E fa'aaoga e Feso'ota'iga o Punavai se ata Fa'atustusa lanu violē e faʻailoa atu ai ia te oʻe o le koluma agavale (le punavai) o loʻo iai faamatalaga e lē o maua i le koluma taumatau (Gafa o le Aiga).
Afai e te filifili e faʻamatala e koluma le tagata lava lea e tasi, e mafai ona e siʻiina le faamatalaga mai le koluma agavale i le koluma taumatau ina ia faʻaali mai i koluma uma e lua. O le mea lenei tatou te ta'ua o le faʻapipiʻiina o le punāvai i le Gafa o le Aiga. Sei o tatou vaʻavaʻai totoʻa i le auala e galueʻina ai.
- Faʻatasi ai ma le tatalaina o Fesoʻotaʻiga o Punaʻoa, kiliki leata Faʻatusatusa lanu violē. Afai e te le o vaaʻia le ata Faatusatusa, o lona uiga ua uma ona faʻapipiʻi le punavai, pe e lē o i ai ni faʻamatalaga fou.
- A uma ona ē kilikiina Faʻatusatusa,o le koluma 2 o Fesoʻotaʻiga o Punaʻoa e faʻalauteleina lea ina ia mafai ona e vaai i faʻamatalaga auiliili o loʻo i luga o le faʻamaumauga (koluma agavale) ma faʻatusatusa i latou ma faʻamatalaga auiliili ua uma ona i ai i le Gafa o le Aiga (koluma taumatau).
- O se faʻamatalaga fou po o se faʻamatalaga e leʻi iloaina muamua o le ā i ai faʻatasi ma se faʻamau faʻaopoopo lanumeamata.
- Ina ia fa'aopoopo le fa'amatalaga auiliili i le Gafa o le Aiga, kiliki le fa'amaufa'aopoopo lanumeamata.
- Mafaufau e tusi i totonu se fa'amalamalamaga i le avanoa o le Mafua'aga. Fai se fa'amatalaga pu'upu'u pe aiseā e te manatu ai o le fa'amaumauga e fetaui lelei mo le tagata o loʻo i le Gafa. O lenei mea o le a fesoasoani ai i isi tagata oloʻo faʻaaogāina e talitonuina lau saofaga.
O le uiga o le faʻailoga Eseʻese lanu violē
I nisi tulaga, o faʻamatalaga auiliili o loʻo i le faʻamaumauga e lē o se mea fou, aʻe ua naʻo na ʻese mai lava i mea e te vaʻaia i le itu o Fesoʻotaʻiga o Punaʻoa i le Gafa o le Aiga. Mo se faʻataʻitaʻiga, o se igoa e mafai ona ese le sipelaga, po o le aso mo se mea tāua na tupu i le olaga e mafai ona ese.
A tupu lenei mea, o le ā e lē vaaia le faʻamau faʻaopoopo lanumeamata. Nai lo lenā, o le faʻamatalaga auiliili o le a ō faʻatasi ma se faʻailoga lanu violē o loʻo i ai le upu Eseʻese i totonu ma se ata laitiiti o le penitala mo le faʻasa'osaʻoina o faʻamatalaga i le Gafa o le Aiga.
- E lē faʻapea e fai mai o le Eseʻesega e lē o lona uiga e manaʻomia ona faia se suiga.
- Afai e te filifili o faʻamatalaga o loʻo i le koluma agavale e sili atu ona sa'o pe atoatoa, kiliki le ata o le penitala, ma fai lau faʻasa'oga.
- O lau faʻasa'oga ua atili ai ona sa'o ma faʻatuatuaina le Gafa mo isi tagata e faʻaaogāina.
