ʻI ha ngaahi lekooti ʻe niʻihi, hangē ko e ngaahi lekooti tohi kakaí, te ke lava ʻo tānaki atu ha ngaahi hingoa ne ʻikai ʻasi ai e kau fakahokohoko fakamotuʻalea totonú.
Kimuʻa peá ke kamatá
Fakapapauʻi pe ʻokú ke lava ʻo tānaki atu ha ngaahi hingoa ʻoku pulia ki he lekooti kuo fakahokohoko fakamotuʻaleá.
Mei ha peesi fakaikiiki ʻo e lekōtí (peesi ʻoku ʻasi ai e fakamatala kuo fakahokohoko fakamotuʻaleá):
- Kumi ha meʻa lomi Fakatonutonu. ʻOku lanu kulei? Kapau ko ia, he ʻikai lava ke ke fakatonutonu e lekooti kuo fakahokohoko fakamotuʻaleá.
- ʻOku lanu pulū ʻa e Meʻa lomi Fakatonutonú? Kapau ʻoku ʻi ai, lomiʻi ʻi he fakaʻilongá.
- ʻOkú ke sio nai ki ha puha ʻoku toe lahi ange ʻa e ngaahi meʻa lomi Fakatonutonú? Kapau ʻoku pehē, ʻoku fakangatangata pē ʻa e fakatonutonú ʻi he tātānakí. He ʻikai lava ke ke tānaki atu ha fakamatala ʻoku pulia.
- ʻOku ʻasi nai ha screen foʻou mo e ʻīmisi ʻi he toʻohemá pea mo ha pēnolo ʻi he tafaʻaki toʻomataʻú ʻoku ʻasi ai e fakamatala kuo fakahokohoko fakamotuʻaleá? (ʻI he polokalama telefoni toʻotoʻó, ʻoku faʻa ʻasi e fakamatala fakahokohoko fakamotuʻaleá ʻi lalo he ʻatá.) Kapau ko ia, ʻe lava ke fakatonutonu kakato ʻa e collection. Te ke lava ʻo tānaki atu ʻa e fakamatala ʻoku puliá.
Mei ha laʻitā lekooti ʻi he Explore Historical Images (uepisaiti pē):
- ʻI ʻolunga ʻi he tafaʻaki toʻomataʻú, lomiʻi ʻi he Fakahokohoko Fakamotuʻalea ʻo e ʻAtá.
- ʻOkú ke sio nai "Kuo teʻeki ai fakahokohoko fakamotuʻalea e ʻīmisi ko ʻení"? Kapau ko ia, he ʻikai lava ke ke tānaki atu e fakamatala ʻoku puliá.
- ʻOkú ke sio ki ha lisi ʻo e ngaahi hingoá? Kapau ko ia, te ke lava ʻo tānaki atu ʻa e fakamatala ʻoku puliá.
Ngaahi Sitepu (uepisaiti pe telefoni to'oto'o)
- ʻAlu ki he fakahokohoko fakamotuʻalea ʻo e ʻīmisi ʻe lava ke fakatonutonú:
- Lomiʻi ʻi he Edit ʻi ha peesi fakaikiiki ʻo e lekōtí (ko e peesi ʻoku ʻasi ai e fakamatala kuo fakahokohoko fakamotuʻaleá). ʻI he pēnolo fakamatalá, lomiʻi ʻi he foʻi ngahau ʻi muí.
- ʻI ʻolunga ʻi he pēnolo fakamatala ʻo ha ʻīmisi ʻi he Vakaiʻi e Ngaahi ʻAta Fakahisitōliá, lomiʻi ʻi he Fakahokohoko Fakamotuʻalea ʻo e ʻAtá.
- Fakalahi ʻa e ʻīmisí koeʻuhí ke ke lava ʻo sio ki he fakamatala ʻokú ke fie tānaki ki he fakahokohoko fakamotuʻaleá.
- ʻI he konga ki lalo ʻo e pēnolo fakamatalá, lomiʻi ʻi he Tānakí.
- Lomiʻi ʻi he foʻi ngahau ʻoku hanga ki laló pea lomiʻi leva ʻi he Faʻahinga ʻo e Hingoá.
- Lomiʻi ʻi he Tānaki e Hingoa ʻUluakí.
- Fakahū e hingoá pea lomiʻi leva ʻi he Tānaki e Fakaʻilongá.
- Vakaiʻi ʻa e foʻi lea totonú ʻi he fakatātaá. ʻAi ke siʻisiʻi pea fokotuʻu ʻa e puha foʻou ʻoku ʻasi maí. Lomiʻi ʻi he fakaʻilonga tonu.
- Lomiʻi eSeivi (Save).
- Lomiʻi ʻi he Tānaki e Hingoa Fakaikú pea toe fai pē ʻa e meʻa tatau ki he hingoa foakí.
- ʻI he feituʻu ʻo e Faʻahinga ʻo e Lekōtí, lomiʻi pea kamata ke taipeʻi ha faʻahinga lekooti. Lomiʻi ʻi he fakatauhoa lelei taha ʻi he lisí. Hangē ko ʻení, Lekooti Tohi Kakaí.
- Lomiʻi eSeivi (Save).
ʻOkú ke sio he taimí ni ki he ngaahi ʻuluʻi fakamatala kehekehe te ke lava ʻo tānakí. Tānaki atu e ngaahi vā fetuʻutakí hili hoʻo fakahū kotoa e ngaahi hingoa ʻoku puliá ʻi he fāmilí ʻi ha lekooti tohi kakai.
- Lomiʻi ʻi ha fakaʻilonga peni vahevahe pea tānaki atu ha fakamatala fekauʻaki mo e hingoa ne toki faʻu foʻoú.
- Lomiʻi ʻi he Tānaki pe Toʻo e Ngaahi Tafaʻakí.
- Lomiʻi ʻi he konga ʻokú ke loto ke tānakí pea lomiʻi leva ʻi he Seivi e Ngaahi Konga (Field).
- Fakahū e fakamatalá ʻi he feituʻú pea lomiʻi ʻi he Tānaki e Fakaʻilongá.
- Vakaiʻi ʻa e foʻi lea totonu ʻi he ʻīmisí. ʻAi ke siʻisiʻi pea ʻunuakiʻi ʻa e puha foʻoú. Lomiʻi ʻi he fakaʻilonga tonu.
Toe fai pē ʻa e ngaahi sitepu ʻi hoʻo fakahū kotoa e fakamatala fekauʻaki mo e tokotaha takitaha ʻoku puliá. Hili hoʻo fakahū kotoa e ngaahi hingoá mo e ngaahi vā fetuʻutakí ʻi he lekooti tohi kakaí, fakaʻilongaʻi e hingoa tefito ʻi he lekooti kuo fakahokohoko fakamotuʻaleá. ʻI ha Tohi Kakai ʻi he US, ko e puleakó ʻa e tokotaha naʻe ui ko e "ʻulú" ʻi he ʻīmisi ʻo e tohi kakaí.
- ʻI he fakahokohoko fakamotuʻalea ʻo e ʻAtá, lomiʻi ʻi he hingoa ʻo e tokotaha ʻoku ʻasi ko e ʻUlu ʻi he ʻīmisí
- ʻI he tafaʻaki toʻomataʻu ʻo e Fakamatala Mahuʻingá, lomiʻi ʻi he fakaʻilonga penivahevahé.
- ʻI lalo ʻi he Hingoa Puleakó, lomiʻi ʻi he siakale ʻi he tafaʻaki ʻ o e ʻIó.
- Lomiʻi ʻi he Seivi e Ngaahi Liliú.