ʻI he ʻAkau Fakafāmilí, ʻoku ʻasi e pōpoaki ko ʻení ʻi ha ngaahi maʻuʻanga fakamatala ʻe niʻihi: “Naʻe fakaʻaongaʻi e lekooti IGI ne maʻu ko ʻení ke faʻu ʻaki ʻa e tokotahá ni.”
- Ko e fakamatala fekauʻaki mo e kakai ko ʻení ʻoku maʻu ia mei ha ngāue fakahokohoko fakamotuʻalea ʻoku motuʻa ange. Naʻe fakaʻaongaʻi ʻe he FamilySearch ʻa e fakamatala naʻe maʻú ke kumi ʻaki e kakaí pea pulusi leva ʻa e fakamatalá ʻi he IGI.
ʻI Nōvema ʻo e 2014, naʻe tānaki atu ai ʻe he FamilySearch ha ngaahi lekooti ne maʻu ki he ʻAkau Fakafāmilí. Naʻe fakakau ʻe he FamilySearch e lekooti ne maʻu maí ko ha maʻuʻanga fakamatala ki ha lekooti ʻAkau Fakafāmili ʻoku lolotonga maʻu.
- ʻI he ngaahi taimi lahi, ʻoku faʻa tonu pē e foungá ni. ʻOkú ke lava ʻo tala ia koeʻuhí ʻoku tatau tofu pē e ngaahi fakaikiiki ʻi he lekooti ne maʻu maí pe ʻoku faitatau ʻaupito mo e ngaahi fakaikiiki ʻi he ʻAkau Fakafāmilí.
- Ko e taimi ʻe niʻihi, hangē ʻoku faʻa fakakau atu e lekooti ia ʻoku maʻu maí ki ha tokotaha hala ʻi he ʻAkau Fakafāmilí. ʻOku kehe e ngaahi fakaikiiki ia ʻi he lekooti ne maʻu maí mei he ngaahi fakaikiiki ʻi he ʻAkau Fakafāmilí.
Naʻe hoko e fehalākí ni koeʻuhí naʻe maʻu e lekooti ia ʻo e ʻAkau Fakafāmilí mei hano fakatahaʻi ʻo ha lekooti hala. Kapau te ke maʻu ha taha ʻo e ngaahi fehalākí ni, muimui he ngaahi sitepu ko ʻení:
- Hiki tatau e maʻuʻanga fakamatala IGI ne maʻú ki hoʻo puha tauhiʻanga fakamatalá.
- Fakamavahevaheʻi e ngaahi lekooti ne hala hono fakatahaʻí. Lolotonga hono fakahoko ʻení, te ke faʻu ha lekooti foʻou ʻi he ʻAkau Fakafāmilí maʻá e tokotaha ʻoku ʻaʻana ʻa e maʻuʻanga fakamatala IGI naʻe maʻu maí.
- Fakakau atu leva e maʻuʻanga fakamatala IGI ne maʻú mei hoʻo puha tauhiʻanga fakamatalá ki he lekooti foʻoú.