ស្លាកប្រធានបទគឺជាវចនៈសព្ទ ឬឃ្លាដែលរួមចំណែកដោយអ្នកប្រើប្រាស់ ដែលពិពណ៌នាអំពីរូបថត ដំណើររឿង និងសារជាសំឡេងនៅលើកម្មវិធីស្រាវជ្រាវក្រុមគ្រួសារ ។ ស្លាកប្រធានបទដូចជា « រូបមន្តម្ហូប » « វីរៈបុរសសង្គ្រាម » ឬ « បុណ្យជ្រមុជទឹក » ធ្វើឲ្យអនុស្សាវរីយ៍ទាំងនេះ កាន់តែងាយស្រួលរកឃើញ ។
កាលដែលអ្នកធ្វើការជាមួយនឹងស្លាកប្រធានបទ សូមចងចាំពីការចង្អុលបង្ហាញទាំងនេះ ៖
- អ្នកអាចបន្ថែមស្លាកដដែលនោះទៅឲ្យអនុស្សាវរីយ៍ជាច្រើនក្នុងពេលម្ដង ។ សម្រាប់ការណែនាំ សូមមើល « តើខ្ញុំបន្ថែមស្លាកប្រធានបទដដែលទៅការបញ្ចូលជាច្រើនដោយរបៀបណា ? » នៅក្នុងផ្នែក អត្ថបទទាក់ទង នៅខាងក្រោម ។
- អ្នកប្រើប្រាស់ណាក៏ដោយ អាចបន្ថែម ឬដកចេញនូវស្លាកប្រធានបទពីអនុស្សាវរីយ៍មួយ មិនថានរណាជាអ្នកដាក់វាទេ ។
- អនុស្សាវរីយ៍មួយអាចមានដល់ ៣០ ស្លាកប្រធានបទ ។
- ស្លាកប្រធានបទមិនអាចមានសញ្ញាអារម្មណ៍ ឬតួអក្សរដូចតទៅនេះទេ ៖ ~!@#$%&*(){}[]<>?/|\:;_+= ។
- ស្លាកប្រធានបទមិនត្រូវបានបកប្រែទេ ។ ប្រសិនបើអ្នកបន្ថែមស្លាកប្រធានបទ « church » ( ជាភាសាអង់គ្លេស ) ទៅកាន់អនុស្សាវរីយ៍មួយ អ្នកប្រើប្រាស់ដែលស្វែងរក « iglesia » ( ពាក្យ ព្រះវិហារ ជាភាសាអេស្ប៉ាញ ) នឹងរកវាមិនឃើញទេ ។
- អ្នកមិនអាចបង្កើតស្លាកប្រធានបទស្ទួនគ្នានោះទេ ។ ហើយអ្នកក៏មិនអាចបង្កើតស្លាកប្រធានបទស្ទួនគ្នាដោយខុសគ្នាតែអក្សរធំបានដែរ ។ ឧទាហរណ៍ អ្នកមិនអាចបង្កើតស្លាកដោយឡែកសម្រាប់ « Church » ( ដែលមានអក្សរធំមួយ ) និង « church » ( ដែលមានអក្សរតូច ) នោះទេ ។
- ទម្រង់ពាក្យទាំងឡាយ ដូចជាពហុវចនៈ ត្រូវបានគិតថាខុសគ្នា ។ ហេតុដូច្នោះហើយ អ្នកអាចបង្កើតទាំង « រូបមន្តម្ហូប » និង « រូបមន្តម្ហូបទាំងឡាយ » បាន ។ ទោះយ៉ាងណា ប្រសិនបើអ្នកស្វែងរក « រូបមន្តម្ហូប » អ្នករកមិនឃើញអនុស្សាវរីយ៍ដែលមានស្លាក « រូបមន្តម្ហូបទាំងឡាយ » ទេ ។
- នៅពេលអ្នកស្វែងរកអនុស្សាវរីយ៍ អ្នកអាចបញ្ចូលដល់ ៥ ស្លាកប្រធានបទ ។ ឧទាហរណ៍ អ្នកអាចស្វែងរកស្លាកប្រធានបទ « រូបថតគ្រួសារ » « នេប្រាស្កា » និង « ១៩២១ » ដើម្បីរកមើលអនុស្សាវរីយ៍ទាំងអស់ ដែលមានស្លាកប្រធានបទទាំងបីនោះ ។
សំខាន់ ៖ ការបន្ថែមស្លាកប្រធានបទ ពុំភ្ជាប់អនុស្សាវរីយ៍ទៅនឹងបុគ្គលម្នាក់នៅក្នុងមែកធាងគ្រួសារនោះទេ ។