ʻOku mahuʻinga ke fakahū totonu ʻa e ngaahi hingoa faka-Siainá ki he Fuʻu ʻAkau Fakafāmilí ke fakapapauʻi ʻoku tonu hono fakaʻaliʻalí, fekumi, mo e paaki ʻo e ngaahi hingoá.
Fakaʻaongaʻi ʻa e fanga kiʻi tokoni ko ʻení ke fakahū ʻaki ʻa e ngaahi hingoa faka-Siainá ki he Fuʻu ʻAkau Fakafāmilí.
ʻI he konga ki he Ngaahi Meʻa Mahuʻingá pe vakai ki he kui ʻuluakí, fakahū ʻa e hingoa tefitó pe hingoa ʻoku fiemaʻú
Te ke lava ʻo fakahū ʻa e ngaahi hingoá ʻi he peesi ʻa e tokotahá pe mei he mape tohi hohoko ʻa e kui ʻuluakí.
- ʻI he peesi ʻa e tokotahá, ʻalu ki he Ngaahi Meʻa Mahuʻingá. Hoko ki he hingoá, lomiʻi ʻi he fakaʻilonga Fakatonutonú
. Toe lomiʻi ʻi he Fakatonutonú , pea fakahoko leva ʻa e ngaahi liliú pea lomiʻi ʻi he Seiví. - ʻI he vakai ki he Kui ʻUluakí, lomiʻi ʻi he hingoaʻo e tokotahá. ʻE ʻasi hake ha lisi fakaikiiki ʻi he tafaʻaki toʻomataʻú. ʻI lalo ʻi he konga ki he Ngaahi Moʻoniʻi Meʻá, lomiʻi ʻi he Tānaki ha Moʻoniʻi Meʻa. Lomiʻi ʻi he Hingoa Kehé, Hingoa ʻo e Haʻá, pe Hingoa Fakamatakalí (Caste).
ʻI he taimi ʻokú ke fakahū ai ha hingoa ʻo ha tokotaha ʻi he konga ki he Hanzi, fakahū ʻa e hingoa fakaikú mo e hingoa naʻe fakahingoa ʻaki ʻi hono fāʻeleʻí. Fakahū ʻa e hingoa teʻeki malí maʻá e houʻeiki fafiné.
Fakaʻaongaʻi e foomu ki he lea fakafonua faka-Siainá
ʻOku ʻi ai ha konga ʻe 2 ʻi he foomu lea fakafonua faka-Siainá. Ko e seti ʻe taha ʻoku maʻá e hingoa fakafāmilí mo e hingoa naʻe fakahingoa ʻakí. ʻOku ʻi ai mo ha seti makehe maʻá e Hanzi mo e faka-Lomá.
ʻE lava ke maʻu ʻa e ngaahi foomu lea fakafonuá ʻi he drop-down menu ʻi ʻolunga ʻi he feituʻu ki he Hingoá. Liliu ia mei ha meʻa pē ʻoku ʻasi ki he lea faka-Siainá.
Taipeʻi ʻa e ngaahi mataʻitohi faka-Siainá ki he hingoa fakaikú mo e hingoa naʻe fakahingoa ʻakí. ʻOku tānaki atu ʻe he polokalamá ʻi he taimi pē ko iá ʻa hono sipela faka-Manitalini Pinini ʻo e hingoá ʻi he konga faka-Lomá. Kapau ʻokú ke fie fakaʻaongaʻi ha sipela kehe, te ke lava ʻo fetongi ʻa e sipela faka-Manitalini Pininí ʻaki ha faʻahinga sipela pē ʻokú ke fiemaʻú.
ʻI he konga ki he Fakamatala Kehé, fakahū ai ʻa e ngaahi hingoa kehé.
ʻOku lahi ha ngaahi lelei ʻi hono lekooti ʻo e ngaahi tatau kotoa pē ʻo e hingoa ʻo ha tokotaha:
- ʻOkú ke fakatolonga ai ha ngaahi moʻoniʻi meʻa mahuʻinga fekauʻaki mo e moʻui ʻa e tokotahá.
- ʻOku faingofua ange hono kumi ʻo e tokotahá ʻi he Fuʻu ʻAkau Fakafāmilí. ʻOku kau ʻi he polokalamá ha ngaahi hingoa kehe ʻi he fekumí.
- ʻOku tokoni ia ke fekumi mo ʻiloʻi ʻe he kau fakatotoló ha taha ʻi he ngaahi lekooti fakahisitōliá, ʻo aʻu pē ki he taimi ʻoku fakaʻaongaʻi ai ʻe he ngaahi lekōtí ha ngaahi tatau kehekehe ki he hingoa ʻo e tokotahá.
Faʻahinga ʻo e ngaahi hingoa kehé
Kapau ʻokú ke fakaʻaongaʻi ʻa e Fuʻu ʻAkau Fakafāmilí ʻi he lea faka-Pilitāniá, ʻe lava ke maʻu atu ʻa e faʻahinga ʻe fā ʻo e ngaahi hingoa kehe ko ʻení:
- ʻOku ʻIloa Foki Ko. ʻOku kau ʻi he sīpingá ha ngaahi hingoa kehe naʻe fakaʻaongaʻi ʻe he tokotahá, hangē ko e ngaahi liliu hingoa ʻoku fekauʻaki mo ha hiki ki ha fonua foʻou.
- Hingoa Fāʻeleʻí. Fakaʻaongaʻi ʻa e fili ko ʻení ke lekooti ʻa e hingoa naʻe fakaʻaongaʻi ʻe ha taha kimuʻa pea toki ohi ia ki ha haʻa kehe.
- Hingoa Malí. Fakaʻaongaʻi ʻa e fili ko ʻení ke lekooti ʻa e hingoa naʻe fakaʻaongaʻi ʻe ha taha hili ʻa e malí kapau naʻe ngāue ʻaki ʻe he tokotahá ha hingoa kehe.
- Hingoa Fakatenetené. Fakaʻaongaʻi ʻa e fili ko ʻení ke lekooti ʻa e ngaahi hingoa fakatenetene naʻe fakaʻaongaʻi ʻe he ongomātuʻa ʻa e tokotahá pe kau mēmipa ofi ʻo e fāmilí.
Kapau te ke fili ʻa e sīpinga lea faka-Siainá, ʻokú ke maʻu foki mo e ngaahi meʻa ko ʻení:
- Hingoa ʻi he Angaleleí (字). Fakaʻaongaʻi ʻa e fili ko ʻení ke lekooti ʻa e hingoa naʻe foaki ki he tokotahá ʻi heʻene fuʻu lahí. Naʻe foaki mai ʻa e hingoá ʻi he angaleleí ʻa e ongomātuʻa ʻa e tokotahá pe ko ha faiako fakataautaha ʻi he ʻuluaki ʻaho akó. Hili ʻa e malí, naʻe ohi mai ʻe ha kau fafine ʻe niʻihi ha hingoa lelei ke fakaʻaongaʻi kae ʻikai ko honau hingoa naʻe foakí. ʻI hono ʻoatu pē, ʻe fetongi leva ʻe he hingoa leleí ʻa e hingoa foaki ʻo e tokotahá.
- Hingoa ʻAati (號). Fakaʻaongaʻi ʻa e fili ko ʻení ke lekooti ʻa e hingoa fakapalōfesinale ʻo e tokotahá, hingoa faka-pulipuli, pe hingoa faʻu tohí. Naʻe fakaʻaongaʻi ʻa e ngaahi hingoa ko ʻení ʻe he kau ako, kau ʻaati, kau punake, mo e kau faʻu tohi.
- Hingoa Toputapu (諱). Fakaʻaongaʻi ʻa e fili ko ʻení ke lekooti ʻa e Hingoa Toputapu ʻo e tokotahá. ʻI he anga fakafonua faka-Siainá, ʻoku fakaʻaongaʻi ha hingoa toputapu kae ʻikai ko ha hingoa foaki ʻi he taimi ʻoku lea pe tohi ai fekauʻaki mo e kakai kuo hākeakiʻí.
- Hingoa Hili ʻa e Maté (諡). Ko ha hingoa fakalāngilangi ʻeni naʻe ʻuluaki foaki ki he fale ʻo e tuʻí mo e kau nōpelé. ʻI he ngaahi senituli kimuí ni maí, kuo maʻu foki ʻe he kakai angamahení ha ngaahi hingoa hili ʻa e maté. ʻOku meimei ke fakaʻaongaʻi ʻataʻata pē ʻa e ngaahi hingoa hili ʻa e maté kae ʻikai ko e ngaahi hingoa kehe ʻo e tokotahá pe ngaahi hingoa fakanofo fakaʻofisiale naʻe fakaʻaongaʻi ʻe he tokotahá lolotonga ʻene moʻuí.
Ngaahi fakamatala fekauʻakí
Te u tānaki fēfē nai ha ngaahi hingoa fakatenetene ki he Fuʻu ʻAkau Fakafāmilí?
Te u fakahū fēfē nai ha ngaahi hingoa ki he Fuʻu ʻAkau Fakafāmilí?
Te u fakahū fēfē nai ha hingoa mei ha lea fakafonua kehe ki he Fuʻu ʻAkau Fakafāmilí?
Te u fakahū fēfē nai ha ngaahi ʻaho mei he ngaahi tohi faka-Siaina tuʻuloá ki he Fuʻu ʻAkau Fakafāmilí?
Te u fakahū fēfe nai ha ngaahi hingoa faka-Siaina ki he Fuʻu ʻAkau Fakafāmilí?