Ko e ngaahi fakaʻilonga tefitó ko e ngaahi foʻi lea pe kupuʻi lea ia naʻe tānaki atu ʻe he tokotaha ngāué ʻa ia ʻoku nau fakamatalaʻi ʻa e ʻū taá, ngaahi talanoá, mo e ngaahi faile leá ʻi he FamilySearch. Ko e ngaahi fakaʻilonga tefito hangē ko e “founga hono ngaohí,” “mo‘ungaʻi tangata ʻi he taú,” pe “papitaisó” ‘okú ne fakafaingofuaʻi ange hono maʻu ʻa e ngaahi manatu melie ko ʻení.
‘I hoʻo ngāue mo e ngaahi fakaʻilonga tefitó, manatu‘i ʻa e ngaahi fokotuʻu ko ‘ení:
- Te ke lava ʻo tānaki atu ʻa e fakaʻilonga tatau pē ki he ngaahi manatu melie lahi he taimi pē ʻe taha. Ki ha ngaahi fakahinohino, vakai ki he “ʻOku anga fēfē haʻaku tānaki atu ʻa e fakaʻilonga tefito tatau pē ki he ngaahi fakahū lōlahi?” ʻi he konga ‘o e Ngaahi fakamatala fekauʻaki ‘i laló.
- ‘E lava pē ke tānaki atu pe toʻo ʻe ha fa‘ahinga taha ngāue pē ʻa e ngaahi fakaʻilonga tefitó mei ha manatu melié, tatau ai pē pe ko hai naʻá ne fakahū iá.
- ʻE lava ke ma‘u ʻe ha manatu melie ha ngaahi fakaʻilonga tefito ʻo aʻu ki he 30.
- ʻE ʻikai lava ke kau ʻa e emojis pe ngaahi fakaʻilonga ko ʻení: ~!@#$%&*(){}[]<>?/|\:;_+= ʻi he ngaahi fakaʻilonga tefitó.
- ‘Oku ʻikai liliu lea ‘a e ngaahi faka‘ilonga tefitó. Kapau te ke tānaki atu ʻa e fakaʻilonga tefito ko e “church” (ʻi he lea faka-Pilitāniá) ki ha manatu melie, ʻe ʻikai maʻu ia ʻe ha tokotaha ngāue ‘okú ne kumi ʻa e “iglesia” (ko e foʻi lea faka-Sipeini ki he Siasí).
- He ʻikai te ke lava ‘o faʻu ha ngaahi fakaʻilonga tefito ʻoku nau tatau. Pe te ke lava ke faʻu ha ngaahi tatau ʻoku nau kehekehe ʻaki pē ʻa e mata‘itohi lahí. Hangē ko ‘ení, he ʻikai ke ke lava ‘o faʻu ha ngaahi fakaʻilonga kehe ki he “Siasi” (mo e mataʻitohi lahí) pea mo e “siasi” (mo e mataʻitohi siʻisiʻí).
- ʻOku ʻuhingaʻi kehe pē ʻa e ngaahi faʻunga lea, hangē ko e ngaahi lea fakaʻilonga lahí. Ko ia, ‘e lava ke ke faʻu ‘a e “founga hono ngaohí” mo e “ngaahi founga hono ngaohí” fakatouʻosi. Ka, neongo iá, kapau ‘okú ke fekumi ki he “founga hono ngaohí”, ʻe ‘ikai ke ke maʻu ha ngaahi manatu melie kuo fakaʻilongaʻi ko e “ngaahi founga hono ngaohí.”
- ‘I hoʻo fekumi ki he ngaahi manatu melié, ʻe lava ke ke fakakau ha ngaahi fakaʻilonga tefito ke aʻu ʻo 5. Hangē ko ‘ení, te ke lava ʻo fekumi ki he ngaahi fakaʻilonga tefito ko e “tā fakafāmili,” “Nepulasikā”, mo e “1921” ke kumi ʻaki ‘a e ngaahi manatu melie kotoa pē ‘oku ʻi ai ‘a e ngaahi fakaʻilonga tefito ʻe tolu ko iá.
Mahu‘inga: Ko hono tānaki atu ʻo ha fakaʻilonga tefitó ʻoku ʻikai fakakau atu ʻa e manatu melié ki ha tokotaha ‘i he ʻAkau Fakafāmilí.