Гэр бүлийн модонд хүүхдийг хэрхэн нэмэх вэ?

Гэр бүлийн модонд хүүхэд нэмэх хамгийн хялбар аргуудын нэг бол тэднийг модонд байгаа эцэг эхтэй нь холбох явдал юм.

Алхмууд (вэбсайт)

1. FamilySearch-д нэвтэрч ороод, Гэр бүлийн мод дээр дар.
2. Эцэг эхийн хэн нэгийнх нь Хувь хүн хуудас руу орно.
3. Хэрэв та хуудасны дээд хэсэгт Үндсэн мэдээлэл олж харахгүй байвал Дэлгэрэнгүй дээр дар.
4. Хуудасны доод хэсэгт байрлах Гэр бүлийн гишүүд гэсэн хэсэгт оч.
5. Эхнэр/нөхөр ба хүүхдүүд гэсний доод талд байгаа Хүүхэд нэмэх дээр дар. (Хэрэв Хүүхэд нэмэх хэсэг байхгүй байвал хосын мэдээллийн цонхны доор байгаа Хүүхдүүд хэсгийн өмнөх доош заасан сум дээр дараарай.)
   
   • Тухайн хүүхдийн эцэг эхийн аль нэг нь мэдэгдэхгүй байвал Эцэг эсвэл Эх нь тодорхойгүй хүүхэд нэмэх дээр дар. Тэгээд энэ талаарх дэлгэрэнгүй мэдээллийг тэмдэглэлд эсвэл тухайн хүний Амьдралын зураглалд нэмж оруул.
6. Хүүхдийн мэдээллийг оруулаад, Дараах дээр дарна. (Хүүхдийн дугаарыг мэддэг бол ID дугаар дээр дар.)
7. Хайлтын илэрцийг дахин хар. Зөв хүүхдээ олсон бол Хувь хүнийг нэмэх дээр дар.
8. Харин хайлтын илэрцэд уг хүн байхгүй бол Шинээр үүсгэх дээр дарна.

Алхмууд (гар утасны аппликэйшн)

1. Гэр бүлийн мод гар утасны апп дээр эцэг эхийн хэн нэгийнх нь Хувь хүн хуудас руу орно.
2. Эхнэр/нөхөр таб дээр товш.
3. Хэрэв та нэгээс илүү хос олж харвал зохих хосын нэрний хажууд байрлах доош заасан сум дээр товш.
   
   • Одоогоор гар утасны аппликэйшнд эхнэр/нөхөргүй эцэг эхэд хүүхэд нэмэх сонголт байхгүй. Энэ сонголтыг хийх хэрэгтэй бол вэбсайт руу орно уу.
4. Хүүхэд нэмэх дээр товш.
5. Уг хүүхдийн мэдээллийг оруулаад, Үргэлжлүүлэх дээр товш. (Та тухайн хүүхдийн хувийн дугаарыг нь мэддэг бол ID дугаараар нэмэх эсвэл ID дугаараар олох дээр товш.)
6. Уг хүн амьд эсвэл нас барсан эсэхийг тэмдэглээд, Үргэлжлүүлэх дээр товш.
7. Хайлтын илэрцийг нягтал. Зөв хүүхдийг олсон бол Тохирч байгааг нэмэх дээр товш.
8. Хэрэв та хайлтын илэрцэд уг хүнийг олж харахгүй байвал Тохирсонгүй гэснийг товш. 
9. Оруулсан мэдээллээ шалгаад, Нэмэх эсвэл Энэ хүнийг нэмэх дээр товш.

Алхмууд (Family Tree Lite)

1. Family Tree Lite руу нэвтэрч ороод, эцэг эхийн хэн нэгийнх нь Хувь хүн хуудас руу оч.
2. Гэр бүлийг үзэх дээр дар.
3. Эхнэр/нөхөр ба хүүхдүүд гэдгийн доод талд, зохих эхнэр/нөхрийн доод хэсэгт байгаа Хүүхэд нэмэх дээр дар.
   
   • Family Tree Lite дээр эцэг эхгүй ах дүүсийг нэмэх сонголт байхгүй. Энэ сонголтыг хийх хэрэгтэй бол үндсэн вэбсайт руу орно уу.
4. Хүүхдийн мэдээллийг оруулаад, Дараах дээр дарна. (Хүүхдийн дугаарыг мэддэг бол ID дугаараар олох дээр дар.)
5. Хайлтын илэрцийг дахин хар. Зөв хүүхдээ олсон бол Хувь хүнийг нэмэх дээр дар.
6. Харин хайлтын илэрцэд уг хүн байхгүй бол Хувь хүнийг үүсгэх дээр дарна.

Зөвлөгөө

Хоёр болон түүнээс дээш ихэр хүүхдүүд

• Хүүхэд бүрийг тус тусад нь хувь хүн гэж тооцон нэмж оруул.  
• Нэр дээр нь “ихэр” гэж бичихгүй. Харин үүнийг хүн тус бүрийн Бусад мэдээлэл, Амьдралын зураглал эсвэл Хувь хүн хуудасны Тэмдэглэл хэсэгт дурдаж болно.
• Хүүхдүүдийг тодорхой дарааллаар оруулсан ч дараалал алдагдсан харагдах нь бий. Хэрэв хоёр хүн ижил төрсөн огноотой бол систем тэднийг үсгийн дарааллаар жагсаадаг бөгөөд та энэ дарааллыг өөрчлөх боломжгүй.  
• Хэрэв ихэр хүүхдүүд нэр авч амжилгүй нас барсан бол тэдний зөвхөн овог, төрсөн болон нас барсан огноог оруулна. Хожим тэдний бүртгэлийг давхардсан бүртгэл гэж үзэн нэгтгэхээс зайлсхийхийн тулд та дараах алхмуудыг дага.
  
  • Хүүхэд тус бүрийн Амьдралын зураглалд уг нөхцөл байдлыг тайлбарласан мэдээлэл оруул.
  • Хүүхэд бүрд тэмдэглэл үүсгэж, уг нөхцөл байдлыг тайлбарлан бич.
  • Давхардсан бүртгэл байгаа эсэхийг шалгаад, ихрүүдийг Нэг хүн биш гэж тэмдэглэн, учир шалтгааныг тодорхой бич.  

Гэрлээгүй эцэг эхийн хүүхэд

• Гэрлээгүй эцэг эхийн хүүхдүүдийг төрсөн эцэг эхтэй нь тус бүрчлэн эсвэл эцэг эхийг нь гэр бүлийн хос гэж үзэн холбож болно.
• Уг хосын гэрлэлтийн мэдээллийг нэмж болохгүй. Холбогдох мэдээллийг тэмдэглэл эсвэл Амьдралын зураглалд оруулна уу.
• Одоогийн байдлаар Гэр бүлийн модонд: үрчлэн авсан, төрсөн, асран хамгаалагч, асран хүмүүжүүлэгч, хойд гэсэн таван төрлийн эцэг эх, хүүхдийн холбоо хамаарал байгаа. Гэхдээ энэ систем тэдний холбоо хамаарал бүрийг төрсөн гэж тооцох тохиргоотой. Тиймээс хэд хэдэн эцэг эхтэй тохиолдолд холбоо хамаарал бүрийг тодорхой тэмдэглэх хэрэгтэй.

Холбоотой нийтлэлүүд

Гэр бүлийн модонд эцэг эхийг хэрхэн нэмэх вэ?
Төрсөн, хойд, үрчлэн авсан, асран хүмүүжүүлэгч гэсэн холбоо хамаарлыг Гэр бүлийн модон дээр хэрхэн онцлох вэ?
Гэр бүлийн модон дээр устгасан холбоо хамаарлыг хэрхэн сэргээх вэ?