Kapau ko ha tokotaha ngāue koe ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ko ha faifekau, ko ha faiako semineli ngāue tokoni pe taki fakalotu, ʻoku ui hoʻo ʻAkauni ʻi he Siasi ko ha ʻakauni “ngāue” (workforce). ʻOku kamata e founga ki hono toe maʻu e ngaahi ʻakauni ngāué ʻi he ChurchofJesusChrist.org.
He ʻikai lava ʻe he kāingalotu ʻoku ʻi ai haʻanau ʻakauni ngāué ʻo fakaʻaongaʻi ʻenau fika lekooti ʻi he Siasí ki hono toe fakafoki ʻenau ʻakauní.
Ngaahi Sitepú
- Kamata ʻi he ChurchofJesusChrist.org.
- ʻI he tuliki toʻomataʻu ki ʻolungá, lomiʻi ʻi he fakaʻilonga silhouette ʻi he tuliki toʻomataʻu ʻi ʻolungá.
- Lomiʻi ʻi he Hū ki he polokalamá.
- Lomiʻi ʻi he Kuo ngalo ʻeku hingoa ngāué pe lea fufuú.
- Fili ha founga kumi ʻakauni, pea fakahū e fakamatala ʻoku fiemaʻú. Kuo pau ke ke fakaʻaongaʻi ha founga ʻe 2 mei he ngaahi founga kumi ʻakauní. ʻOku makatuʻunga e ngaahi founga te ke lava ʻo fakaʻaongaʻí ʻi he ngaahi founga kuo fokotuʻu ʻi hoʻo ʻAkauni ʻi he Siasí.
- Kapau ʻokú ke fakaʻaongaʻi ʻa e founga pōpoaki telefoní pe ʻīmeilí, ʻe ʻosi ʻa e taimi ʻaonga ʻo e koutí pe fehokotakiʻangá ʻi ha miniti ʻe 20.
- Kuo pau ke tonu ʻa e mataʻitohi lahi mo siʻisiʻi ki he tali ki he ngaahi fehuʻi maluʻí. Kapau he ʻikai ke ke lava ʻo tali e ngaahi fehuʻi maluʻí pe ʻikai lava ʻo fakaʻaongaʻi e ngaahi founga kehé, fetuʻutaki ki he Potungāue Tokoni Fakaemāmani Lahi ki he Ngaahi ʻAkauní: 1-855-537-4357 (Kumi Tokoni).
- Ki ha tokoni, lomiʻi ʻa e fehokotakiʻanga Tokoni ʻi he screen. Mei loto ʻi he tokoní, te ke lau ai ʻa e ngaahi tali ki he ngaahi fehuʻi ʻoku lahi hono ʻeké, ʻeke ha ngaahi fehuʻi ʻi ha fakataha, pe fetuʻutaki ki he Senitā Tokoni Fakaemāmani Lahí.
- Fakahū pea fakapapauʻi hoʻo lea fufū foʻoú. ʻE ʻasi mai ha ngaahi fokotuʻu kapau ʻoku ʻikai mālohi feʻunga hoʻo lea fufuú. ʻOku ʻasi ho hingoa ngāué ofi ki he konga ki ʻolunga ʻo e screen.
- Lomiʻi ʻi he Faʻu ha Lea Fufū Foʻou.
- Kapau ʻokú ke fakaʻaongaʻi ha komipiuta ʻa e Siasí, toe fakamoʻui (restart) hoʻo komipiutá. ʻOku ʻikai fie maʻu ke ke fai ʻeni ʻi ha komipiuta fakataautaha.
Kapau ʻokú ke fie maʻu ha toe tokoni ki he ngaahi palopalema ʻo e ʻakauní, fetuʻutaki ki he FamilySearch Support.
Ngaahi fakamatala fekauʻakí
Te u toe ʻave fēfeeʻi nai ʻa e ʻīmeili fakapapauʻí?
Te u toe ʻave fēfeeʻi nai ʻa e kouti fakapapauʻí?
Ko e hā ʻoku ʻikai lava ai ʻo ngāue ʻaki ʻa e fakamatala ke toe hū ki loto ki heʻeku ʻakauní?