរសេរបានដល់ ១០,០០០ តួអក្សរ ។ ដើម្បីវាយបញ្ចូលគំនូសព្រាងជីវិត អ្នកត្រូវតែប្រើកម្មវិធីមែកធាងគ្រួសារនៅលើគេហទំព័រ FamilySearch.org ។
- យើងផ្ដល់អនុសាសន៍ឲ្យអ្នកវាយបញ្ចូលគំនូសព្រាងជីវិតរបស់អ្នកនៅក្នុងឯកសារជាពាក្យជាមុនសិន រួចហើយចម្លងវាទៅក្នុងមែកធាងគ្រួសារ ។ បើមិនអ៊ីចឹងទេ វគ្គរបស់អ្នកអាចអស់ពេល ហើយអ្នកអាចបាត់បង់កិច្ចការរបស់អ្នក ។
- ផ្នែកសំខាន់ រួមមានព័ត៌មានអំពីឈ្មោះ ភេទ ថ្ងៃខែឆ្នាំកំណើត ការចូលជាគ្រីស្ទាន មរណភាព និងការបញ្ចុះសព ។ អ្នកអាចបន្ថែមព័ត៌មានសំខាន់នៅក្នុងមែកធាងគ្រួសារនៅលើគេហទំព័រ FamilySearch.org កម្មវិធីឧបករណ៍ចល័តមែកធាងគ្រួសារ និងមែកធាងគ្រួសារមិនពេញលេញបាន ។
- ព័ត៌មានផ្សេងៗរួមមាន ឈ្មោះហៅក្រៅ ការស្លាប់ក្នុងផ្ទៃម្ដាយ ការងារ ការចូលសញ្ជាតិ ការបម្រើកងទ័ព ងារកិត្តិយស និងព័ត៌មានជាច្រើនទៀត ។ អ្នកអាចបន្ថែមព័ត៌មានផ្សេងៗដោយប្រើមែកធាងគ្រួសារនៅលើគេហទំព័រ FamilySearch.org និងកម្មវិធីឧបករណ៍ចល័តបាន ។ អ្នកមិនអាចបន្ថែមវាដោយប្រើមែកធាងគ្រួសារមិនពេញលេញបានទេ ។
ជំហាន ( គេហទំព័រ )
ទិដ្ឋភាពផ្តេក បញ្ឈរ តារាងទម្រង់ជាផ្លិត និងកូនចៅជំនាន់ក្រោយ
- នៅម៉ឺនុយខាងលើ សូមចុចលើ មែកធាងគ្រួសារ ហើយបន្ទាប់មក សូមចុចលើ មែកធាង ។
- សូមស្វែងរកបុគ្គលនៅលើមែកធាងដែលអ្នកចង់បញ្ចូលព័ត៌មាន ។
- សូមចុចលើ ឈ្មោះ របស់បុគ្គលនោះ ។ នៅក្នុងព័ត៌មានលម្អិតដែលលេចឡើង សូមចុចលើ ឈ្មោះ របស់បុគ្គលនោះម្ដងទៀត ។ អ្នកនឹងត្រូវបាននាំទៅកាន់ទំព័ររបស់បុគ្គលនោះ ។
- សូមចុច ព័ត៌មានលម្អិត ឬផ្ទាំងកាលប្រវត្តិ ។ គំនូសព្រាងជីវិតអាចរកបានតែនៅក្រោមផ្ទាំងព័ត៌មានលម្អិតប៉ុណ្ណោះ ។
- នៅលើផ្ទាំងព័ត៌មានលម្អិត សូមចុចលើរូប ត្រីកោណ នៅជាប់នឹងផ្នែកនីមួយៗដើម្បីមើលព័ត៌មាន ។ ផ្នែកសំខាន់ៗមានបួនគឺ ៖ គំនូសព្រាងជីវិត សំខាន់ ព័ត៌មានផ្សេងៗ និងសមាជិកគ្រួសារ ។
- សូមចុចលើតំណ បន្ថែម ដែលត្រឹមត្រូវ ។ ប្រសិនបើវាផុសឡើង សូមជ្រើសរើសប្រភេទព័ត៌មានដែលអ្នកចង់បន្ថែម ។
- សូមវាយបញ្ចូលព័ត៌មាន និងសេចក្ដីថ្លែងការណ៍ពន្យល់ពីមូលហេតុដែលព័ត៌មាននេះគឺត្រឹមត្រូវ ។ វាមិនតម្រូវឲ្យមានសេចក្ដីថ្លែងការណ៍សម្រាប់គំនូសព្រាងជីវិតនោះទេ ។
- សូមចុចលើ រក្សាទុក ។
ទិដ្ឋភាពបុព្វការីជនទីមួយ
ទិដ្ឋភាពនេះអាចបន្ថែមព្រឹត្តិការណ៍ ហេតុការណ៍ និងគំនូសព្រាងជីវិត ដែលបានជ្រើសរើស ទៅក្នុងប្រវត្តិរូបរបស់បុគ្គលម្នាក់ ដោយមិនចាំបាច់ចាកចេញពីពង្សាវលីនៃមែកធាងគ្រួសារឡើយ ប៉ុន្តែវាមិនអាចបន្ថែមព័ត៌មានសំខាន់ៗបានទេ ។
- សូមចុះឈ្មោះចូល កម្មវិធីស្រាវជ្រាវក្រុមគ្រួសារ ហើយចុចលើ មែកធាងគ្រួសារ បន្ទាប់មក សូមចុចលើ មែកធាង ។
- សូមរុករកបុគ្គលដែលអ្នកចង់កែតម្រូវនោះ ។
- សូមចុចលើ ឈ្មោះ របស់ពួកគេ ។
- នឹងមានសន្លឹកចំហៀងសម្រាប់បុគ្គលនោះបើកឡើងនៅខាងស្តាំ ។ សូមអូសចុះក្រោមទៅផ្នែកនៅក្នុងម៉ឺនុយនោះដែលអ្នកចង់បញ្ចូលព័ត៌មាន ។ អ្នកមានជម្រើសក្នុងការចុចលើមុខងារ ១ ក្នុងចំណោមមុខងារទាំងនេះ ៖
- បន្ថែមព្រឹត្តិការណ៍
- បន្ថែមហេតុការណ៍
- បន្ថែមគំនូសព្រាងជីវិត ( កំណត់ចំណាំ ៖ ប្រសិនបើមានការបន្ថែមគំនូសព្រាងជីវិតរួចហើយ នោះអ្នកមិនអាចផ្លាស់ប្តូរវាបានទេ លុះត្រាតែអ្នកចូលទៅកាន់ទំព័ររបស់បុគ្គលនោះ ។ ក្នុងករណីនោះ សូមចុចឈ្មោះរបស់ពួកគេក្នុងម៉ឺនុយចំហៀង ហើយអ្នកនឹងត្រូវបាននាំទៅទំព័របុគ្គលរបស់ពួកគេ ) ។
- នៅពេលដែលអ្នកបានជ្រើសរើសព័ត៌មានមួយក្នុងចំណោមនោះ សូមបំពេញព័ត៌មានដែលពាក់ព័ន្ធឲ្យអស់ពីសមត្ថភាពរបស់អ្នក ។ សូមកុំភ្លេចបន្ថែមសេចក្ដីថ្លែងការណ៍អំពីមូលហេតុសម្រាប់ព្រឹត្តិការណ៍ និងហេតុការណ៍ផងដែរ ។
- សូមចុចលើ រក្សាទុក ។
ជំហាន ( កម្មវិធីឧបករណ៍ចល័ត )
នៅក្នុងកម្មវិធីឧបករណ៍ចល័តមែកធាងគ្រួសារ អ្នកអាចបន្ថែមព័ត៌មានសំខាន់ និងព័ត៌មានផ្សេងៗបាន ។ វាពុំមានគំនូសព្រាងជីវិតនេះទេ ។
- នៅក្នុងកម្មវិធីឧបករណ៍ចល័តមែកធាងគ្រួសារ សូមបង្ហាញទំព័ររបស់បុគ្គលដែលអ្នកចង់បញ្ចូលព័ត៌មាននោះ ។
- សូមចុច + ។
- សូមចុចលើប្រភេទព័ត៌មានដែលអ្នកចង់បន្ថែម ។
- នៅក្នុងប្រអប់នីមួយៗ សូមវាយបញ្ចូលព័ត៌មានដែលត្រឹមត្រូវ ។
- នៅក្នុងប្រអប់ មូលហេតុដែលព័ត៌មាននេះត្រឹមត្រូវ សូមបន្ថែមសេចក្ដីពន្យល់ច្បាស់លាស់មួយពីរបៀបដែលអ្នកដឹងថា ព័ត៌មាននេះគឺត្រឹមត្រូវ ។
- សូមចុចលើ រក្សាទុក ។
ជំហាន ( មែកធាងគ្រួសារមិនពេញលេញ )
នៅក្នុងមែកធាងគ្រួសារមិនពេញលេញ អ្នកអាចបន្ថែមតែព័ត៌មានសំខាន់ប៉ុណ្ណោះ ។ វាពុំមានគំនូសព្រាងជីវិត និងព័ត៌មានផ្សេងៗនៅក្នុងកម្មវិធីនេះទេ ។
- នៅក្នុងមែកធាងគ្រួសារមិនពេញលេញ ( lite.fs.org ) សូមចុចលើឈ្មោះរបស់បុគ្គល ដែលអ្នកចង់បញ្ចូលព័ត៌មាននោះ ។
- សូមចុចលើតំណ បន្ថែម ដែលត្រឹមត្រូវ ។
- នៅក្នុងប្រអប់នីមួយៗ សូមវាយបញ្ចូលព័ត៌មានដែលត្រឹមត្រូវ ។
- នៅក្នុងប្រអប់ មូលហេតុដែលព័ត៌មាននេះត្រឹមត្រូវ សូមបន្ថែមសេចក្ដីពន្យល់ច្បាស់លាស់មួយពីរបៀបដែលអ្នកដឹងថា ព័ត៌មាននេះគឺត្រឹមត្រូវ ។
- សូមចុចលើ រក្សាទុក ។
អត្ថបទដែលទាក់ទង
តើខ្ញុំផ្លាស់ប្ដូរព័ត៌មានសំខាន់នៅក្នុងមែកធាងគ្រួសារដោយរបៀបណា ?
តើមានអ្វីខ្លះដែលរួមបញ្ចូលក្នុងទំព័របុគ្គលនៅក្នុងមែកធាងគ្រួសារ ?
តើ « កំណត់ត្រា IGI ដែលបានដកស្រង់នេះ ត្រូវបានប្រើប្រាស់ដើម្បីបង្កើតបុគ្គលនេះ » មានន័យដូចម្ដេច ?
តើខ្ញុំអាចស្គាល់ទំនាក់ទំនងកូនបង្កើត កូនចុង កូនសុំ និងកូនចិញ្ចឹមនៅក្នុងមែកធាងគ្រួសារដោយរបៀបណា ?