Afai e tele ni ou manatuaga i le polokalama feaveai o le FamilySearch Memories, e mafai ona tele naua le avanoa e alu ai le polokalama i lau masini. E mafai ona e teuina ni ata pe sii le polokalama i se kata SD e foia ai le faafitauli o le teuina.
Ata o loo teuina
Afai ua e faasaoina le tele o mea e manatua, matou te fautuaina e te teuina pe a uma ona e faapipiiina i tagata i le Gafa o le Aiga.
Faamaumau mai le uepisaite a le FamilySearch.org, ae le o le polokalama feaveai o le Memories.
A e teuina ia manatuaga mai le uepisaite, e mafai ona e siiina mai i se taimi mulimuli ane mai le faila o le Archive i le polokalama feaveai.
Sii le polokalama i se kata SD
E mafai foi ona e siitia le polokalama i se kata SD pe afai e lagolagoina e lau masini. Afai e te aveesea le polokalama, ia nofouta i faafitauli nei:
- E le mafai ona e faapipiiina sao le polokalama feaveai i luga o se kata SD. Muamua, faapipii i lau masini. Ona sii lea i le kata SD.
- E le mafai ona e faafouina le polokalama mai se kata SD. Nai lo lena, tapeese le polokalama mai lau kata SD, toe faapipii i lau masini, ona toe sii lea i lau kata SD. O le tele o a matou faafouga o loo i ai ni faafitauli laiti e faaleleia, o lea sei vagana ua i ai ni ou faafitauli, e mafai ona e alu mo ni nai masina e aunoa ma se faafouga. Matou te fautuaina e te faafouina le polokalama i le tai 6 masina. Faafou vave pe a e manaomia ni faafitauli patino e faaleleia po o ni vaega fou.
Mo faatonuga i le auala e aveese ai polokalama i lau kata SD, tagai i le fesoasoani mo lau masini. E tele uepisaite o loo tuuina mai ai foi faatonuga auiliili po o vitio i le faagasologa.