O le Faila o Alagaoa mo le Fa'asologa o Gafa (PRF) o se fa'aputuga o gafa ua auina atu e le tagata fa'aaoga na si'i maia i le FamilySearch o faila GEDCOM. E mafai ona e sailia uma lenei fa'amatalaga ma sa'ofaga i ai. E te le mafai ona fa'asa'oina faila PRF. E mafai ona e tape'eseina se faila na e auina atu.
Sailiiliina o le Faila o Alagaoa mo le Fa'asologa o Gafa
E mafai e tagata fa'aaoga uma FamilySearch.org ona saili ma vaai i fa'amatalaga i le Faila o alagaoa mo le Fa'asologa o Gafa.
E pei fo'i o le Gafa o le Aiga, o le Faila o alagaoa o le Fa'asologa o Gafa o lo'o aofia ai fa'amatalaga o talafa'asolopito o aiga. E feso'ota'i tagata i aiga ma gafa. E mafai ona e maua igoa, so'otaga fa'aleaiga, ma fa'amatalaga e uiga i mea e tutupu i le olaga. O le faila o lo'o aofia ai fa'amaumauga uma, fa'amatalaga, ma mafuaga mai uluai tusiga na 'auina atu. E le o maua fa'amatalaga e uiga i tagata soifua.
Ia nofouta e le o fa'asa'oina e le FamilySearch so'o se fa'amaumauga i le Faila o Alagaoa mo Gafa. O le sa'o e eseese lava mai lea laau i lea laau, ma o tagata e fa'aaogaina e tatau ona fa'ama'onia le fa'amatalaga a o le'i fa'aaogaina.
Utaina o se faila GEDCOM i le Faila o Alagaoa o le Fa'asologa o Gafa
Afai e te tausia le talafa'asolopito o lou aiga i se utuofa'amatalaga e ese mai, e mafai ona e auina atu se kopi o au fa'amaumauga i le Faila o Alagaoa mo le Gafa. E tele ni fa'amanuiaga mo oe:
- Ua fa'asa'oina lau faila e leai se totogi.
- O lo'o maua fa'amatalaga i lau faila mo isi tagata fa'aaoga o le FamilySearch e saili ma vaai i ai.
- E te fa'atumauina le pulea o lau faila. E ui e mafai e isi tagata fa'aaoga ona vaai i fa'amatalaga, ae e le mafai ona latou suia. E mafai fo'i ona e tape'eseina lau faila i so'o se taimi pe suia se faila e matua atu i se faila e sili atu ona fou pe a mana'omia. E mafai ona e utaina i totonu le sili atu ma le tasi.
- E mafai ona e fa'atusatusaina ia fa'amatalaga i lau faila i le Gafa o le Aiga. Ona mafai lea ona e kopi'ina fa'amatalaga mai lau faila GEDCOM i le Gafa o le Aiga.
Lomiga muamua o le Faila o Alagaoa mo Gafa
Ua maua le Faila o Alagaoa o le Fa'asologa o Gafa i le tele o lomiga. I le amataga, sa lolomiina i se tisiketi maopoopo. Talu mai lena taimi ua lomia i lomiga eseese o le uepisaite FamilySearch.org uepisaite.
Afai na e auina atu i lomiga muamua, ia e nofouta i mea nei:
- O faila na e auina atu i se lomiga na muamua atu atonu e le sa'o ona fa'atatauina i lau account o lo'o i ai nei a le FamilySearch. E ui atonu e mafai ona e maua ma maimoa i le faila, ae o le a le maua i lau lisi e tape, sui, pe fa'atusatusa i le Gafa o le Aiga.
- O le tusiga o le auina atu o ID mai lomiga ua mavae e le mafai ona tutusa ma le auina atu i le taimi nei o le ID.
Mo nisi fa'amatalaga e uiga i le PRFs, tagai i le Faila o Alagaoa mo le Fa'asologa o Gafa i le Su'esu'ega i le Wiki.
Tusitusiga feso‘ota'i
E fa'apefea ona ou utaina i luga la'u faila GEDCOM?
E fa'apefea ona ou kopiina fa'amatalaga mai la'u faila GEDCOM i le Gafa o le Aiga?
E fa'apefea ona ou su'eina le Faila o Alagaoa o le Fa'asologa o Gafa ma isi gafa?