ʻOku fakaʻaongaʻi ʻe he Source Linker ha fakaʻilonga Fakafehoanaki lanu vāleti ke fakahā atu ʻoku maʻu ʻe he kōlomu toʻohemá (ʻa e maʻuʻanga fakamatalá) ʻa e fakamatala ʻoku pulia ʻi he kōlomu toʻomataʻú (Fuʻu ʻAkau Fakafāmilí).
Kapau te ke pehē ʻoku fakamatalaʻi ʻe he ongo kōlomú ʻa e tokotaha tatau pē, te ke lava ʻo ʻunuakiʻi ʻa e fakamatalá mei he kōlomu toʻohemá ki he kōlomu toʻomataʻú ke ʻasi ʻi he ongo kōlomú fakatouʻosi. Ko e meʻa ʻeni ʻoku mau ui ko hono fakapipiki e maʻuʻanga fakamatalá ki he Fuʻu ʻAkau Fakafāmilí. Tau toe vakai ofi ange ki he founga ʻoku ngāue aí.
- ʻI hono fakaava ʻo e Source Linker, lomiʻi ʻi he fakaʻilonga lanu vāleti Fakafehoanakí. Kapau ʻoku ʻikai ke ke sio ki he fakaʻilonga Fakafehoanakí, kuo ʻosi fakapipiki e maʻuʻanga fakamatalá, pe ʻoku ʻikai ke ʻi ai ha fakamatala foʻou.
- Hili hoʻo lomiʻi ʻi he Fakafehoanakí, ʻoku fakalahi ʻa e ngaahi kōlomu ʻe 2 ʻo e Source Linker koeʻuhí ke ke lava ʻo sio ki he fakaikiiki ʻi he lekōtí (kōlomu toʻohemá) pea fakafehoanaki kinautolu mo e ngaahi fakaikiiki kuo ʻosi ʻasi ʻi he Fuʻu ʻAkau Fakafāmilí (kōlomu toʻomataʻú).
- ʻE ʻoatu fakataha ha fakaikiiki foʻou pe ʻikai ʻiloʻi kimuʻa mo ha meʻa lomi lanu mata.
- Ke tānaki atu ʻa e fakaikiikí ki he Fuʻu ʻAkau Fakafāmilí, lomiʻi ʻi he fakaʻilonga tānakilanu matá.
- Fakakaukau ke fakahū ha fakamatala ʻi he konga ki he ʻUhingá. Fakamatalaʻi nounou ʻa e ʻuhinga ʻokú ke pehē ai ʻoku falalaʻanga ʻa e lekōtí ki he tokotaha ʻi he Fuʻu ʻAkaú. ʻE tokoni ʻeni ki he niʻihi kehe ʻoku nau fakaʻaongaʻí ke nau falala ki hoʻo tokoní.
Ko e meʻa ʻoku ʻuhinga ki ai ʻa e fakaʻilonga Faikehekehe lanu vāletí
ʻI he ngaahi meʻa ʻe niʻihi, ʻoku ʻikai ko ha meʻa foʻou ʻa e fakaikiiki ʻi he lekōtí, ka ʻoku kehe pē ia mei he meʻa ʻokú ke sio ki ai ʻi he tafaʻaki ʻo e Source Linker ʻi he Fuʻu ʻAkau Fakafāmilí. Hangē ko ʻení, ʻe lava ke kehe ʻa e sipela ʻo ha hingoa, pe ʻe kehe ʻa e ʻaho ki ha meʻa mahuʻinga ʻi he moʻuí.
ʻI he taimi ʻe hoko ai ʻení, he ʻikai te ke sio ki he meʻa lomi tānaki lanu matá. Ka, ʻe ʻoatu fakataha ʻa e fakaikiikí mo ha fakaʻilonga lanu vāleti mo e foʻi lea ko e Faikehekehe ʻi loto ai mo ha kiʻi fakaʻilonga peni vahevahe ki hono fakatonutonu ʻo e fakamatala ʻi he Fuʻu ʻAkau Fakafāmilí.
- ʻOku ʻikai ʻuhinga ʻa e Kehé ia ʻoku fiemaʻu ke fai ha liliu.
- Kapau te ke pehē ʻoku tonu pe kakato ange ʻa e fakamatala ʻi he kōlomu toʻohemá, lomiʻi ʻi he fakaʻilonga peni vahevahé, pea fai hoʻo fakatonutonú.
- ʻOku hanga ʻe hoʻo fakatonutonú ʻo ʻai ke tonu mo falalaʻanga ange ʻa e Fuʻu ʻAkaú ki he niʻihi kehe ʻoku nau fakaʻaongaʻí.
