Тохирлыг олох нь үргэлж амархан байдаггүй. Бүртгэл нь өвөг дээдэстэй чинь таарч байна уу, үгүй юу гэдгийг шийдэхэд туслах мэргэжлийн хүмүүсийн удирдамжийг доор өгөв:
- “Чухал огноонууд, газрууд, хамаарлууд нь Гэр бүлийн модон дээрхтэй хэр их таарч байна вэ?” гэж өөрөөсөө асуу.
- “Уг бүртгэл ба Гэр бүлийн модон дээрх мэдээлэл нь нэг хүнийг ярьж байна гэдгийг нотлох хангалттай мэдээлэл байна уу?” гэж өөрөөсөө асуу. Жишээлбэл зарим хүүхэд адислах бүртгэл дээр эхийн эсвэл эцгийн нэрийг бичсэн байдаг ч нас, төрсөн өдөр зэрэг чухал мэдээлэл байхгүй байдаг. Нэр хэдийгээр чухал ч, ганц нэр дээр тулгуурлан эх сурвалж нь Гэр бүлийн модон дээр байгаа хүний тухай байна гэж дүгнэх нь өрөөсгөл юм.
- “Илэрхий алдаа байна уу?” гэж өөрөөсөө асуу. Жишээ нь, бүртгэл дээрх ихэнх мэдээлэл Гэр бүлийн модон дээрх мэдээлэлтэй таарч байгаа боловч төрсөн жил нь 15 жилээр зөрж байна гэж бодъё. Ийм тохиолдолд уг бүртгэл нь үеэлийнх нь байж болно.
- “Энэ бүртгэл хэр найдвартай вэ?” гэж өөрөөсөө асуу. Ерөнхийдөө үйл явдалтай хамгийн ойр бичигдсэн бүртгэл л хамгийн найдвартай байдаг. Жишээ нь, төрсний талаарх мэдээллийг төрсний бүртгэл дээрээс харах нь төрсөн өдрийг мөн агуулдаг нас барсны бүртгэл дээрээс харснаас дээр байдаг.
Эцэст нь, зарим төрлийн бүртгэлүүд нь бусдаас илүү алдаатай байдаг. Жишээ нь, хүн амын тооллого хийж байгаа хүн нэрс бүртгэж авахдаа яаж бичдэгийг асуулгүйгээр бичсэн байж болно. Тухайн хүний насыг тааварласан байж болно.
Үүний хажууд төрсний гэрчилгээнд бичигдсэн мэдээлэл найдвартай байна.