Faʻailoa atu le toʻalua sa'o
A sili atu ma le tasi le toʻalua o se tagata i le Gafa o le Aiga ma e lē o faʻaali mai le toalua sa'o i le koluma taumatau i le Fesoʻotaʻiga o Punāvai, mulimuli i faʻatonuga o loʻo i lalo e sui ai taʻitoʻalua ma faʻaali atu le toʻalua sa'o.
- I le koluma taumatau, saili le toʻalua e lē sa'o.
- I lalo ifo o faamatalaga o le toʻalua e lē saʻo, filifili le Sui le Toalua, ona filifili lea o le toalua sa'o.
- Afai o faʻamatalaga i le itu tauagavale e lē o ōgatasi ma le tagata saʻo o loʻo i le itu taumatau, filifili ma tuʻu atu le faamatalaga i le nofoaga saʻo.
Afai e te lē o vaaia le toʻalua sa'o:
- Toe foʻi i le itulau o le tagata, ma iloilo taʻitoʻalua. Afai lava e te lē o vaai i le toʻalua sa'o, faʻaaogā faʻamaumauga o talafaʻasolopito e suʻe ai faʻamatalaga e uiga i le toalua e lē o iai.
- I le faʻaaogāina o lenei faamatalaga, faʻaopoopo le toʻalua e lē o iai i le Gafa o le Aiga.
- Toe foi i le Fesoʻotaʻiga o Punāvai, ma faʻapipii le punāvai.
Faʻaali atu tamaiti sa'o
O tamaiti o loʻo i le koluma taumatau o le Fesoʻotaʻiga o Punāvai e faʻalagolago i matua o loʻo faʻaali mai. Afai e te lē vaai i fanau e te faʻamoemoe e vaai i ai, atonu o i latou o fanau a se isi toʻalua. Ina ia vaʻavaʻai i nei tamaiti:
- Filifili Sui le Toʻalua, ma filifili le toʻalua o ia lea o le mātua o le fanau e te manao e vaai i ai. Afai e lē o faʻaali mai le toʻalua sa'o o se filifiliga, atonu e manaomia ona ē faʻaopoopoina le toalua i le Gafa o le Aiga.
- Afai o faʻamatalaga i le itu tauagavale e lē o ōgatasi ma le tagata saʻo o loʻo i le itu taumatau, filifili ma tuʻu atu le faamatalaga i le nofoaga saʻo.
Faʻapipiiina o le punāvai
Mo tagata uma taʻitoʻatasi o loʻo i le koluma agavale o ē o loʻo iai ni mea e tutusa i le itu taumatau:
- Filifili le Faʻatusatusa.
- Faʻamaonia le faʻamatalaga.
- Afai e foliga mai e saʻo le faʻamatalaga, fa'amatala pe aiseā ua e faʻapipiiina ai le punāvai i le Mafuaʻaga e faʻapipii ai i le pusa o punāvai.
- Ina ia faʻapipii le faamaumauga i le tagata i le Gafa o le Aiga, filifili le Faʻapipii.
Afai e te iloaina o loʻo fesoʻotai se tamaitiiti i se mātua e lē sa'o, mulimuli i faʻatonuga i le E faʻapefea ona Oʻu fa'asa'oina soʻotaga-a mātua ma le tamaitiiti i le Gafa o le Aiga? A sa'o so'otaga, toe fo'i i le Feso'ota'iga o Punāvai, ma faʻapipii i ai punāvai.
Aisea ua Oʻu vaaʻia faʻailoga o mea sēsē?
O faʻailoga o mea sēsē e mafai ona faʻaali mai mo ni mafuaʻaga se tele: mo se faataitaiga, atonu o le punāvai o loʻo e taumafai e faʻapipii ua uma ona faʻapipii i se isi tagata.
- O se faʻamalamalamaga mo le mea sesē e masani lava ona faʻaali mai i le itu tauagavale o le faʻailoga mea sesē. Afai e leai, fealuaʻi solo i luga o le ata e vaai ai i le faʻamalamalamaga.
Pe a feagai ma ni taʻitoʻalua se toatele, atonu foʻi e te vaaia faʻailoga o mea sesē mo se taimi lē tumau pe afai o loʻo i ai i se faʻamaumauga ni fanau a se i si toʻalua. E lē tatau ona e faia se mea i lea mataupu. O le taimi lava e te toe fesuiaʻi ai i le toʻalua o le mātua o le fanau, o le a mou ese atu faʻailoga o mea sesē.