Ko e GEDCOM ko ha fakamatala angamaheni 'oku ne faka'atā e ngaahi fakamatala 'o e hisitōlia fakafāmili ke hiki tatau mei ha polokalama komipiuta 'e taha ki ha polokalama komipiuta kehe.
'Oku 'ikai ké ke lava 'o hiki tatau mei he 'initanetí ha faile GEDCOM mei he Fu'u 'Akau Fakafamilí. Ko e angamahení ''o e GEDCOM 'oku 'ikai ke ne 'omai ha founga ke ne tauhi 'aki ha fakamatala 'uhinga mo ha fa'ahinga fakaikiiki kehekehe 'oku mahu'inga mo fakatefito ki he Fu'u 'Akau Fakafamilí.
Tokolahi e ngaahi hoa ngāue 'a e FamilySearch 'oku 'i ai 'enau ngaahi polokalama ki hono fa'u 'aki ha ngaahi faile GEDCOM. 'I he ngaahi polokalama ko ení 'oku ne faka'atā atu ké ke hiki tatau mai ha ngaahi fakamatala mei he Fu'u 'Akau Fakafamili, liliu e ngaahi fakamatalá, pea tauhi e ngaahi fakamatala ko iá ki he Fu'u 'Akau Fakamfamilí. Vakai ki he FamilySearch Solutions Gallery ki he fakaikiiki fekau'aki mo e ngaahi polokalama ko eni.
Kapau kuo ke 'osi ma'u ha polokalama pehe ni, vakai ki he lisi 'o e ngaahi tokoni pe ko e uepisaiti 'o kinautolu ha'a nautolu e polokalama ki he ngaahi fakahinohino ki hono fa'u ha faile GEDCOM. Kapau 'oku 'i ai ha'o faile GEDCOM, te ke lava hiki tatau ia ki he Pedigree REsource File 'i he FamilySearch.org. Ko e ngaahi lelei eni ho'o hiki tatau hake ho'o ngaahi faile ko iá:
- 'E tauhi malu 'e he FamilySearch ho'o failé. Te ke lava ke tamate'i pe fetongi ia 'a mui ange.
- 'E malava 'e ha toe taha ke sio ki ho'o faile GEDCOM ka he'ikai kenau lava 'o liliu ia.
- Te ke lava 'o hiki tatau e ngaahi fakamatala 'i ho'o faile GEDCOM ki he Fu'u 'Akau Fakafamilí.
Ngaahi fakamatala fekauʻakí
'E anga fēfē 'eku hiki e ngaahi fakamatala mei he faile GEDCOM ki he Fu'u 'Akau Fakafamilí?
Anga fēfē 'eku hiki tatau hake ki he initanetí 'eku faile GEDCOM?