Ko e tokotaha kotoa pē ʻoku maʻu ʻakauni ʻi he FamilySearch ʻoku ʻi ai ʻene fakamatala ʻakauni. Fakatonutonu hoʻo fakamatalá ke liliu ʻaki e anga hoʻo hā mai ki he niʻihi kehe ʻoku nau ngāue ʻaki e FamilySearch, pea fakamahino e meʻa ʻoku totonu ke sio ai e kakaí, mo e meʻa ʻoku totonu ke tauhi malú.
ʻOku kau e ngaahi tūkunga fakamatala ko ʻení ʻi hoʻo fakamatalá:
Laʻitā: ʻE lava ʻe hono tuku hake ha laʻitā ki hoʻo fakamatala ʻakauni FamilySearch ʻo tokoni ke fakafaikehekeheʻi koe mei he kau maʻu ʻakauni kehe ʻoku mou hingoa tataú. Fakakaukau ke upload ha laʻitā kuo ʻosi fakafeʻungaʻi pe ʻata ʻokú ke saiʻia taha ai kapau ʻoku ʻikai te ke ongoʻi fiemālie ʻi hano tuku hake ha laʻitā moʻoni. Kapau kuo teʻeki ai ke ke tuku hake ha laʻitā, ʻe ʻasi mei he foʻi ʻatā ki he laʻi taá e ʻuluaki mataʻitohi hoʻo ID fetuʻutaki ʻi he ʻakauni FamilySearch.
Hingoa: Ko e hingoa ʻeni ʻoku ʻiloʻi ai koe ʻi he FamilySearch. ʻE mamata maʻu pē ki ai e niʻihi kehé pea ʻe lava ke fakaʻaongaʻi ha hingoa kakato, hingoa fakakonga, pe ko ha hingoa fakatenetene. Kae ʻoleva ke ke toki liliu e feituʻu ko ʻení, ʻe kei ngāue ʻaki pē ho ID fetuʻutaki ʻi he feituʻu ʻo e hingoá. ʻOku ʻIKai fie maʻu ia ke makehe e hingoa te ke filí ka te ne lava pē ʻo maluʻi koe mo kei fakaʻatā ʻa kinautolu ʻokú ke maheni mo iá ke naʻu ʻiloʻi koe.
ID Fetuʻutakí: ʻOku vahe atu e ID fetuʻutakí ki hoʻo ʻakauní ʻi he taimi ʻo e feinga maʻu ʻa e ʻakauní. ʻE lava pē ke fakatonutonu ka kuo pau ke tuʻu makehe pē, ʻa ia ko hono ʻuhingá he ʻikai ke lava ha toko 2 ʻo maʻu e ID fetuʻutaki tatau. ʻOku fekauʻaki e ID ko ʻení mo ha faʻahinga meʻa pē te ke tānaki pe fakatonutonu ʻi he FamilySearch. Kātaki ʻoua naʻa fakaʻaongaʻi e ngaahi fakaʻilonga leá (punctuation) ʻi hoʻo ID Fetuʻutakí.
Feituʻu: ʻOku kau ʻi hoʻo fakamatalá ha feituʻu ki hoʻo fonuá pe vāhengá. Ko ha fetuʻu ʻeni ʻoku fie maʻu, ka ʻe lava pē ke ʻai ke ʻoua ʻe fakahāhā holo. ʻOku tokoni hono tuku atu ki he kakaí ho feituʻú ke ʻiloʻi ai koe mei he niʻihi kehe ʻoku nau fakaʻaongaʻi e FamilySearch ʻi he taimi ʻoku feinga ai e ngaahi kaungāmeʻá pe kau fekumi kehé ke fetuʻutaki atu kiate koé.
Ngaahi ʻAkauni Fakafoʻituituí
ʻOku ʻi ai e ngaahi ʻakauni ʻe niʻihi ʻoku ʻosi tuku pau pē ia ke ʻakauni private.
Siʻi hifo he taʻu 18: Ko e ngaahi ʻakauni ko ia ʻa kinautolu ʻoku siʻi hifo he taʻu 18 ʻoku ʻotomētiki pē ʻene ʻi he tūkunga ʻikai fakahāhāholó. ʻE lava e tokotaha haʻana e ʻakauní ʻo fakatonutonu e fakamatalá ka ʻe ʻikai fakahāhāholo maʻu pē e ʻakauní. Kapau ʻokú ke taʻu 18 pe lahi ange pea naʻe fakaʻilongaʻi “ʻIkai Fakahāhāholo” hoʻo ʻakauní, fakapapauʻi naʻe tonu hoʻo fakahū hoʻo fakamatala ki ho ʻaho fāʻeleʻí ʻi he ngaahi tūkunga (settings) hoʻo ʻakauní.
Ngaahi Fakangatangata Fakapuleʻangá: ʻOku ʻi ai e ngaahi puleʻanga pe anga fakafonua ʻe niʻihi ʻoku nau fakangatangata e lahi ʻo e fakamatala fakataautaha ʻe lava ke tānaki pe tuku mai ʻi ha uepisaiti. Kapau ʻokú ke tui ne hala hono fakaʻilongaʻi hoʻo ʻakauní ke “ʻIkai Fakahāhāholó,” ʻalu ki he Ngaahi tūkunga ʻo e FamilySearch ʻo fakapapauʻi naʻe tonu hono fili e fakamatala ki hoʻo Fonuá pe Vāhengá.