Te u tānaki fēfē ha fānau ki he ʻAkau Fakafāmilí?

Ko e taha ʻo e ngaahi founga vave taha ki hono tānaki ha fānau ki he ʻAkau Fakafāmilí ko hono fakafehokotaki kinautolu ki heʻenau mātuʻá.

Ngaahi Sitepu (uepisaití)

1. Hū ki he FamilySearch pea lomiʻi ʻi he ʻAkau Fakafāmilí.
2. ʻAlu ki he Peesi ʻo ha tokotaha ʻo e ongomātuʻá.
3. Kapau ʻoku ʻikai ke ke sio ki he Ngaahi Meʻa Mahuʻingá ʻi he konga ki ʻolunga ʻo e pēsí, lomiʻi ʻi heNgaahi Fakaikiikí.
4. ʻAlu hifo ki lalo ki he kongaKau Mēmipa ʻo e Fāmilí.
5. ʻI lalo ʻi he Ngaahi Hoa Malí mo e Fānaú, lomiʻi ʻi he Tānaki ha Fānaú. (Kapau ʻoku ʻikai ʻasi mai e Tānaki ha Fānaú, lomiʻi ʻi he foʻitao ki lalo ʻi he tafaʻaki ʻo e Fānaú ʻi lalo ʻi he puha ongomeʻa malí.)
   
   • Kapau ʻoku ʻikai ʻiloʻi ha taha ʻo e ongomātuʻa ʻa e fānaú, lomiʻi ʻi he Tānaki ha Fānau ʻoku ʻIkai ʻIloʻi e Faʻeé pe Tamaí. Tānaki e ngaahi fakaikiikí ʻi ha fakamatala pe ʻi he Fakamatala ki he Moʻui ʻo e tokotahá.
6. Fakahū e fakamatala fekauʻaki mo e fānaú, pea lomiʻi ʻi he Hoko Atú. (Kapau ʻokú ke ʻilo e ID ʻo e fānaú, lomiʻi ʻi he ʻAki e Fika ID.)
7. Toe vakaiʻi ʻa e ngaahi ola ʻo e fekumí. Kapau te ke maʻu ʻa e fānau totonú, lomiʻi ʻi heTānaki ʻa e Tokotahá.
8. Kapau he ʻikai te ke sio ki he tokotahá ʻi he ola ʻo e fekumí, lomiʻi ʻi he Faʻu Foʻoú.

Ngaahi Sitepú (polokalama mopailá)

1. ʻI he polokalama mopaila ʻo e ʻAkau Fakafāmilí, ʻalu ki he Peesi ʻo ha taha ʻo e ongomātuʻá.
2. Lomiʻi ʻi he Ngaahi Hoa Malí.
3. Kapau ʻokú ke sio ki ha ngaahi hoa mali tokolahi ange, lomiʻi ʻi he tao hanga ki lalo ʻi he veʻe hingoa ʻo e hoa mali totonú.
   
   • ʻI he lolotonga ní, ʻoku ʻikai ha toe fili ʻi he polokalama telefoni toʻotoʻó ke tānaki ha fānau ki ha mātuʻa ʻoku ʻikai hano hoa mali. ʻAʻahi ki he uepisaití ki he ngaahi meʻa ke fili mei ai ʻení.
4. Lomiʻi ʻi he Tānaki ha Fānaú.
5. Fakahū ha fakamatala fekauʻaki mo e fānaú, pea lomiʻi ʻi he Hoko Atú. (Kapau ʻokú ke ʻilo e ID ʻo e fānaú, lomiʻi ʻi he ʻAki e Fika ID pe Kumi ʻAki e ID.)
6. Fakahaaʻi pe ʻoku kei moʻui pe ʻosi pekia ʻa e tokotahá, lomiʻi leva ʻi heHoko Atú.
7. Toe vakaiʻi ʻa e ngaahi ola ʻo e fekumí. Kapau te ke maʻu ʻa e fānau totonú, lomiʻi ʻi he Tānaki ʻa e Meʻa ʻOku Tataú.
8. Kapau he ʻikai te ke sio ki he tokotahá ʻi he ngaahi ola ʻo e fekumí, lomiʻi ʻi heʻIkai hano Hoa. 
9. Vakaiʻi hoʻo fakamatalá, pea lomiʻi ʻi he Tānaki pe Tānaki e Tokotaha ko ʻEní.

Ngaahi Sitepu (ʻAkau Fakafāmili Lite)

1. ʻI hoʻo hū ki he ʻAkau Fakafāmili Lite, ʻalu ki he Peesi ʻo ha taha ʻo e ongomātuʻá.
2. Lomiʻi ʻi he Vakai ki he Fāmilí.
3. ʻI lalo ʻi he Ngaahi Hoa Malí mo e Fānaú, ʻi lalo he hoa mali totonú, lomiʻi ʻi he Tānaki ha Fānaú.
   
   • ʻOku ʻikai ha toe fili ʻi he ʻAkau Fakafāmili Laití ke tānaki ha tokoua/tuongaʻane/tuofefine taʻe ʻi ai ha ongomātuʻa. ʻAʻahi ki he uepisaiti kakató ki he ki he ngaahi meʻa ko ʻeni ke fili mei aí.
4. Fakahū e fakamatala fekauʻaki mo e fānaú, pea lomiʻi ʻi he Hoko Atú. (Kapau ʻokú ke ʻilo e fika ID ʻo e fānaú, lomiʻi ʻi heKumi ʻAki ʻa e Fika ID.)
5. Toe vakaiʻi ʻa e ngaahi ola ʻo e fekumí. Kapau te ke maʻu e fānau totonú, lomiʻi ʻi he Tānaki ʻa e Tokotahá.
6. Kapau ʻoku ʻikai ke ke sio ki he tokotahá ʻi he ngaahi ola ʻo e fekumí, lomiʻi ʻi heFaʻu ʻa e Tokotahá.

Ngaahi Tokoní

Fāʻele māhanga pe tokolahi angé

• Tānaki tahataha ko ha niʻihi fakafoʻituitui. 
• ʻOua naʻá ke tānaki e foʻi lea “māhangá” ʻi he hingoá. Ka, te ke lava ʻo fakaʻasi pau ia ʻi he fakamatala Kehé, ʻi he Fakamatala ki he Moʻuí, pe ko e konga ki he Ngaahi Fakamatalá ʻo e peesi ʻa e Tokotahá maʻá e tokotaha taki taha.
• Naʻa mo hano tānaki ʻi ha hokohoko pau, ʻe lava ke kei ʻasi pē e fānaú ʻoku ʻikai ke nau hokohoko totonu. Kapau ʻe ʻasi ha kakai ʻe toko ua ʻoku tatau hona ʻaho fāʻeleʻí, ʻe lisi kinaua ʻe he polokalamá ki he hokohoko fakamotuʻaleá. He ʻikai ke ke lava ʻo liliu ʻa e hokohokó. 
• Kapau ne mate ʻa e ongo māhangá ne teʻeki fakahingoa, fakahu pē ʻa e hingoa fakaikú mo e ʻaho fāʻeleʻí mo e ʻaho pekiá. Ke fakaʻehiʻehi mei hano fakatahaʻi ʻamui ange ʻo e ongo lekooti ngali ʻasi tuʻo uá, te ke lava ʻo muimui he ngaahi sitepu ko ʻení:
  
  • Fakahū ʻa e fakamatalá ʻi he Fakamatala ki he Moʻuí ʻo e ongo māhangá takitaha ke fakamatalaʻi e tūkungá.
  • Faʻu ha kiʻi fakamatala takitaha ʻo e ongo māhangá ke fakamatalaʻi e tūkungá.
  • Vakaiʻi pe ʻoku ʻasi tuʻo ua, pea fakaʻilongaʻi ʻa e ongo māhangá ʻoku ʻIkai Tatau mo ha fakamatala mahino ki he ʻuhingá. 

Fānau tuʻutāmakí

• Te ke lava ʻo fakafehokotaki kinautolu ki he ongomātuʻa moʻoní fakataautaha, pe ko ha ongomeʻa mali.
• ʻOua naʻá ke tānaki ha faʻahinga fakamatala ki he hoa malí maʻá e ongomeʻa malí. Hiki ha fakamatala mahuʻinga ʻi ha kiʻi tohi pe ʻi ha Fakamatala ʻo e Moʻuí.
• ʻI he taimi ní, ʻoku ʻomi ʻe he ʻAkau Fakafāmilí ha kalasi ʻe nima ʻo e vā fetuʻutaki ʻi he vahaʻa ʻo e ongomātuʻá mo e fānaú: Ongomātuʻa Ohi, Ongomātuʻa Totonu, Tauhi Fakalao, Tauhi Fakataimi, Mali Ua ʻo ha Taha ʻo e Ongomātuʻá. ʻE pehē pē ʻe he polokalamá ko ha vā fetuʻutaki totonu. Te ke lava ʻo fakamahinoʻi ha kalasi vā fetuʻutaki kehekehe maʻa ha ngaahi mātuʻa ʻoku lahi ange he tahá.

Ngaahi fakamatala fekauʻakí

ʻE founga fēfē haʻaku tānaki ha mātuʻa ʻi he ʻAkau Fakafāmilí?
Te u fakapapauʻi fēfē e ngaahi vā fetuʻutaki fakaetotó (biological), fānau ʻa e mali ua pe mali uá, ohi mai mo tauhi fakataimi (foster) ʻi he ʻAkau Fakafāmilí?
Te u fakafoki fēfē ha vā fetuʻutaki kuo toʻo mei he ʻAkau Fakafāmilí?