Гэр бүлийн модонд хятад нэрийг зөв оруулах нь нэрийг зөв харуулах, хайх, хэвлэхэд чухал ач холбогдолтой.
Гэр бүлийн модонд хятад нэрийг оруулахын тулд дараах зөвлөмжийг дага.
Үндсэн мэдээлэл хэсэгт эсвэл эхний өвөг дээдсийн харагдац дээр өөрийн нэр эсвэл сонгосон нэрийг оруул.
Та хувь хүн хуудсан дээр эсвэл эхний өвөг дээдсийн угийн бичгээс нэрсийг оруулж болно.
- Хувь хүний хуудсан дээрх Үндсэн мэдээлэл хэсэгт оч. Нэрийн хажууд байгаа Засварлах тэмдэгт дээр дар. Засварлах дээр дахин дараад, өөрчлөлтүүдийг оруулсны дараа Хадгалах дээр дарна.
- Эхний өвөг дээдсийн харагдац дээрх уг хүний нэр дээр дар. Дэлгэрэнгүй мэдээллийн цэс баруун талд гарч ирнэ. Мэдээлэл хэсэгт Мэдээлэл нэмэх дээр дар. Өөр нэр, Овгийн нэр эсвэл Кастын нэр дээр дар.
Ханз талбарт хүний нэрийг оруулахдаа, төрөх үед өгсөн овог болон нэрийг оруул. Эмэгтэй бол гэрлэхээс өмнөх нэрийг нь оруул.
Хятад хэлний загварыг ашигла
Хятад хэлний загварт хоёр багц талбар байдаг. Нэг багцад овог болон өөрийн нэр байдаг. Нөгөө багцыг ханз ба ром үсэгт зориулсан.
Загварыг нэрийн талбарын дээд талд буй доош задардаг цэсээс харж болно. Үүнийг одоо харагдаж байгаа зүйлээс нь хятад хэл рүү өөрчил.
Овог болон оноосон нэрийн хятад тэмдэгтүүдийг шивж оруул. Систем нь ром үсгийн талбарт мандарин пинеин дуудлагыг автоматаар оруулна. Хэрэв та өөрөөр бичихийг хүсвэл, мандарин пинеин ашиглан бичсэнийг өөрийн хүссэнээр өөрчилж болно.
Бусад мэдээлэл хэсэгт өөр нэрийг оруул.
Хүний нэрийн бүх хувилбарыг оруулах нь хэд хэдэн давуу талтай. Тухайлбал:
- Та уг хүний амьдралын талаарх чухал баримт мэдээллийг хадгалж үлдэнэ.
- Уг хүнийг Гэр бүлийн модноос олоход хялбар болно. Систем дээр хайлт хийхдээ өөр нэрийг оруулан хайж болдог.
- Судлаачид уг хүний нэрийг өөр өөр хувилбараар ашигласан байсан ч түүхэн бүртгэлээс тухайн хүнийг хайж олж, таньж чадна.
Өөр нэрийн төрлүүд
Хэрэв та Гэр бүлийн модыг англи хэл дээр ашиглаж байгаа бол дараах 4 төрлийн өөр нэрийн хувилбарыг ашиглах боломжтой.
- Түүнчлэн дараах нэрээр мэднэ. Жишээ нь: Тухайн хүний өөр улс руу нүүхдээ ашиглаж байсан өөр нэрс орно.
- Төрөхдөө авсан нэр. Энэ сонголтыг ашиглан, өөр овогт үрчлэгдэн очихоос өмнө ашиглаж байсан нэрийг оруул.
- Гэрлэсний дараах нэр. Энэ сонголтыг ашиглан, хэрэв тухайн хүн гэрлэсний дараа өөр нэр ашиглаж эхэлсэн бол үүнийг оруул.
- Хоч. Энэ сонголтыг ашиглан, тухайн хүний эцэг/эх эсвэл ойр дотнын гэр бүлийн гишүүд уг хүнийг дуудахдаа ашиглаж байсан хочийг оруул.
Хэрэв та хятад хэлний загварыг сонговол танд дараах сонголтууд бий. Үүнд:
- Хүндэтгэлийн нэр (字). Уг хүнийг насанд хүрэхэд нь өгсөн нэрийг бүртгэхдээ энэ сонголтыг ашигла. Хүндэтгэлийн нэрийг уг хүний эцэг эх эсвэл хувийн багш нь хичээлийн эхний өдөр өгдөг байсан. Гэрлэсний дараа зарим эмэгтэй өөрийн нэрийг ашиглахын оронд хүндэтгэлийн нэр ашигладаг. Уг нэрийг өгсөн бол хүндэтгэлийн нэр нь уг хүний өөрийн нэрийг орлодог.
- Урлагийн нэр (號). Энэ сонголтыг ашиглан, тухайн хүний мэргэжлийн нэр эсвэл нууц нэрийг оруул. Боловсролтой, уран бүтээлч, яруу найрагч, бичээч хүмүүс ийм нэрийг ашигладаг байжээ.
- Цээр нэр (諱). Энэ сонголтыг ашиглан, тухайн хүний цээр нэрийг оруул. Хятадын ёс заншилд өргөмжлөгдсөн хүний тухай ярьж, бичихдээ өөрийнх нь нэрийг дурдахын оронд цээр нэрийг нь ашигладаг байжээ.
- Нас барсны дараа өгдөг цол нэр (諡). Энэ нь эхэндээ хаад ноёдын удамд өгдөг цол нэр байсан. Сүүлийн хэдэн зуунд энгийн хүмүүс нас барсныхаа дараа цол нэрийг мөн авах болсон. Уг хүний амьд үедээ ашиглаж байсан бусад нэр эсвэл албан ёсны цол хэргэмийн оронд бараг бүх үед цол нэрийг дангаар нь ашигладаг.
Холбоотой нийтлэл
Гэр бүлийн модонд хочийг хэрхэн нэмж оруулах вэ?
Гэр бүлийн модонд нэрийг хэрхэн оруулах вэ?
Өөр хэл дээрх нэрийг Гэр бүлийн модонд хэрхэн оруулах вэ?
Би хятад хэлний уламжлалт тооллоор бичигдсэн огноог Гэр бүлийн модонд хэрхэн оруулах вэ?
Гэр бүлийн модонд хятад нэрийг хэрхэн оруулах вэ?