Ko e angamahení, ‘oku muimui ʻa e hala lanu engeenga ʻoku ʻasi ʻi he vakai ki he ʻUluaki Kuí ʻi he hohoko ʻi he tafaʻaki ʻo e tamaí mei he ʻuluaki kui ʻi ʻolungá ki he tokotaha ʻoku fakatefito mei aí, ʻi laló. Te ke lava ʻo fakatonutonu ʻa e halanga ʻo e haʻá ʻo ka fie maʻu ke fakahaaʻi ʻa e ngaahi pusiakí pe ngaahi tūkunga kehe ʻa ia ʻoku ʻikai tonu ai ʻa e halanga haʻá.
Kapau ʻoku ʻikai tonu ʻa e halanga haʻá, muimui ʻi he founga angamaheni ko ʻení ke fakatonutonu ia.
- Tānaki atu ʻa e ongomātuʻa ʻoku totonu ke nau ʻi he halanga haʻá ki he Fuʻu ʻAkau Fakafāmilí.
- Fili ʻa e ongomātuʻa ʻoku totonu ke na ʻi he halanga haʻá ko e ongomātuʻa ia ʻoku fie maʻú.
- Tānaki atu ʻa e ʻuluaki kuí ki he tokotaha ʻoku totonu ke ʻi he haʻá.
- Foki ki he tokotaha totonu ne fakatefito mei aí.
Kiʻi Tokoni: Kimuʻa peá ke foua ʻa e ngaahi sitepu ko ʻení, toe vakaiʻi tuʻo ua ʻokú ke kau ʻi he haʻa ʻo e kui ko ʻení. ʻOku fakapatonu ange ʻa e ngaahi lao ki he halanga haʻá ʻi he ngaahi vā fetuʻutaki fakatohihohoko kehé, pea neongo kapau ʻoku mou kāinga, kae mahalo he ʻikai pē ke nau fehokotaki.
(Fili pē) Hiki ha tatau ʻo e fika ID ʻo e ʻuluaki kuí.
ʻE faingofua ange ʻa e konga ko ʻeni ʻo e fakatonutonú ʻi hono hiki ha tatau ʻo e fika ID ʻo e ʻuluaki kuí:
- ʻI he tohi hohoko ʻa e ʻUluaki Kuí, fakaʻaliʻali ʻa e ʻuluaki kuí.
- ʻI he taila ʻa e ʻuluaki kuí, lomiʻi ʻi he fika ID, ʻa ia ʻoku ʻasi ʻi lalo ʻi he hingoá mo e taʻú.
Sitepu 1. Tānaki atu e ongomātuʻá ki he Fuʻu ʻAkau Fakafāmilí.
Fakapapauʻi ʻoku ʻi he Fuʻu ʻAkau Fakafāmilí ʻa e ongomātuʻa ʻoku totonu ke na ʻi he halanga haʻá. Kapau naʻe ohi ha taha ki ha haʻa kehe, te ke lava ʻo tānaki atu ʻa e ongomātuʻa totonú mo e ongomātuʻa ohí fakatouʻosi.
- ʻI he tohi hohoko ʻo e ʻUluaki Kuí, lomiʻi ʻi he taila ʻo e tokotaha ʻoku totonu ke ʻi he halanga haʻá.
- ʻI he pēnolo he tafaʻakí, lomiʻi ʻi he Vakai ki he Tokotahá.
- ʻI he peesi ʻo e tokotahá, ʻalu hifo ki lalo ki he Kau Mēmipa ʻo e Fāmilí.
- Kapau ʻoku ʻikai ʻasi atu ʻa e ongomātuʻa totonú, lomiʻi ʻi he Tānaki ha Mātuʻa, pea tānaki kinaua.
Sitepu 2. Fili ʻa e ongomātuʻa ʻoku fie maʻú.
ʻOku fakaʻaongaʻi ʻe he Fuʻu ʻAkau Fakafāmilí ʻa e ongomātuʻa ʻoku fie maʻú ke fakaʻaliʻali ʻaki ʻa e halanga haʻá. Kapau ʻoku totonu ke fou ʻa e halanga haʻá ʻi he ongomātuʻa ohí, fili kinaua ko e ongomātuʻa ʻoku fie maʻú:
- ʻI he peesi ʻo e tokotahá, toe foki ki lalo ki he konga ʻo e Kau Mēmipa ʻo e Fāmilí ʻo ka fie maʻu.
- Kumi ʻa e ongomātuʻa ohí ʻa ia ʻoku totonu ke fou ai ʻa e halanga haʻá.
- Lomiʻi ʻi he Fakaʻaongaʻi.
Fakatokangaʻi ange: ʻOku ʻasi e fili ke Fakaʻaongaʻí ʻi he taimi ʻoku fakafehokotaki ai ha taha ki ha ongomātuʻa tokolahi ange. Kapau ʻoku toko ua pē ʻa e ongomātuʻa ʻa e tokotahá, ko kinaua pē ʻa e ongomātuʻa ʻoku angamaheni ke fakaʻaongaʻí.
(Fili pē) Fokotuʻu e faʻahinga ʻo e vā fetuʻutakí.
ʻI he Fuʻu ʻAkau Fakafāmilí, ʻoku fakahaaʻi ʻe he faʻahinga ʻo e vā fetuʻutakí ʻa e founga ʻoku kāinga ai ʻa e mātuʻá mo e fānaú. Ko e angamahení, ʻoku fokotuʻu ʻe he Fuʻu ʻAkau Fakafāmilí ha vā fetuʻutaki mātuʻa-fānau ki he fakaetotó (biological). Te ke lava ʻo liliu ia ki he ohi, pusiaki fakataimi, tauhi fānau, pe ko e mali ua ʻa e mātuʻá (step).
Neongo ʻoku ʻikai fie maʻu ʻa e sitepu ko ʻení, ka ʻoku poupouʻi ia he ʻokú ne fakaʻatā ke fakatolonga mo ʻoatu ai ʻe he Fuʻu ʻAkau Fakafāmilí ha fakamatala ʻoku tonu angé.
- ʻI he konga ki he Kau Mēmipa ʻo e Fāmilí, kumi ʻa e tokotaha ʻi he kōlomu hono uá, ʻa ia ʻoku lisi ko ha fānau ʻoku ʻi ai ʻene ongomātuʻá.
- Lomiʻi ʻi he
. - ʻI he fakamatala ʻa e tamaí, lomiʻi ʻi he Tānaki ha Faʻahinga ʻo e Vā Fetuʻutakí.
- Liliu ʻa e Fakaetotó (Biological) ki he faʻahinga totonú.
- Fakahū ha ʻuhinga ke fakamatalaʻi e ʻuhinga ʻoku tonu ai e fakamatalá.
- Lomiʻi ʻi he Save.
- Toe fai ʻa e meʻa tatau ko ʻení ki he uaifí.
Sitepu 3. Tānaki atu e ʻuluaki kuí.
Tānaki atu ʻa e ʻuluaki kuí ki he tokotaha ʻoku ngata ai ʻa e halanga haʻá.
- ʻI he peesi ʻo e tokotahá, ʻalu ki ʻolunga, pea lomiʻi leva ʻi he Vakai ki he Fuʻu ʻAkaú. ʻOku toe fakafoki koe ki he tohi hohoko ʻa e ʻuluaki kuí.
- Kapau ʻoku ʻikai hoko e tokotaha ʻoku totonu ke ʻi he haʻá ko e tokotaha ia ke fakatefito mei aí, fakafoki ia ki he tuʻunga ko iá:
- Lomiʻi ʻi he taila ʻo e tokotaha ʻoku totonu ke ʻi he haʻá.
- ʻI he pēnolo he tafaʻakí, lomiʻi ʻi he Vakai ki he Fuʻu ʻAkaú.
- ʻI he puha pōpoakí, lomiʻi ʻi he Tānaki e ʻUluaki Kuí.
- Lomiʻi ʻi he Fakahokohoko fakatatau ki he Fika ID.
- Fakahū ki ai e fika ID ʻo e ʻuluaki kuí.
- Lomiʻi e Hoko Atú.
- Lomiʻi e Tānaki e Meʻa ʻoku Tataú.
- Lomiʻi ʻi he OK.
(Fili pē) Fakamāʻopoʻopo ha faʻahinga palopalema pē ki he fakamatalá ʻi he halanga haʻá.
Mahalo he ʻikai lava ke maʻu ʻe he polokalamá ʻa e halanga haʻá kapau ʻoku ʻi ai ha ngaahi palopalema fakaefakamatala ʻi he laine fakafāmilí. ʻE lava ke hoko e ngaahi palopalema angamaheni hangē ko e kakai ʻoku ʻasi tuʻo uá, kakai ʻoku toe fakaʻilongaʻi pē ko e ngaahi kuí kinautolú (looping), mo e ngaahi fehalaaki ʻi he vā fetuʻutakí ko e tupuʻanga ia ʻo e ngaahi fehalākí. Vakai ki he Ngaahi Fakamatala Fekauʻakí ke ako e foungá.
Sitepu 4. Foki ki hoʻo tokotaha totonu ne fakatefito mei aí.
Te ke lava he taimí ni ʻo foki ki he ʻuluaki tokotaha ne fakatefito mei aí.
- Lomiʻi ʻi he Kimuí Ni Maí.
- Lomiʻi ʻi he hingoa ʻo e tokotahá.
ʻOku totonu ke tonu leva he taimí ni ʻa hono fakaʻaliʻali ʻo e halanga haʻa lanu engeengá.
Ngaahi fakamatala fekauʻakí
Te u tānaki fēfē nai ha ongomātuʻa ko ha mali ua ʻo e tamaí pe faʻeé, ongomātuʻa ohi pe ongomātuʻa fakataimi ki ha fānau ʻi he ʻAkau Fakafāmilí?
ʻE anga fēfē haʻaku fokotuʻu e mali pe mātuʻa ʻoku fie maʻú ʻi he Fu'u ʻAkau Fakafāmilí?
Te u fakapapauʻi fēfē e ngaahi vā fetuʻutaki fakaetotó (biological), fānau ʻa e mali uá pe mali uá, ohi maí, mo tauhi fakataimí (foster) ʻi he ʻAkau Fakafāmilí?
Te u fakaleleiʻi fēfē ha palopalema fakaefakamatala ʻi he ʻAkau Fakafāmilí?