នេះគឺជាការអនុវត្តល្អបំផុតមួយចំនួនសម្រាប់ការសម្រេចថា តើកំណត់ត្រាពីរគឺជាបុគ្គលតែមួយឬយ៉ាងណា ៖
- សូមពិនិត្យមើលព័ត៌មានដូចតទៅនេះនៅលើកំណត់ត្រាទាំងពីរយ៉ាងយកចិត្តទុកដាក់ ។ កាលណាកំណត់ត្រាមានព័ត៌មានដូចគ្នាកាន់តែច្រើន នោះវាកាន់តែបញ្ជាក់ថា វាគឺជាកំណត់ត្រាស្ទួនគ្នា ។
- ឈ្មោះ កាលបរិច្ឆេទ និងទីកន្លែងរបស់បុគ្គល និងសមាជិកគ្រួសារ
- សេចក្ដីថ្លែងការណ៍អំពីមូលហេតុ
- ប្រភពដើម
- ការពិភាក្សា
- កំណត់ចំណាំ
- គំនូសព្រាងជីវិត
- សូមពិនិត្យមើលទំនាក់ទំនងគ្រួសារ ។ ក្រោយពេលការដាក់បញ្ចូលគ្នាបានបញ្ចប់ នោះទំនាក់ទំនងគ្រួសារនានានៅលើកំណត់ត្រាដែលលុបចោលនោះក៏ត្រូវបានលុបចោលផងដែរ លើកលែងតែអ្នកបានផ្លាស់វាទៅក្នុងកំណត់ត្រាដែលត្រូវរក្សាទុក ។
- សូមរក្សាកំណត់ត្រាដែលពេញលេញ ឬត្រឹមត្រូវបំផុត ។ ប្រសិនបើចាំបាច់ សូមប្ដូរទីតាំងនៃអត្ថបទដែលអ្នកមើលឃើញនៅលើអេក្រង់ ដើម្បីអ្នកអាចរក្សាកំណត់ត្រាដែលត្រឹមត្រូវ និងពេញលេញបំផុត ។ សូមប្ដូរកំណត់ត្រាពីស្ដាំទៅឆ្វេង ប្រសិនបើចាំបាច់ ។
- សូមសម្រេចចិត្តថា តើអ្នកគួរតែប្ដូរព័ត៌មានណាមួយមកពីកំណត់ត្រាស្ទួនទៅកំណត់ត្រាដែលត្រូវរក្សាទុក ។
- ប្រសិនបើឈ្មោះ ថ្ងៃខែឆ្នាំកំណើត ឬព័ត៌មានផ្សេងទៀតគឺដូចគ្នានៅលើកំណត់ត្រាទាំងពីរ សូមចុចលើព័ត៌មាននោះដើម្បីបង្ហាញសេចក្ដីលម្អិតបន្ថែមទៀត ។ សូមរក្សាកំណែនោះជាមួយសេចក្ដីថ្លែងការណ៍អំពីមូលហេតុដ៏ល្អបំផុត ។
- ប្រសិនបើកំណត់ត្រានៅខាងឆ្វេងដៃមានឪពុកម្ដាយ ប្ដីប្រពន្ធ ឬកូនៗដូចគ្នា សូមបន្ថែមពួកគេទៅក្នុងកំណត់ត្រាដែលត្រូវរក្សាទុក ។ អ្នកអាចដាក់កំណត់ត្រាស្ទួនទាំងនេះចូលគ្នានៅពេលក្រោយក៏បាន ។
- ពីមុនអ្នកបញ្ចប់ការដាក់បញ្ចូលគ្នា សូមពិនិត្យមើលកិច្ចការរបស់អ្នក ។
- នៅពេលវាផុសឡើង សូមវាយបញ្ចូលសេចក្ដីថ្លែងការណ៍អំពីមូលហេតុមួយដែលពន្យល់របៀបដែលអ្នកសន្មតថា កំណត់ត្រានេះគឺស្ទួនគ្នា ។