ʻOku hanga ʻe he tagging ʻo ʻai ke ʻilo ʻa e kakai ʻoku fakahaaʻi ʻi hoʻo ngaahi talanoá mo e ngaahi faile ki he fanongó. ʻOku lava foki ke fakapapauʻi ʻe he tags ʻa e talanoa pe ngaahi faile ki he fanongó ʻa ia ʻoku ʻasi ʻi he Ngaahi Manatu Melié ʻi he peesi fakataautaha ʻa e tokotaha ko iá ʻi he Fuʻu ʻAkau Fakafāmilí.
ʻOku lava ke tag ki ha tokotaha ʻi he Fuʻu ʻAkau Fakafāmilí ʻo aʻu ki he ngaahi manatu melie ʻe 1,000. ʻOku ʻikai ha fakangatangata ia ʻi he tokolahi ʻo e kakai ʻoku lava ʻo tag ki ai ha faʻahinga Manatu Melie kuo ʻomai.
Fakatokangaʻi Ange: ʻE lava ʻe ha taha pē ʻokú ne ngāue ʻaki ʻo tānaki ha tag ki ha manatu melie, ʻo tatau ai pē pe ko hai naʻá ne upload ʻa e manatu melié.
Ngaahi Sitepú (uepisaiti)
- Hū ki he FamilySearch.
- ʻI ʻolunga ʻi he pēsí, lomiʻi ʻi he Memories, ʻoku hoko atu ai ʻa e Gallery.
- Lomiʻi ʻi he book icon ke sio pē ki hoʻo ngaahi talanoá pe ko e microphone icon ke sio pē ki hoʻo ngaahi faile ki he fanongó.
- (Fili Pē) Ke sio pē ki he ngaahi talanoá pe ngaahi faile ki he fanongó naʻe ʻikai ke tag, lomiʻi ʻi he down arrow ʻi he tafaʻaki ʻo e Arrange, pea lomiʻi leva ʻi he Not Tagged.
- Lomi‘i ʻi he talanoá pe faile ki he fanongó ʻokú ke fie maʻu ke tag.
- Ki he tafaʻaki toʻomataʻu ʻo e talanoá pe faile ki he fanongó, lomiʻi ʻi he puha “Who is in this memory?”
- ʻI he puha ke fai ai e tohí, fakahū ai ʻa e hingoa ʻo e tokotahá. ʻI hoʻo taipeʻí, ʻe ʻasi ʻa e hingoa ʻo hoʻo ngaahi kuí mo e kāingá ʻi he Fuʻu ʻAkaú.
- Kapau ʻoku ʻasi ʻa e hingoa ʻoku tonú, lomiʻi ai. ʻOku pipiki leva he taimi pē ko iá ʻa e manatu melie ko ʻení ki he tokotaha ko ia ʻi he Fuʻu ʻAkaú.
- Kapau ʻoku ʻikai ke ʻasi ʻa e hingoa ʻoku tonú, fakaʻosi hono taipeʻi ʻa e hingoá, scroll ki lalo pea lomiʻi ʻi he Add New (Tānaki Foʻou). ʻOku teʻeki ai ke fakapipiki ʻa e manatu melie ko ʻení ki he Fuʻu ʻAkaú. Kapau ʻoku ʻi he Fuʻu ʻAkaú ʻa e tokotahá, lomiʻi ʻi he Fakapipiki ki he Fuʻu ʻAkaú pea kumi ʻa e tokotahá ʻo ngāue ʻaki hono hingoá pe fika ID.
- Toe fai pehē pē ki he tokotaha kotoa pē ʻi he talanoá pe faile ki he fanongó.
Ngaahi Sitepú (polokalama telefoni toʻotoʻo ʻo e Fuʻu ʻAkau Fakafāmilí)
Ke tag ha talanoa pe faile ki he fanongó ʻo ngāue ʻaki ʻa e polokalama telefoni toʻotoʻo ʻo e Fuʻu ʻAkau Fakafāmilí, kuo pau ke ʻosi tag ʻa e talanoá pe failé ki he tokotaha ʻi he Fuʻu ʻAkau Fakafāmilí. Te ke lava ʻo fakaʻaongaʻi ʻa e polokalamá ke tānaki atu ha tags lahi ange ki ai.
- ʻI he polokalama telefoni toʻotoʻo ʻo e Fuʻu ʻAkau Fakafāmilí, fakaʻaliʻali ʻa e peesi fakatāutaha ʻa ha tokotaha kuo ʻosi tag ki ai ʻi he manatu melié.
- Lomiʻi ʻi he Memories (Ngaahi Manatu Melié).
- Makatuʻunga ʻi hoʻo meʻangāue fakaʻilekitulōniká, te ke lava ʻo lomiʻi ʻi he book icon ke sio pē ki hoʻo ngaahi talanoá pe ʻi he microphone icon ke sio pē ki hoʻo ngaahi faile ki he fanongó. Ka ʻikai, ʻoku ʻi ʻolunga ʻa e ngaahi fakaʻilonga tatau ko ʻení ʻi he item kotoa pē ke tokoniʻi koe ke ke ʻilo ʻa e faʻahinga pau ʻo e ngaahi manatu melié.
- Lomi‘i ʻi he talanoá pe faile ki he fanongó ʻokú ke fie maʻu ke tag.
- Lomiʻi ʻi he icon (fakaʻilonga) ʻoku ʻasi mai hangē ha tokotaha mo ha + pe ko ha mataʻifiká. ʻOku ʻasi kotoa ʻa e ngaahi tag lolotongá, fakataha mo ha lisi ʻo e ngaahi kāingá mo e ngaahi kuí.
- Android: ʻOku ʻi he tafaʻaki toʻomataʻu ki ʻolunga ʻo e monitoá ʻa e fakaʻilongá.
- Apple iOS: ʻOku ʻi he tafaʻaki toʻomataʻu ki lalo ʻo e monitoá ʻa e fakaʻilongá.
- Kapau ʻoku ʻi he lisí ʻa e tokotahá, lomiʻi ʻi he hingoá. ʻOku pipiki leva he taimi pē ko iá ʻa e manatu melie ko ʻení ki he tokotaha ko iá ʻi he Fuʻu ʻAkau Fakafāmilí. Kapau ʻoku ʻikai ke ʻasi ʻa e hingoa ʻo e tokotahá ʻi he lisí, taipeʻi ʻa e hingoá, pea lomiʻi ʻi he Add New (Tānaki Foʻou). ʻOku teʻeki ai ke fakapipiki ʻa e manatu melie ko ʻení ki he Fuʻu ʻAkau Fakafāmilí.
- Lomiʻi ʻi he Kuo Lava.
Ngaahi Sitepú (polokalama telefoni toʻotoʻo ʻo e Ngaahi Manatu Melié)
- ʻI he polokalama telefoni toʻotoʻo ʻo e Ngaahi Manatu Melié, lomiʻi ʻi he talanoá pe meʻa ki he fanongó ʻa ē ʻoku fie maʻu ke tag.
- Makatuʻunga ʻi hoʻo meʻangāue fakaʻilekitulōniká, te ke lava ʻo lomiʻi ʻi he book icon ke sio pē ki hoʻo ngaahi talanoá pe ʻi he microphone icon ke sio pē ki hoʻo ngaahi faile ki he fanongó. Ka ʻikai, ʻoku ʻi ʻolunga ʻa e ngaahi fakaʻilonga tatau ko ʻení ʻi he meʻa kotoa pē ke tokoniʻi koe ke ke ʻilo ʻa e faʻahinga pau ʻo e ngaahi manatu melié.
- Lomiʻi ʻi he fakaʻilonga ʻoku ʻasi mai hangē ha tokotaha mo ha + pe ko ha mataʻifiká. ʻOku ʻasi kotoa ʻa e ngaahi tag lolotongá, fakataha mo ha lisi ʻo e ngaahi kāingá mo e ngaahi kuí.
- Android: ʻOku ʻi he tafaʻaki toʻomataʻu ki ʻolunga ʻo e monitoá ʻa e fakaʻilongá.
- Apple iOS: ʻOku ʻi he tafaʻaki toʻomataʻu ki lalo ʻo e monitoá ʻa e fakaʻilongá.
- Kapau ʻoku ʻi he lisí ʻa e tokotahá, lomiʻi ʻi he hingoá. ʻOku pipiki leva he taimi pē ko ʻení ʻa e manatu melié ni ki he tokotaha ko iá ʻi he Fuʻu ʻAkau Fakafāmilí. Kapau ʻoku ʻikai ke ʻasi ʻa e tokotahá ʻi he lisí, taipeʻi ʻa e hingoá, pea lomiʻi ʻi he Add New (Tānaki Foʻou). ʻOku teʻeki ai ke fakapipiki ʻa e manatu melie ko ʻení ki he Fuʻu ʻAkau Fakafāmilí.
- Lomiʻi ʻi he Kuo Lava.
Ngaahi Sitepú (Fuʻu ʻAkau Fakafāmili Laití)
ʻOku ʻikai fakangofua koe ʻe he Fuʻu ʻAkau Fakafāmili Lite ke ke upload, mamataʻi, pe tag ha ngaahi manatu melie.
Ngaahi fakamatala fekauʻakí
Te u fakatonutonu pe toʻo fēfē ha ngaahi tags ʻa ha tokotaha ʻi he Ngaahi Manatu Melié?
Te u tag fēfē ha ngaahi manatu melie ʻo ʻeku ngaahi kuí pe ngaahi kāingá ʻi he Fuʻu ʻAkau Fakafāmilí?
Ko hai ʻoku lava ke ne mamataʻi ʻa e ngaahi meʻa naʻe upload ʻi he Ngaahi Manatu Melie maʻá e kakai moʻuí?