មនុស្សគ្រប់គ្នាដែលចុះឈ្មោះប្រើ កម្មវិធីស្រាវជ្រាវក្រុមគ្រួសារត្រូវមានគណនីប្រវត្តិរូបមួយ ។ កែសម្រួល ជីវប្រវត្តិសង្ខេបរបស់អ្នក ដើម្បីងាយ គ្រប់គ្រងអ្វីដែលអ្នកចង់បង្ហាញដល់អ្នកប្រើប្រាស់ កម្មវិធីស្រាវជ្រាវក្រុមគ្រួសារផ្សេងទៀត ហើយបញ្ជាក់នូវអ្វីដែលគួរតែបង្ហាញជាសាធារណៈ និងអ្វីដែលគួររក្សាទុកជាឯកជន ។
ជីវប្រវត្តិសង្ខេបរបស់អ្នករួមមានការកំណត់ព័ត៌មានដូចខាងក្រោម ៖
រូបបញ្ឈរ ៖ផ្ទុករូបថតជីវប្រវត្តិសង្ខេបចូលទៅក្នុងគណនីកម្មវិធីស្រាវជ្រាវក្រុមគ្រួសារ របស់អ្នក អាចជួយសម្គាល់ថាខ្លួនអ្នកខុសពីអ្នកកាន់គណនីផ្សេងទៀត ដែលមានឈ្មោះស្រដៀងគ្នា ។ សូមពិចារណាចុះផ្សាយរូបថតដែលមានការរចនា ឬ ក្រាហ្វិកដែលអ្នកពេញចិត្តប្រសិនបើអ្នកមានអារម្មណ៍មិនស្រណុកក្នុងការចុះផ្សាយ រូបថតពិតរបស់អ្នក ។ ប្រសិនបើអ្នកមិនបានផ្ទុករូបថតទេ នោះចន្លោះរូបបញ្ឈរនឹងបង្ហាញតួអក្សរទីមួយនៃអត្ថលេខទំនាក់ទំនងនៃគណនីកម្មវិធីស្រាវជ្រាវក្រុមគ្រួសាររបស់អ្នក ។
ឈ្មោះ ៖នេះគឺជាឈ្មោះដែលអ្នកត្រូវបានគេស្គាល់នៅលើកម្មវិធីស្រាវជ្រាវក្រុមគ្រួសាររបស់អ្នក ។ ឈ្មោះនេះតែងតែបង្ហាញឲ្យអ្នកផ្សេងឃើញ ហើយឈ្មោះនេះអាចជាឈ្មោះពេញ ឈ្មោះកាត់ ឬ ក៏អាចជាឈ្មោះហៅក្រៅផងដែរ ។ លុះត្រាតែអ្នកកំណត់ប្រអប់នេះជាលក្ខណៈផ្ទាល់ខ្លួនសិន បើពុំនោះទេអត្ថលេខទំនាក់ទំនងរបស់អ្នកត្រូវប្រើនៅក្នុងប្រអប់ឈ្មោះនោះ ។ ឈ្មោះដែលអ្នកជ្រើសរើសមិនចាំបាច់ពិសេសនោះទេ ប៉ុន្តែជាឈ្មោះដែលអាចការពារអត្តសញ្ញាណរបស់អ្នក ដែលអនុញ្ញាតឲ្យអ្នកដែលអ្នកស្គាល់អាចស្វែងរកអ្នកឃើញ ។
អត្ថលេខទំនាក់ទំនង ៖ អត្ថលេខរបស់អ្នកបានផ្ញើទៅក្នុងគណនីរបស់អ្នកកាលដែលចុះឈ្មោះ ។ ឈ្មោះនេះអាចកែបានប៉ុន្តែនៅតែពិសេស មានន័យថាមនុស្សពីរនាក់មិនអាចមានអត្ថលេខទំនាក់ទំនងដូចគ្នាបានទេ ។ អត្ថលេខនេះទាក់ទងនឹងអ្វីដែលអ្នកបន្ថែម ឬកែប្រែនៅលើកម្មវិធី ស្រាវជ្រាវក្រុមគ្រួសារ ។ សូមកុំប្រើអក្សរវណ្ណយុត្តិក្នុងអត្ថលេខរបស់អ្នក ។
ទីតាំង ៖ក្នុងជីវប្រវត្តិសង្ខេបរបស់អ្នកមានទាំងទីកន្លែងនៅប្រទេសឬតំបន់របស់អ្នក ។ នេះជាប្រអប់ដែលតម្រូវឲ្យមានប៉ុន្តែអាចរក្សាជាឯកជនបាន ។ ការដាក់ទីតាំងទូទៅរបស់អ្នកជាសាធារណៈជួយសម្គាល់ថា អ្នកខុសពីអ្នកប្រើប្រាស់កម្មវិធីស្រាវជ្រាវក្រុមគ្រួសារផ្សេងទៀត នៅពេលមិត្តភក្តិឬអ្នកស្រាវជ្រាវផ្សេងព្យាយាមទាក់ទងមកកាន់អ្នក ។
គណនីឯកជន
គណនីមួយចំនួនបានបង្កើតជាគណនីឯកជនដោយស្វ័យប្រវត្តិ ។
អាយុក្រោម១៨ឆ្នាំ គណនីសម្រាប់អ្នកដែលមានអាយុក្រោម ១៨ ឆ្នាំគឺបានកំណត់ជាមុនថាជា គណនីឯកជន ។ ម្ចាស់គណនីអាចផ្ទុកព័ត៌មានជីវប្រវត្តិសង្ខេបប៉ុន្តែប្រវត្តិរូបទាំងនោះនៅតែជាឯកជនដដែល ។ ប៉ុន្តែបើអ្នកអាយុ១៨ ឆ្នាំឬលើសពីនេះ ហើយគណនីរបស់អ្នកត្រូវបានគូស ចំណាំថា « ឯកជន » បញ្ជាក់ថាអ្នកបានបញ្ចូលព័ត៌មានកាលបរិច្ឆេទឆ្នាំកំណើតនៅក្នុងការកំណត់គណនីបានយ៉ាងត្រឹមត្រូវ ។
ការរឹតបន្តឹងរបស់រដ្ឋាភិបាល ៖ រដ្ឋាភិបាលឬវប្បធម៌មួយចំនួនដាក់កំណត់ទៅលើទំហំព័ត៌មានផ្ទាល់ខ្លួនដែលបានប្រមូលឬចែកចាយដោយវេបសាយមួយ ។ ប្រសិនបើអ្នកជឿថាគណនីរបស់អ្នកបានគូសចំណាំថា « ឯកជន »ដោយកំហុសឆ្គង សូមចូលទៅការកំណត់កម្មវិធីស្រាវជ្រាវក្រុមគ្រួសារ ហើយត្រូវប្រាកដថាព័ត៌មានប្រទេស ឬ តំបន់របស់អ្នកត្រូវបានជ្រើសរើសដោយត្រឹមត្រូវ ។