Kapau ko ha mēmipa koe ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, te ke lava ʻo maʻu ho fika lekooti he Siasí ʻi ha ngaahi feituʻu lahi:
- ChurchofJesusChrist.org mo e Member Tools mobile app - ʻOku lava ke maʻu ʻe he kāingalotú honau fiká mo e fika ʻenau fānau ʻoku fakafalala kiate kinautolú ʻi he ChurchofJesusChrist.org.
- Kalake mēmipasipí - Vakai ki he Meetinghouse Locator ki he tuʻuʻanga ʻo e ngaahi falelotú.
- Fakamatala Ouau Fakafoʻituituí - Te ke lava ʻo maʻu ia mei hoʻo kalake mēmipasipí.
- Lekomeni temipalé - ʻOku hiki ho fika lekooti ʻi he Siasí ʻi hoʻo lekomeni temipalé. ʻOku ʻasi ia ʻi lalo ʻi he Māhina ne Foaki Aí mo e Taʻu Ne Foaki Aí. ʻOku fakahingoa ʻa e puha ʻoku ʻi ai ʻa e fika lekooti ʻi he Siasí ko e fika Lekōtí. ʻOku ʻi ai foki mo ha fika ʻi he pā kouti ʻi he tafaʻakí. Ko e fika pā koutí ʻoku ʻikai ko ho fika lekooti ia ʻi he Siasí.
Fakatokangaʻi ange: ʻE maʻu ʻe he kau mēmipa papitaiso foʻou ʻo e Siasí ha fika lekooti ʻi ha houa nai ʻe 24 hili hono fakahū ʻe he kalake ʻo e uōtí, koló, vahefonuá pe misioná ʻa e fakamatalá ki he Potungāue Mēmipasipi ʻo e Siasí. He ʻikai lava ʻe he kalaké ʻo faʻu ha Fakamatala Ouau Fakafoʻituitui kae ʻoua leva kuo fakakakato ʻa e ngāue ko ʻení.
Kapau te ke maʻu ha pōpoaki fehalaaki lolotonga e lesisitá ʻoku pehē ai ʻoku hala hoʻo fakamatala mēmipasipí, kātaki ʻo fakapapauʻi ʻoku tatau e fakamatala ʻokú ke fakahuú mo ia ʻi he Fakamatala Ouau Fakatāutahá (maʻu mei hoʻo kalake faka-ʻiunití), peá ke fetuʻutaki leva ki he FamilySearch Support.