Kung minsan kapag sinubukan ng isang user na tingnan ang mga relasyon, sinasabi ng relationship viewer na “Walang Relasyon” o “Walang Nakitang Relasyon.” Narito ang ilang dahilan kung bakit nangyayari ito at ang mga potensyal na solusyon:
Kailangang i-enable ang mga pahintulot
Kapag ang mga user ay kumokonekta sa pamamagitan ng messaging, makikita nila ang kanilang ugnayan sa isa’t isa. Para makita ang relasyon, kailangang paganahin ng dalawang user ang relationship viewing. Pumunta sa iyong Settings at i-turn on ang Enable Relationship Viewing. Pinapayagan nito na makita mo at ng ibang user ang ugnayan nila sa iyo, at gayun din ang sinumang kaparehong mga ninuno ninyo. Ang pahintulot na ito ay hindi nakakaapekto sa relationship viewing sa pagitan mo at ng mga tao sa iyong family tree.
Kailangan ng iyong family tree ng mas maraming data
Kung hindi mo pa naidagdag ang pamilya mo sa tree, hindi namin mahahanap ang sinumang kamag-anak mo. Kakailanganin mo munang magsimulang gumawa ng tree upang magkaroon ang Family Tree ng impormasyon tungkol sa iyo na magagamit sa paghahanap.
Kung mayroon kang nasimulang family tree, maaaring kailangan mo lang magdagdag ng ilang henerasyon para mahanap namin ang iyong relasyon sa ibang tao. Tingnan kung maaari mong makuha ang ilang henerasyon ng isa sa iyong family line (ang mga ninuno ng isa sa mga magulang mo). Ito ay magbubukas ng maraming posibilidad na mahanap ang kaugnayan mo sa ibag mga user.
Walang sapat na tree
Maaaring walang sapat na mga family tree ang naisumite mula sa inyong lugar. Dahil dito, mahihirapan ang Family Tree na makahanap ng koneksyon. Makatutulong ka sa pamamagitan ng paghikayat sa ibang tao na may kapareho mo ng pinagmulan na ipasok ang kanilang impormasyon sa Family Tree habang patuloy mong binubuo ang iyong family tree.
Ang karaniwang ninuno ninyo ay wala sa loob ng 15 henerasyon
Ang relationship viewer ay naghahanap sa hanggang 15 henerasyon ng mga ninuno at hanggang 15 henerasyon ng kanilang mga inapo. Maaaring mayroon kayong isang karaniwang ninuno na lampas ng 15 henerasyon.
Mga kaugnay na artikulo
Paano ko makikita ang aking kaugnayan sa isang tao sa Family Tree?
Tingnan ang Kaugnayan: Paano ko magagawang i-on o i-off ang opsiyon na tingnan ang aking kaugnayan sa ibang mga user?
Paano ko titingnan ang aking kaugnayan sa isang tao sa Memories?