Te ke lava ʻo fakakau atu mo ha ongomātuʻa ʻe toko ua pe lahi ange ki ha tokotaha, hangē ko e ongomātuʻa totonú mo e ongomātuʻa ohí. Ko e founga ʻe tahá ko hono tānaki e fānaú ki he lekooti ʻo ha ongomātuʻa.
Ngaahi Sitepu (uepisaiti)
- Hū ki he FamilySearch pea lomiʻi ʻi he ʻAkau Fakafāmilí.
- Lomiʻi ʻi he Kumi ke ʻalu ki he fānaú. ʻIloʻi ʻa e fika ID.
- Toe fakaʻaongaʻi ʻa e Kumí ke kumi ʻaki ʻa e tamaí pe faʻeé. ʻI he ngaahi ola ʻo e fekumí, lomiʻi ʻi he mātuʻá ke ʻohake ʻa e kaati fakamatala nounoú.
- Lomiʻi ʻa e Tokotaha
- Kapau ʻoku ʻikai ʻasi mai e konga ki he Ngaahi Fakaikiikí, lomiʻi ʻi he meʻa lomi Ngaahi Fakaikiikí .
- ʻAlu ki he konga ʻa e Kau Mēmipa ʻo e Fāmilí .
- ʻI lalo ʻi he Ngaahi Hoa Malí mo e Fānaú, lomiʻi ʻi he Tānaki ha Fānaú.
- Lomiʻi ʻi he ʻAki e Fika ID pea fakahū ʻa e ID ʻo e fānaú.
- Lomiʻi e Hoko Atu
- Toe vakaiʻi ʻa e ngaahi meʻa ʻe ala hoá.
- Lomiʻi e Tānaki e Hoa Tataú.
- Ke fakaʻaongaʻi e fakamatala ʻi hoʻo fekumí ke tānaki e lekooti ʻo e fānaú ki he ʻAkau Fakafāmilí, lomiʻi ʻi he Faʻu e Tokotahá.
Ngaahi Sitepú (polokalama telefoni toʻotoʻó)
- ʻI he tafaʻaki toʻomataʻu ki ʻolunga ʻa e polokalama telefoni toʻotoʻo ʻa e ʻAkau Fakafāmilí, lomiʻi ʻa e fakaʻilonga fekumí
- Kumi ʻa e kiʻi tamasiʻí pe taʻahiné pea fakaʻilongaʻi ʻa e ID.
- Toe fekumi ki he tamaí pe faʻeé.
- ʻI he ngaahi ola ʻo e fekumí, lomiʻi ʻi he mātuʻá ke ʻohake ha peesi Fakaikiiki.
- Lomiʻi ʻi he Ngaahi Hoa Malí.
- ʻAlu ki lalo, pea lomiʻi ʻi he Tānaki e Fānaú.
- Lomiʻi ʻi he Tānakí ʻaki ʻa e ID pea fakahū ʻa e ID ʻo e fānaú. Ki he ngaahi meʻangāue iOS, lomiʻi ʻi he Moʻuí pe Pekiá
- Lomiʻi ʻi he Hoko Atú
- Ki he meʻangāue Android, lomiʻi ke fili ʻa e Moʻuí pe Pekiá. Lomiʻi ʻi he Hoko Atú
- Toe vakaiʻi ʻa e ngaahi meʻa ʻe ala hoá.
- Lomiʻi ʻi he Tānakí pe Tānaki e Hoa Tataú.
- Ke faʻu ha tokotaha, lomiʻi ʻi he Tānaki ʻa e Tokotahá Ni pe Tānaki.
Ngaahi sitepu (ʻAkau Fakafāmili Laití)
- ʻI hoʻo hū ki he ʻAkau Fakafāmili Laití, ʻalu ki he peesi Tokotaha ʻo e fānaú. ʻIloʻi ʻa e fika ID.
- ʻI he fuka ʻi ʻolungá, lomiʻi ʻi he fakaʻilonga fekumí.
- Fakahū e ngaahi foʻi lea ke kumí, pe lomiʻi ʻi he ID kapau ʻokú ke ʻiloʻi ʻa e fika ID ʻo e tamaí pe faʻeé. Kuo pau ke ke tānaki atu ʻa e haʻí pea fakamataʻitohi lahi ʻa e ngaahi mataʻitohi ʻo e ID.
- Lomiʻi ʻi he Kumí.
- ʻI he ngaahi ola ʻo e fekumí, lomiʻi ʻi he mātuʻá ke ʻohake ʻenau peesi ʻo e Tokotahá.
- ʻI lalo ʻi he hingoa ʻo e ongomātuʻá, lomiʻi ʻa e Vakai ki he Fāmilí.
- ʻI lalo ʻi he Ngaahi Hoa Malí mo e Fānaú, lomiʻi ʻi he Tānaki e Fānaú
- Fakahū e ngaahi foʻi lea fekumí, pe lomiʻi ʻi he Kumi ʻaki e Fika ID kapau ʻokú ke ʻiloʻi e fika ID ʻo e fānaú.
- Lomiʻi e Hoko Atu
- Toe vakaiʻi ʻa e ngaahi meʻa ʻe ala hoá.
- Lomiʻi ʻi he Tānaki ʻa e Tokotahá
- Lomiʻi ʻi he Faʻu ʻo e Tokotahá ke fakaʻaongaʻi e fakamatala ʻi he feituʻu fakahūʻanga fakamatala fekumí ke tānaki atu ʻa e lekooti ʻo e fānaú ki he ʻAkau Fakafāmilí.
Sitepu makehe
ʻI he taimi ʻokú ke fakafehokotaki ai ha fānau ki ha ngaahi mātuʻa ʻoku lahi hake he tahá, fili ha faʻahinga vā fetuʻutaki maʻá e ongomātuʻa takitaha.
Ngaahi fakamatala fekauʻakí
Te u tānaki fēfē nai ha ongomātuʻa ko ha mali ua ʻo e tamaí pe faʻeé, ongomātuʻa ohi pe ongomātuʻa fakataimi ki ha fānau ʻi he ʻAkau Fakafāmilí?
Te u fakapapauʻi fēfē e ngaahi vā fetuʻutaki fakaetotó (biological), fānau ʻa e mali ua pe mali uá, ohi mai mo tauhi fakataimi (foster) ʻi he ʻAkau Fakafāmilí?