Ako fekauʻaki mo e ngaahi vā fetuʻutaki ʻasi tuʻo lahi ʻi he Fuʻu ʻAkau Fakafāmilí ʻi he vahaʻa ʻo ha fānau mo ha mātuʻa. Ke fakatonutonu ʻa e fehalaākí, toʻo ʻa e vā fetuʻutaki ʻoku ʻasi tuʻo uá.
ʻI ha ngaahi tūkunga lahi, ko e vā fetuʻutaki totonú ʻa e vā fetuʻutaki ʻoku kau ai e hingoa ʻo e ongomātuʻá fakatouʻosi. ʻI hono fakafehoanakí, ko ha taha pē ʻo e ongomātuʻá ʻoku faʻa ʻasi ʻi he ngaahi vā fetuʻutaki ʻoku ʻasi tuʻo lahí. ʻOku ʻasi e mātuʻa ia ʻe tahá ʻoku “ʻikai ʻiloʻi.” Toʻo ʻa e vā fetuʻutakí.
Kimuʻa peá ke kamatá
ʻI he taimi te ke ngāue ai mo e vā fetuʻutaki ʻo e mātuʻá-fānaú, ʻe tokoni ke hiki e ngaahi hingoá, fika ID, mo e ngaahi vā fetuʻutaki ʻo e ngaahi kui ʻoku kau ki aí. Manatuʻi te ke lava ʻo fakaʻaongaʻi ʻa e lisi ʻo e ngaahi liliu ne toki faí ki hono fakafoki ʻo e ngaahi liliú kapau ʻoku ʻi ai haʻo fehalaaki.
Ngaahi Sitepú (uepisaití)
- ʻI he meʻa ke fili mei ai ʻi ʻolungá, lomiʻi ʻa e Fuʻu ʻAkau Fakafāmilí, pea lomiʻi leva ʻa e Fuʻu ʻAkaú.
- Kumi ʻa e fānau ʻoku ʻasi tuʻo ua ʻa e vā fetuʻutakí.
- Lomiʻi e hingoa ʻo e tokotahá. ʻI he ngaahi fakaikiiki ʻoku ʻasi haké, toe lomiʻi ʻi he hingoa ʻo e tokotahá.
- Lomiʻi ʻi he meʻa lomi ki he Ngaahi Fakaikiikí.
- ʻAlu ki he konga Kau Mēmipa ʻo e Fāmilí. Kumi ʻa e fānau ʻoku ʻi he malumalu ʻo e tamai/faʻē ʻoku ʻikai ʻiloʻi hono malí.
- Lomiʻiʻi e fakaʻilonga Fakatonutonú
.
- Makehe mei he hingoa ʻo e fānaú, lomiʻi e Toʻó pe Fetongí.
- Ke fakamahino naʻá ke toe vakaiʻi ʻa e ngaahi vā fetuʻutakí, ngaahi maʻuʻanga tokoni fakamatalá, mo e ngaahi fakamatala maʻá e fakafoʻituituí, lomiʻi e puha vakaiʻí.
- Lomiʻi e Toʻo e Mātuʻá.
- Fakamatalaʻi e ʻuhingá, pea lomiʻi ʻi he Toʻó.
- Refresh e pēsí. ʻE ʻikai ke ke toe sio koe ki he fānau mo e matuʻa tāutahá.
Ngaahi Sitepú (polokalama telefoni toʻotoʻó)
- ʻI he polokalama telefoni toʻotoʻo ki he Fuʻu ʻAkau Fakafāmilí, ʻalu ki he peesi ʻa e fānau ʻoku ʻasi tuʻo ua hono vā fetuʻutakí.
- Lomiʻi ʻi he meʻa lomi Mātuʻá.
- Kumi e hingoa ʻo e fānaú, pea lomiʻi ʻa e fakaʻilonga fakatonutonú.
- Lomiʻi e Mātuʻa Halá.
- Fakamatalaʻi e ʻuhingá pea lomiʻi ʻi he Toʻó. (Ki he Apple iOS, lomiʻi e Hoko Atú kae lava ke fakahū hoʻo ʻuhinga ki hono fai ʻo e liliú, pea lomiʻi e Toʻó.)
- ʻI he kakato ʻa e ngāué, he ʻikai ke ke toe sio koe ki he fānau mo e matuʻa tāutahá.
Ngaahi sitepú (Fuʻu ʻAkau Fakafāmili Laití)
- ʻI hoʻo hū ki he Fuʻu ʻAkau Fakafāmili Laití, ʻalu ki he peesi Tokotaha ʻo e fānau ʻoku hala ʻene ongomātuʻá.
- ʻI lalo ʻi he hingoa ʻo e tokotaha fakafoʻituituí, lomiʻi ʻi he Vakai ki he Fāmilí.
- ʻI he lalo ʻi he Mātuʻá mo e Fānaú, kumi e hingoa ʻo e tamasiʻí/taʻahiné, pea lomiʻi e fakaʻilonga Fakatonutonú.
- Ke toʻo fakatouʻosi e ongo mātuʻá, lomiʻi e Toʻo pe Fetongi ʻi he tafaʻaki ʻo e tamasiʻí/taʻahiné.
- Fakamatalaʻi e ʻuhingá, pea lomiʻi ʻi he Toʻó.
- Refresh e pēsí. ʻE ʻikai ke ke toe sio koe ki he tamasiʻí/taʻahiné mo e matuʻa tāutahá.
Ngaahi fakamatala fekauʻakí
Te u fakatonutonu fēfē nai ʻa e ngaahi vā fetuʻutaki ʻa e mātuʻa-fānaú ʻi he Fuʻu ʻAkau Fakafāmilí?
Te u vakai fēfē nai pe ko e hā e ngaahi liliu naʻe fakahoko fekauʻaki mo ha tokotaha ʻi he Fuʻu ʻAkau Fakafāmilí?
ʻOku laka hake ʻi he tuʻo tahá ʻa e asi ʻa e tamasiʻi/taʻahine tatau ʻi ha fāmili ʻi he Fuʻu ʻAkau Fakafāmilí.