FamilySearch дээр бүртгэл үүсгэсэн хүн бүрд бүртгэлийн хувийн мэдээлэл үүснэ. FamilySearch дээрх бусад хэрэглэгчид мэдээллээ хэрхэн харагдуулах, юу нь ил, юу нь далд байхыг тохируулахдаа профайлаа өөрчилнө үү.
Таны профайлд мэдээллийн дараах тохиргоонууд орсон байна. Үүнд:
Хөрөг зураг: FamilySearch-ийн профайлд хөрөг зургаа оруулах нь ижил нэрээр бүртгүүлсэн бусад хэрэглэгчээс ялгарахад тань тусална. Хэрэв танд бодит зургаа оруулахад эвгүй байвал хэв загвар оруулсан эсвэл дуртай эффектээ нэмсэн зураг оруулж болох юм. Хэрэв та гэрэл зургаа оруулаагүй бол хөрөг зураг оруулах талбарт FamilySearch-д бүртгэлтэй нэрийн тань эхний үсэг харагдах болно.
Нэр: FamilySearch дээр харагдах таны нэр Энэ нь үргэлж бусдад ил харагдах ба таны овог нэр, нэр эсвэл бүр хоч нэр байж болно. Энэ талбарыг та өөрт тохируулан өөрчлөх хүртэл таны бүртгэлтэй нэр энэ талбарт харагдах болно. Таны сонгох нэр таны хувьд онцгой байх ШААРДЛАГАГҮЙ бөгөөд өөрийн тань таньдаг хүмүүс олж чадахуйц, бусдаас ялгарахаар байхад болно.
Бүртгэлтэй нэр Бүртгэлтэй нэр нь бүртгүүлэх үед үүсдэг. Үүнийг өөрчилж болох бөгөөд бусдаас ялгарахуйц байх буюу хоёр хүн ижил бүртгэлийн нэртэй байж болохгүй гэсэн үг юм. Уг нэр нь FamilySearch-д таны оруулах, засварлах аливаа мэдээлэлтэй холбогдоно. Өөрийн ID-д ямар нэг цэг таслал, тэмдэгт бүү хэрэглээрэй.
Байршил: Таны профайлд таны улс орон, бүс нутаг орно. Энэ талбарыг бөглөх шаардлагатай бөгөөд бусдад харагдахгүй байж болно. Ерөнхий байршлаа бусдад харагдахаар байлгах нь тантай холбогдохоор хичээж буй найз нөхөд, бусад хайлт хийж буй хүнд таныг FamilySearch-ийн бусад хэрэглэгчээс ялгахад тус дөхөм үзүүлдэг.
Хувийн бүртгэл
Зарим бүртгэлд автоматаар хувийн тохиргоо үүссэн байдаг.
18 наснаас доош: 18-аас доош насны хэрэглэгчийн бүртгэл автоматаар хувийн тохиргооны горимд шилждэг. Бүртгүүлэгч профайл мэдээллээ шинэчилж болох боловч профайл нь үргэлж хувийн тохиргоотой хэвээр байна. Хэрэв та 18 ба түүнээс дээш настай боловч таны бүртгэл “Хувийн” гэж тэмдэглэгдсэн бол бүртгэлийн тохиргоо хэсэгт өөрийн төрсөн огноог зөв оруулсан эсэхийг нягтална уу.
Засгийн газрын хязгаарлалт: Зарим засгийн газар, соёл уламжлал нь вэбсайтын цуглуулах эсвэл хуваалцах хувийн мэдээллийн хэр хэмжээнд хязгаар тавьсан байдаг. Таны бүртгэл “Хувийн” гэж тэмдэглэгдсэн нь алдаатай санагдвал FamilySearch-ийн тохиргоо хэсэг рүү орж танай улс орон, бүс нутгийн мэдээлэл зөв сонгогдсон эсэхийг нягтална уу.