Заримдаа хэрэглэгч холбоо хамаарлыг харахаар оролдох үед холбоо хамаарлыг харуулах үйлдэл “Хамааралгүй” эсвэл “Холбоо хамаарал олдсонгүй” гэсэн үр дүнг харуулдаг. Эндээс үүний зарим шалтгааныг болон засах аргуудыг харна уу. Үүнд:
Зөвшөөрөл олгох шаардлагатай
Хэрэглэгчид хоорондоо зурвасаар холбогдох үедээ өөрсдийн хоорондын холбоо хамаарлыг харах боломжтой байдаг. Хоорондын холбоо хамаарлаа харахын тулд хоёр хэрэглэгч холбоо хамаарал харуулах үйлдлийг хоёулаа идэвхжүүлэх хэрэгтэй. Тохиргоо руугаа ороод, Холбоо хамаарал харуулах үйлдлийг идэвхжүүлэхийг асаана. Энэ тохиргоо нь танд та бусад хэрэглэгчтэй мөн бусад хэрэглэгч тантай хэрхэн холбоо хамааралтайг мөн өөр хоорондын өвөг дээдсийг харах боломжийг олгодог. Энэ зөвшөөрөл нь та болон танай Гэр бүлийн модонд байх хүмүүсийн хоорондын холбоо хамаарлыг харахад нөлөө үзүүлэхгүй.
Таны гэр бүлийн модонд илүү их мэдээлэл хэрэгтэй байна
Та модондоо гэр бүлийнхнийхээ мэдээллийг хараахан оруулаагүй тохиолдолд бид ямар ч хамаатан садан олох боломжгүй юм. Та мэдээллээ оруулж эхлэх хэрэгтэй бөгөөд ингэснээр Гэр бүлийн мод таны талаар гаргаж ирэх мэдээлэлтэй болох юм.
Хэрэв та гэр бүлийн модонд мэдээллээ оруулж эхэлсэн бол бид таны бусадтай холбогдох холбоо хамаарлыг хайж олж болохын тулд та өөрийн гэр бүлийн зарим нэг үеийн мэдээллийг нэмж оруулах шаардлагатай байж болох юм. Гэр бүлийнхээ аль нэг талын хэд хэдэн үеийн (эцэг/эхийнхээ аль нэг талын өвөг дээдсийн) мэдээллийг нэмж оруулаад үзээрэй. Энэ нь боломжит гэр бүлийн холбоо хамаарлыг харуулах болно.
Хангалттай мод алга уу?
Дэлхий дээр таны оршин суудаг тодорхой бүсээс гэр бүлийн мод хангалттай үүсгээгүй байж болно. Энэ нь Гэр бүлийн модонд холбоо хамаарал олоход бэрхшээл учруулдаг. Та өөрийн мэдээлэл дээр ажиллаж байх үедээ өөртэйгээ ойролцоо гарал үүсэлтэй хүмүүсийг Гэр бүлийн модонд мэдээллээ оруулахад урамшуулснаар энэ ажилд тусалж чадна.
Та нарын хоорондын өвөг дээдэс 15 үе дотор олдохгүй
Холбоо хамаарал олох үйлдэл нь өвөг дээдэс болон үр удмын 15 хүртэлх үе дундаас хайдаг. Та нарын хоорондын өвөг дээдэс 15 үеэс дээш байж болох магадлалтай.
Холбоотой нийтлэл
Би Гэр бүлийн модонд байгаа хүнтэй ямар холбоо хамааралтайгаа хэрхэн харах вэ?
Холбоо хамаарлаа харах: Бусад хэрэглэгчтэй ямар холбоо хамааралтайгаа харах сонголтыг хэрхэн идэвхжүүлж эсвэл цуцлах вэ?
Би Дурсамж аппликэйшнд байгаа хүнтэй ямар холбоо хамааралтайгаа хэрхэн харах вэ?