ʻI he taimi ʻoku ʻi ai haʻo ngaahi fehuʻi fekauʻaki mo e fakaikiiki ʻokú ke sio ki ai ʻi he Source Linker, ʻahiʻahi vakai ki he ʻīmisi ʻo e maʻuʻanga fakamatalá pe ko e pēnolo he tafaʻaki ʻo e tokotahá ke maʻu ha fakamatala lahi ange.
Ko e vakai ki he ʻīmisi ʻo e maʻuʻanga fakamatalá
Ko e ʻīmisi maʻuʻanga fakamatalá ko ha ʻata fakaʻilekitulōnika ia ʻo e maʻuʻanga fakamatalá. ʻI he ngaahi meʻa lahi, ʻoku lahi ange ʻa e fakamatala ʻoku hā aí ʻi he meʻa ʻokú ke sio ki ai ʻi he Source Linker pea mahalo ʻe hā ai ha fehalaaki ʻi he fakamatalá.
Ke vakai ki he ʻīmisi ʻo e maʻuʻanga fakamatalá, vakai ki he tuliki toʻohema taupotu ki ʻolunga ʻo e Source Linker, pea lomiʻi ʻi he Vakai ki he ʻĪmisí.
Ko e hā e faikehekehe ʻi he vakai ki he lekōtí mo e vakai ki he ʻīmisí?
ʻI hoʻo lomiʻi ʻa e Vakai ki he Lekōtí, ʻokú ke vakai ai ki ha fakamatala fakanounou ʻo e ngaahi fakaikiiki kotoa pē naʻe hiki mei he maʻuʻanga fakamatalá.
ʻI hoʻo lomiʻi ʻa e Vakai ki he ʻĪmisí, ʻokú ke sio ai ki ha ʻīmisi fakaʻilekitulōnika ʻo e maʻuʻanga fakamatala totonu naʻe hikí—ʻi hono fakalea ʻe tahá, ʻokú ke sio ki he tā ʻo e tohi taʻú, peesi tohi kakaí, tohi mate, pe fakamatala fakahisitōlia kehe.
Vakai ki he pēnolo he tafaʻaki ʻo e tokotahá
ʻE ʻasi mai ʻa e pēnolo he tafaʻaki ʻo e tokotahá ʻi he taimi kotoa pē te ke lomiʻi ai ha hingoa ʻi he kōlomu toʻomataʻu ʻo e Source Linker. ʻOkú ke lava ʻo maʻu ʻi he pēnolo ko ʻení ha konga lahi ʻo e fakamatala ʻoku maʻu ʻi he peesi fakataautaha ʻo e kuí ʻi he Fuʻu ʻAkau Fakafāmilí.
- Ke vakai ki he pēnolo ʻi he tafaʻakí, kumi ha hingoa ʻi he kōlomu toʻomataʻu ʻo e Source Linker, pea lomiʻi ia.
- Pe lomiʻi ʻi he Vakai kia ________ (hingoa ʻo e tokotahá), ʻoku tuʻu ʻi ʻolunga ʻi he Source Linker.
