ʻI he taimi ʻoku ʻiloʻi ai ʻe he Fuʻu ʻAkau Fakafāmilí ha palopalema ʻi he fakamatala taʻe-ʻamanekina pe ʻikai angamaheni ʻo e ngaahi fakamatalá, ʻe ʻasi leva ʻi he polokalamá ha fakatokanga ki ha palopalema ʻi he fakamatalá (
). ʻOku kau ʻi he sīpinga ʻo e ngaahi palopalema ʻi he fakamatalá ha fānau ʻoku muʻomuʻa hono ʻaho fāʻeleʻí ʻi he ʻaho fāʻeleʻi ʻo ha mātuʻa pe ko ha taha naʻe moʻui ʻi ha taʻu ʻe 120 tupu.
Kapau ʻoku nau tonu, ʻe lava ke fakataʻeʻaongaʻi ha ngaahi palopalema ʻi he fakamatalá. ʻOku toki mole pē e ngaahi palopalema kehe ʻi he fakamatalá hili hono fakatonutonu e fakamatala ʻoku makatuʻunga mei ai ʻa e palopalemá.
Ngaahi Sitepú (uepisaití)
- ʻI he menu ʻi ʻolungá, lomiʻi ʻi he Fuʻu ʻAkau Fakafāmilí, pea lomiʻi leva ʻi he Fuʻu ʻAkaú.
- Kumi ʻa e tokotaha ʻoku palopalema hono fakamatalá.
- Lomiʻi e hingoa ʻo e tokotahá. ʻI he ngaahi fakaikiiki ʻoku ʻasi haké, toe lomiʻi ʻi he hingoa ʻo e tokotahá.
- Lomiʻi ʻa e meʻalomi Ngaahi Fakaikiikí.
- Kumi e konga ki he Ngaahi Tokoni ki he Fekumí ʻi he toʻomataʻú.
- Lomiʻi ʻi he palopalema ʻi he fakamatala ʻokú ke loto ke puliá. Kapau ʻe lava ke fakataʻeʻaongaʻi ʻa e palopalema ʻi he fakamatalá, ʻoku ʻi ai ha fakafehokotakiʻanga Fakataʻeʻaongaʻi ʻi ai.
- Lomiʻi ʻi he Fakataʻeʻaongaʻí.
- Fakahū ha fakamatala ki he ʻuhingá.
- Lomiʻi ʻi he Fakataʻeʻaongaʻí.
Ngaahi Sitepú (polokalama telefoni toʻotoʻó)
ʻOku ʻikai ʻasi ʻi he polokalama telefoni toʻotoʻo ʻo e Fuʻu ʻAkau Fakafāmilí e ngaahi palopalema ʻi he fakamatalá. ʻAʻahi ki he uepisaití ki he ngāue ko ʻení.
Ngaahi sitepú (Fuʻu ʻAkau Fakafāmili Laití)
ʻOku ʻikai fakaʻasi e ngaahi palopalema ʻi he fakamatalá ʻi he Fuʻu ʻAkau Fakafāmili Laití. ʻAʻahi ki he uepisaiti kakató ki he ngāue ko ʻení.
Ngaahi fakamatala fekauʻakí
Te u fakaleleiʻi fēfē nai ha palopalema ʻi he fakamatala ʻi he Fuʻu ʻAkau Fakafāmilí?
Ko e hā ʻa e ngaahi palopalema kotoa ʻe ala hoko ʻi he fakamatala ʻi he Fuʻu ʻAkau Fakafāmilí?