O le taina sa‘o o igoa Saina i le Gafa o le Aiga e tāua e faamautinoa ai o loo sa’o le faaalia, sailia, ma le lolomiina o igoa.
Faaaoga fautuaga nei e ta ai i totonu igoa Saina i le Gafa o le Aiga.
I le vaega o Mea Taua po o le vaaiga o le uluai tuaa, ta i totonu le igoa autu po o le igoa e fiafia i ai
E mafai ona e taina i totonu igoa i luga o le itulau a le tagata pe mai le faasologa o le gafa o le uluai tuaa.
- I luga o le itulau a le tagata, alu i Mea Taua. I autafa o le igoa, kiliki le aikona Faasa’o
. Toe kiliki le Faasa‘o , ona fai lea o suiga ma kiliki le Sefe. - I luga o le vaaiga o le Uluai Tuaa, kiliki i le igoao le tagata. E oso mai se lisi autu o faamatalaga auiliili i le itu taumatau. I lalo o le vaega o Mea Moni, kiliki i le Faaopoopo le Mea Moni. Kiliki i le Isi Igoa, Igoa o le Au Aiga, po o le Igoa o le Ituaiga.
Pe a e taina i totonu le igoa o se tagata i le avanoa Hanzi, ta i totonu le faaiu ma le igoa na faaigoa ai ina ua fanau mai. Mo tamaitai, ta i totonu le igoa a o lei faaipoipo.
Faaaoga le mamanu o le gagana faa-Saina
O le mamanu o le gagana Saina e 2 seti o avanoa. O le seti e tasi e mo le igoa o le aiga ma le igoa muamua. O se seti e ese mai ai e mo le faa-Hanzi ma le faa-Roma.
E mafai ona maua mamanu o gagana i le lisi autu faasolo i lalo i luga a’e o avanoa o Igoa. Sui mai soo se mea e faaali atu i le faa-Saina.
Ta mataitusi faa-Saina mo le faaiu ma le igoa muamua. E otometi lava ona faaopoopo e le polokalama le sipelaga Faa-Meniterini Pinyin o le igoa i le vaega faa-Roma. Afai e te manao i se sipelaga ese, e mafai ona e suia le sipelaga faa-Meniterini Pinyini i soo se sipelaga e te manaomia.
I le vaega o Isi Faamatalaga, ta i totonu isi igoa.
O le faamaumauina o ituaiga uma o igoa o se tagata e tele ni faamanuiaga:
- E te faasaoina mea moni taua e uiga i le olaga o le tagata.
- E faigofie atu ona maua le tagata i le Gafa o le Aiga. E aofia i le polokalama isi igoa i le sailiga.
- E mafai e tagata sailiili ona maua ma iloa se tagata i faamaumauga faaletalafaasolopito, e tusa lava pe faaaoga e faamaumauga ni lomiga eseese o le igoa o le tagata.
Ituaiga o isi igoa
Afai o loo e faaaogaina le Gafa o le Aiga i le faa-Peretania, o isi ituaiga igoa nei e fa o loo maua:
- E Suafa Foi Ia. O faataitaiga e aofia ai isi igoa na faaaoga e le tagata, e pei o suiga o igoa e fesootai ma se siitia atu i se atunuu fou.
- Igoa i le Fanau Mai. Faaaoga le filifiliga lenei e faamaumau ai le igoa o se tagata na faaaogaina a o lei vaetamaina i se isi au aiga.
- Suafa Faaipoipo. Faaaoga le filifiliga lenei e faamaumau ai le igoa na faaaoga e se tagata ina ua uma le faaipoipoga pe afai na faaaoga e le tagata se igoa ese.
- Igoa Tauvalaau. Faaaoga le filifiliga lenei e faamaumau ai igoa tauvalaau na faaaoga e matua o le tagata po o tagata vavalalata o le aiga.
Afai e te filifilia le mamanu o le gagana Saina, o loo ia te oe foi filifiliga nei:
- Igoa Faaaloalo (字). Faaaoga le filifiliga lenei e faamaumau ai le igoa na tuuina atu i le tagata ina ua taunuu atu i le avea ma tagata matua. O le igoa faaaloalo na faaeeina mai e matua o le tagata po o se faiaoga tumaoti i le aso muamua o le aoga. Ina ua uma le faaipoipoga, sa faaaoga e nisi o tamaitai se igoa faaaloalo e faaaoga nai lo o latou lava igoa. O le taimi lava na tuuina atu ai, na suia ai e le igoa faaaloalo le igoa o le tagata.
- Igoa Faatufugaga (號). Faaaoga le filifiliga lenei e faamaumau ai le igoa faapolofesa o le tagata, igoa ‘alo, po o le igoa faatusitala. O nei igoa sa faaaoga e le au tusiata, fatusolo, ma tusitala aoaoina.
- Igoa Tapu (諱). Faaaoga le filifiliga lenei e faamaumau ai le Igoa Tapu o le tagata. I totonu o le aganuu faa-Saina, e faaaoga ai se igoa sā nai lo se igoa muamua pe a tautala pe tusitusi e uiga i tagata ua faaeaina.
- Suafa Mamalu (諡). O se suafa mamalu lenei sa muai tuuina atu i aiga tautupu ma aloalii. I seneturi talu ai nei, sa maua ai foi e tagata lautele ni suafa faamamaluina. O suafa po o igoa mamalu nei ua toetoe lava a faaaoga uma nai lo isi igoa o le tagata po o faalagiga aloaia na faaaoga e le tagata i le taimi o le olaga.
Tusiga e faatatau i ai
E faapefea ona ou faaopoopoa igoa tauvalaau i le Gafa o le Aiga?
E faapefea ona ou taina i totonu igoa i le Gafa o le Aiga?
E faapefea ona ou taina i totonu se igoa mai se isi gagana i totonu o le Gafa o le Aiga?
E faapefea ona ou taina aso mai tusitusiga masani faa-Saina i le Gafa o le Aiga?
E faapefea ona ou taina i totonu igoa faa-Saina i le Gafa o le Aiga?