Te u liliu fēfē ʻa e tuʻunga lolotongá mei he pekiá ki he moʻuí, ʻi he ʻAkau Fakafāmilí?

Ko ha meʻa mahuʻinga ʻaupito ʻa hono maluʻi ʻo e totonu fakataautaha ʻa e fakafoʻituituí mo e ngaahi fāmilí ʻi he FamilySearch.

ʻOku kehekehe pē e ngāue ʻa e founga ki hono liliu e tuʻunga ʻo ha lekooti ʻAkau Fakafāmili mei he pekiá ki he moʻuí ʻo makatuʻunga kapau ko koe ʻa e tokotaha tokoní pea ko e kau tokoni ʻe toko fiha ʻoku maʻú. ʻI he taimi ʻokú ke liliu ai e lekōtí mei he pekiá ki he moʻuí, ʻoku hiki leva e lekōtí ki he konga fakataautaha ʻa ha tokotaha [ʻokú ne ngāue ʻaki e ʻAkau Fakafāmilí]. Kapau ko koe tokotaha pē ʻokú ke fakahoko e tokoní, ʻe hiki atu leva ʻa e tokotahá ki hoʻo konga fakatāutahá. Kapau ʻoku ʻikai ko ha tokotaha tokoni koe pe ʻoku tokolahi e niʻihi ʻoku nau ʻomi e lekōtí, ʻoku toe faingataʻa ange ʻa e foungá.

ʻI he taimi ʻe niʻihi, ʻoku faʻa lava pē ʻa e kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻo sio ki ha tokotaha kei moʻui kuo pekia. Kapau te ke fetaulaki mo ha taha ʻo e ngaahi tūkunga ko ʻení, kātaki ʻo fetuʻutaki mai kiate kimautolu:

• Naʻe fehalaaki hono fakaʻilongaʻi pekia ʻo e tokotahá ʻi he lekooti memipasipi ʻo e Siasí.
• Ne fehalaaki hono fakaʻilongaʻi pekia ʻo e tokotahá ʻi hono fakakakato ʻo e ngāue fakatemipalé.

Kimuʻa peá ke kamatá

Fakapapauʻi ʻoku ʻi he settings ʻo hoʻo ʻakauní ha tuʻasila ʻīmeili ʻoku kei ʻaongá pe fika telefoni. ʻE lava ke na fakatou tokoni ʻi hono fakahoko e ngāue ki hono liliu e tuʻunga (status) ʻo e fakafoʻituituí. Kapau ʻokú ke fakaʻaongaʻi ha tablet, ʻoku mau fokotuʻu atu ke ke fakaʻaongaʻi e polokalama ʻAkau Fakafāmili ʻi he telefoni toʻotoʻó kae ʻikai ko e uepisaití.

Ngaahi Sitepu (uepisaiti)

Kapau ko koe pē ʻa e tokotaha tokoní.

1. ʻAlu ki he peesi ʻa e tokotaha ʻoku kei moʻuí.
2. Lomiʻi ʻi he Ngaahi Fakaikiikí.
3. ʻI he konga ʻo e Ngaahi Meʻa Mahuʻingá, ʻi he tafaʻaki ʻo e ʻaho mate ʻoku lisi atú, fili ʻa e Fakatonutonú.
4. ʻI he puha ʻoku ʻasi atú, lomiʻi ʻi he siakale ʻoku fakahingoa ko e Moʻuí.
5. Fakahū e founga ʻokú ke ʻiloʻi ai ʻoku kei moʻui ʻa e tokotahá.
6. Lomiʻi ʻa e Seiví

ʻOku ʻasi he taimí ni ʻa e foʻi lea “Kei Moʻuí” ʻi he feituʻu ʻo e Maté, pea ʻoku ʻasi ʻa e fuka ʻo e Tokotaha Fakatāutahá ʻi ʻolunga ʻi he peesi ʻo e tokotahá. Ko koe pē te ke lava ʻo sio ki he lekōtí he taimi ní.

Kapau ʻoku ʻikai ko koe pē naʻá ke fai e tokoní:

1. ʻAlu ki he peesi ʻa e tokotaha ʻoku kei moʻuí.
2. Lomiʻi ʻi he Ngaahi Fakaikiikí.
3. ʻI he konga ʻo e Ngaahi Meʻa Mahuʻingá, ʻi he tafaʻaki ʻo e ʻaho mate ʻoku lisi atú, fili ʻa e Fakatonutonú.
4. ʻI he puha ʻoku ʻasi atú, lomiʻi ʻi he  siakale ʻoku fakahingoa ko e Moʻuí.
5. Fakahū ʻa e founga ʻokú ke ʻiloʻi ai ʻoku kei moʻui ʻa e tokotahá.
6. Lomiʻi ʻa e Seiví.
7. Fakahū ha fakamatala ki he pule ʻo e polokalamá ke toe vakaiʻi hoʻo kolé. Kātaki ʻo ʻomi ʻa e fakamatala ko ʻení:
   
   • Ko hoʻo fehokotaki mo e tokotaha ʻoku fie maʻu ke fai ki ai e tokangá.
   • Mo e founga ʻokú ke ʻiloʻi ai ʻoku moʻui ʻa e tokotahá.
   • Kapau ʻe lava, mo e tuʻasila lolotonga ʻo e tokotaha moʻuí.
8. Lomiʻi ʻi he Fakahū.

ʻOku ʻave ha kole he taimí ni ki he FamilySearch Support. ʻOku vakaiʻi ʻe ha pule ʻo e polokalamá hoʻo kolé pea fakahoko ha ngaahi ngāue ʻoku feʻungá. 

Ngaahi Sitepú (polokalama telefoni toʻotoʻó)

Kapau ko koe pē ʻa e tokotaha tokoní.

1. ʻAlu ki he peesi ʻa e tokotaha ʻoku kei moʻuí.
2. Lomiʻi ʻi he Ngaahi Fakaikiikí.
3. ʻI he konga ʻo e Ngaahi Meʻa Mahuʻingá, lomiʻi ʻi he ʻaho pekiá.
4. ʻI he tafaʻaki toʻomataʻu mamaʻo ʻo e screen, lomiʻi ʻa e Fakatonutonú.
5. Fakatatau ki hoʻo meʻangāue fakaʻilekitulōniká, lomiʻi ʻa e siakale pe lekitengikale ʻoku fakahingoa ko e Kei Moʻuí.
6. Fakahū ʻa e founga ʻokú ke ʻiloʻi ai ʻoku kei moʻui ʻa e tokotahá.
7. Lomiʻi ʻi he Seiví

ʻOku ʻasi he taimí ni ʻa e foʻi lea “Kei Moʻuí” ʻi he feituʻu ʻo e Maté, pea ʻoku ʻasi ʻa e fuka ʻo e Tokotaha Fakatāutahá ʻi ʻolunga ʻi he peesi ʻo e tokotahá. Ko koe pē te ke lava ʻo sio ki he lekōtí he taimi ní.

Kapau ʻoku ʻikai ko koe pē naʻá ke fai e tokoní:

1. ʻAlu ki he peesi ʻa e tokotaha ʻoku kei moʻuí.
2. Lomiʻi ʻi he Ngaahi Fakaikiikí.
3. ʻI he konga ʻo e Ngaahi Meʻa Mahuʻingá, lomiʻi e ʻaho pekiá.
4. ʻI he tafaʻaki toʻomataʻu mamaʻo ʻo e screen, lomiʻi ʻa e Fakatonutonú.
5. Fakatatau ki hoʻo meʻangāue fakaʻilekitulōniká, lomiʻi ʻa e siakale pe lekitengikale ʻoku fakahingoa ko e Kei Moʻuí.
6. Fakahū ʻa e founga ʻokú ke ʻiloʻi ai ʻoku kei moʻui ʻa e tokotahá.
7. Lomiʻi ʻi he Seiví
8. Fakahū ha fakamatala ki he pule ʻo e polokalamá ʻa ia te ne lava ʻo toe vakaiʻi hoʻo kolé. Kātaki ʻo ʻomi ʻa e fakamatala ko ʻení:
   
   • Ko hoʻo fehokotaki mo e tokotaha ʻoku fie maʻu ke fai ki ai e tokangá.
   • ʻOkú ke ʻilo fēfē nai ʻoku moʻui ʻa e tokotahá ni.
   • Kapau ʻe lava, mo e tuʻasila lolotonga ʻo e tokotaha moʻuí.
9. Lomiʻi ʻi he Fakahuú.

ʻOku ʻave ha kole he taimí ni ki he FamilySearch Support. ʻOku vakaiʻi ʻe ha pule ʻo e polokalamá hoʻo kolé pea fakahoko ha ngaahi ngāue ʻoku feʻungá. 

Ngaahi sitepu (ʻAkau Fakafāmili Laití)

Kapau ko koe pē naʻá ke ʻomi ʻa e fakamatalá:

1. Lomiʻi ʻi he ʻaho pekiá, pea lomiʻi leva ʻi he Fakatonutonú.
2. Lomiʻi ʻi he siakale ʻoku fakahingoa ko e Kei Moʻuí.
3. Fakahū ʻa e founga ʻokú ke ʻiloʻi ai ʻoku kei moʻui ʻa e tokotahá.
4. Lomiʻi ʻa e Seivi

ʻOku ʻasi he taimí ni ʻa e foʻi lea “Kei Moʻui” ʻi he feituʻu ʻo e Maté, pea ʻoku ʻasi ʻa e fuka ʻo e Tokotaha Fakatāutahá ʻi ʻolunga ʻi he peesi ʻo e tokotahá. Ko koe pē te ke lava ʻo sio ki he lekōtí he taimi ní.

Kapau ʻoku ʻikai ko koe pē naʻá ke fai e tokoní:

1. ʻAlu ki he peesi ʻa e tokotaha ʻoku kei moʻuí.
2. Lomiʻi ʻi he ʻaho pekiá, pea lomiʻi leva ʻi he Fakatonutonú.
3. Lomiʻi ʻi he siakale ʻoku fakahingoa ko e Kei Moʻuí.
4. Fakahū ʻa e founga ʻokú ke ʻiloʻi ai ʻoku kei moʻui ʻa e tokotahá.
5. Lomiʻi ʻa e Seiví.
6. Fakahū ha fakamatala ki he pule ʻo e polokalamá ʻa ia te ne lava ʻo toe vakaiʻi hoʻo kolé. Kātaki ʻo ʻomi ʻa e fakamatala ko ʻení:
   
   • Ko hoʻo fehokotaki mo e tokotaha ʻoku fie maʻu ke fai ki ai e tokangá.
   • ʻOkú ke ʻilo fēfē nai ʻoku moʻui ʻa e tokotahá ni.
   • Kapau ʻe lava, mo e tuʻasila lolotonga ʻo e tokotaha moʻuí.
7. Lomiʻi ʻi he Fakahuú

ʻOku ʻave ha kole he taimí ni ki he FamilySearch Support. ʻOku vakaiʻi ʻe ha pule ʻo e polokalamá hoʻo kolé pea fakahoko ha ngaahi ngāue ʻoku feʻungá. 

Ngāue mo ha pule ʻo e polokalamá

ʻE lava ke fetuʻutaki atu ʻa e pulé ki he tuʻasila nofoʻanga ʻo e tokotaha moʻuí. ʻOku tokoni ʻa e tuʻasilá ki he pulé ke ne fakapapauʻi ʻa e tuʻunga moʻui ʻo e tokotahá.

Kapau ʻe fai ʻe he pulé ʻa e liliu fakamuimuitahá, pea ʻikai ke ke toe lava ʻo sio ki he lekooti ʻo e tokotahá ʻi he ʻAkau Fakafāmilí, te ke lava ʻo tānaki ʻa e tokotahá.

Ngaahi fakamatala fekauʻakí